Juan 10:1 - Sinia' Jlamtis 1994

¹ Jesús paj ti iyoye'eje 'ate: —Ijiate, ijiatk'i siunie jayo ti awo'ate, siunie ti je iniuyi ni jika 'wuk kiwet jana sontas ji'wuk, ti i'yujli wek paka'a, 'yina nak kajlajnata jla'yi ti kalankijieta.

Juan 10:1 Iomraidhean Croise

Mateo 7:15

“Joskiyeyi siunapo je ijiat ka injwejlanawosa' ti ijwil ka intajlisi pa Sinia'. Ti jla'm initewitanisik'i niwa 'wolepo' ti isis, jlam'ne ki iyo niwaka, niwaka k'iwajlas niwa jwesis.

Juan 10:7

Jesús yikiajlayi'iji ti iyone'ate japo i'nio': —Ijiate, ijiatk'i siunie ti jayo'ate, ya'am siunie 'wuk kiwet siunie iniuyi'ni niwa sontas.

Juan 3:3

Jesús iyo'ate ti isiujlie: —Ijiate, ijiatk'i siunie jayo, lajk'ipa kan'we'en pi k'iejliyi pi Sinia' jika anechijiayas ijiatjliyi jla'am ni i'nio' ti yikiajle'e ti k'iejli yiji'n, nak jantant'ieje.

Romanos 10:15

'Yina, ¿tepa jawo ka inamtik jiwos ijnoyi ti lajk'ipa ka injloyi? Iyo niwa Sinia' jlamtis ti iyo'ate, “¡Ijiat ti 'es wat ti 'nes'ni siunapo ti name nak inka'niye ti 'es!”

Romanos 16:18

'Yina je iniuyeje ni Saka'niona Sijwajieti, nakata jla'am siuniwa ti jla'am ti itiliajasi ka woyisi. Siuniwa jlamtis je a'tisk'iji'n, jla'yi ti inkasi, ik'emijietk'i siunapo ti je itijnisis ilia'm, ti je 'yijen jwajla'aja.

Tito 1:11

Ya'am awo'ate, ¡kiejak'i ape'e niwa jikiwitawa napoka!, 'yina ti najata jla'am i'yenis ti ka jikaja poyeyis ape'e siunie ti taka'neyasane, jlam'ne je 'es siunie ijwi'il ka'neyasane napo i'nio', 'wenajliyi ti initiajnatk'iji'n napo i'nio' wikie'eyi napo ji'wet jlele.

Hebreos 5:4

Je ti'wena paka ka jlama jiwek jla'am ka kiak iniwone iyo ni pa'yijis jika anechiyas wuj, 'yina ijiatjliyi jla'am pi Sinia' ti tane ka kiak iwo, nakaye ti yikiajle siunie ti iyo anechiyasa', iyot'iyipi pa Aarón t'ipi.

1 Pedro 1:10

Ti pajk'iyi siupapo injwejlanawos t'ipi ta'a ti initotisk'i'ni wita'm ape'e ti i'yenis ni iyo, jla'yi ti ini'neyasane siojona asjwajieti. Ijiatjliyi 'nakayi naka t'ipi ti ijwilis, siu'nie jikap'ijliuskiye pi Sinia' ti iwi'nase'm.

2 Pedro 2:1

Ti pajk'i kiak jini iyopi pojompe'eje papo yiji papo Israel jika kia'lis, ti kia'iyo je ijiate ka injwejlanawosa'. 'Yina kiak jawoyi, japoye napo napoka inka'neyasajnawos ti ja ke ijiatayi paka injwelis, ti jane aska kiowe'e. Janama'ase ni siunie jika'neyasajnaye, 'yina sek ja'not'i siuniwa ti wuj ti je isis, ti jankajyina. Janleyeyisijna'a 'nijiye ki iyo ni Saka'niona ti naka ti ijiate ti ijwiejiete'n. Ja jlamisie jla'am, ti janinetitis ni siunie ja tiwonaja ti ja tisiejek'i.

2 Pedro 2:3

'Yina ti jwesiejayisink'iye ka 'wena jana wikiniet'aj, napoka i'nio' jawo jlamayisi siuniwa askijmatis ti ji'wena ti jajna'lase, kajeyepa ti ja ke jwajla'aja siunie jawoyi ni jika'neyasajnaye. 'Yina ke injlak'alak'i wita'm, kajeyepa ti ja jlaj poye siunie iniwonisi, 'yina pajk'i ta'a ti wakal siunie inijijwijyink'iye, naka ti Sinia' jan'ye'en siunie jitis iyo. 'Yina ja lajak'i pa ka iniwonisi, ja ke injwayisi siunie jiliaye.

1 Jn 4:1

I'lijwas ti yimijna', ká a'wenayeyijap'ni ka k'iuyeyi siunapo i'nio' ijwi'il ka nejyi siojona Sinia' jikimet. Janajnata ti ja'yena siuti ja ijiatayi ti jantajle pa Sinia' siojopa jikimet yiji. Je pini' napo injwejlanawos ti je ijiate ape'e 'ni ajnat ti t'iskiunk'iji'n, it'imina ni awo'nase.