Juan 1:49 - Sinia' Jlamtis 1994

⁴⁹ Natanael iyo'ne 'ate: —Inka'neyasajnawo, ¡am ti Sinia' Jlajts'a'm, sa'am ti Israel jika kia'lits'e'm saka anechiyasts'a'm!

Juan 1:49 Iomraidhean Croise

Mateo 14:33

Jakayi'ne siojopo ijia yiji jlaja kasejkana, t'opiyeyis kiajwe ti iyunitis iyoyeyis 'ate: —¡Ijiatp'ane ti Sinia' jlajts'a'm!

Mateo 2:2

ti 'yasanisi'ni pa kia'le, ti iyo'ate: —¿Tepa yiji siupa Judíojos jika anechiyas, ti k'iejli yiji'n? A'wenajk'i jlaja jika kates ti 'yakaja ti k'iejli 'nes pijia'm, jak je iyoyiji ti anamaja'ni, ti awoki ka tijwilaja ti jayunitie.

Mateo 21:5

“Jwelajia'm napo i'nio' yiji jana Sión. Wonayi 'ate: 'Yena'yi ilia'm ni aska anechiyas ti ijio'wase, je initonit, yi' ape'e ni malekiat'io jlas, jlet jana inlajwa ti titilki'ni.”

Mateo 23:7

Jla'yi ti iyojonk'iye ka ti'wena ka titijwilaja ti ti'wenajata ilia'm ka tonitie, ka tiwonaja 'ate, ‘Inka'neyasajnawo’.

Mateo 23:8

“Siuti asa'am, ke inteliajayi ka kiak tiwona'ase 'ate, ‘Inka'neyasajnawo’. Kajeyepa ti injwanjliyek'i, ijwienjli ni aska'neyasajnawo.

Mateo 27:11

Ti Jesús tokiji ja anechiyas Pilato siojo yi'i, Pilato i'yasen'ne ti iyone 'ate: —¿A'am ti Judíojos jika anechiyasts'a'm? Jesús isiujlie ti iyo'ate: —Siunie jiwone.

Mateo 27:42

—¡Jlam'ne 'yijene pi iyone ti ijwiejiete'n papo ijia, ka kiak iwoyi pit ka inijwajiet! Ti ijwil jla'am ti Israel jlele jika anechiyas. ¡Yot'iyi'ni ti je tisiojmajyi'n, 'nakayeyijna'a ti ja'wina pet sekjane'yi ka je 'yakakiukiena'a!

Mateo 4:3

Imosik ijioyi'ni ti iyo ka ijnejlit ti iyone'ate: —Siuti ja ijiatayi ka Ina'a jlasa'a'm, jejlite ka amti'yi siojona sisaj ka iniwojwa'n woyeja'.

Marcos 15:32

¿Yot'iyi'ni ti je tisiojmajyi'n kanijwajiet, siusie Injwajieti ti inijwe'el Saka Anechiyas sa'am ti Israel jika kia'lits'e'm, 'nakayi ti sekjane'yi ka je 'yakakiukiena'a? Siojopo jiliaye iniuyi wita'm ti tik'iejwata'a jlaja cruz, kia' iyojliyi i'nijmanjliyi ti iliakiyis.

Lucas 1:35

Injlojwanik poli jlele isiujlie ti iyo'ate: —Siojona Sinia' jikimet ti 'es jana'm atepe'e ka 'nesta, ti jajno'wa, sekjane'yi ni jijweye ni Sinia' ti wuj jantej'w atepe'e 'yiniyijna'a na pe'el. It'imina ti kiak ja jleye naka kia'le kanetiejena'a T'otata, siu'neje ni jikiecha ni ja jleye Sinia' Jlas.

Lucas 19:38

Kiak t'ipa iyoyeyisipi: —¡'Esiji ka Sinia' iwejna'm ni 'es ni anechiyas ti 'nes, ti name ni Saka'niona jle'! ¡Inwunitieye tena'a ni Sinia' ts'iji poliyi, jla'yi ti inkamankiye po'!

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 1:34

“Pajk'i ti a'we'en 'naka i'nio'. Ya'am ti akajanit'i ape'e ti 'naka Sinia' Jlas.”

Juan 1:38

'Yina i'yen'ne ji'wechaja ja Jesús, i'wi'in japo ti yamk'i, sekyi'i iyo'ne 'ate ti i'yase'n: —¿Tempi jiniamayi? Isiujlie'ne ti iyo'ate: —Inka'neyasajnawo, ¿tepa jle'yi?

Juan 1:50

Iyo'ne 'ate ja Jesús ti isiujlie: —¿'Nakat'iyi jla'am ti ajwe'el ti a'we'na ti jle kiajwe jlaja a'la', it'imina ti je sakakiu? Je ijiate ka já a'we'en siuniwa ijiatk'iji'n kapajata.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 4:31

T'eyasajnas iyonisi'ni 'ate ti ijliutiejesi kan'yekiu'n: —'Yaka'niona, 'yekiun kiu wata'a.