Juan 1:45 - Sinia' Jlamtis 1994

⁴⁵ Felipe yam'ne ti ijioyi ja Natanael, yiyi ti iyonayi 'ate: —A'wena siojo ijwilt'ipi ta'a siupa Moisés siu'neje papo injwejlanawos siupuwa 'yit'iyijpe. Je 'wena pa i'nio' ka jikiechaye naka Jesús, José jlas, Nazaret jlele.

Juan 1:45 Iomraidhean Croise

Mateo 10:3

Siu'neje japo ijia jleyis iyo'ate, Felipe jla'yi ja Bartolomé, Tomás siu'neje ja Mateo, siojo isi'm ilia'm niwa inkat'ijnieyejes. Siu'neje ja Santiago Alfeo jlas, siu'neje ja Tadeo,

Mateo 13:55

¿Mi je 'nak 'ni in'wetis jiwo jlas? ¿Je 'naka siujlieja María jlas? ¿Mi je 'naka 'na japo Santiago siu'neje ja José, siu'neje ja Simón, siu'neje ja Judas jikiliayis?

Mateo 2:23

Ti 'nesat'ipi yamitayi japa Nazaret, japak'ne ti iyo 'weta. Pakayi ti yiyeyi japak jloma siupi iyot'iyipi papo Sinia' jijwejlanawos ti kiak ja tiwonaja'ni 'ate Nazareno.

Mateo 21:11

Ijia isiujlie ti iyo'ate: —Siu'nie injwejlanik jiwo Jesús, ti Nazaret jlele ti yiji jana Galilea.

Marcos 14:67

Jakayi ti 'nesape siujlieja anechiyas jikawoki. Siuti i'wina ja Pedro 'yina je iyo ka jitiej k'asa'a, sekyi'i ti iyone'ne 'ate: —A'm 'neje ti je lik'ijin'ni siunie Jesús Nazaret jlele.

Marcos 6:3

¿Awo ka 'nakajliye siu'nie in'wetis jiwo, María jlas, ji'niayi ijwienjliyi japo Santiago, Judas, siu'neje ja Simón? ¿Awo ka 'nakjli ine'yi japo jika asejnia 'ne awak'i? Nak it'imina papo i'nio' ti a'tiejajam'ni ni iyo ja Jesús ti i'nioyi.

Lucas 18:37

Tijwelajam'ne ti iyo'ate: —Namisk'i ni Jesús, Nazaret jlele.

Lucas 2:4

Jak je iyoyiji'ni pa José ti ya'am ti taj'le jlajak ajnat Nazaret, siujlieja yi'i jlaja Galilea, ti ijio Belenne, siujlieja yiji jlaja ajnat Judea, siujlieja yit'i'yijimpe pa anechiyas David. Papoka'ne papo ti José tajla'm, papo David.

Lucas 2:48

Kia' iyojliyi pet papo jiniewot, ti i'winayis, María sekyi'i iyonisi'ne 'ate pa jlas: —Yas, ¿yot'iyi'ni ti kiak jiwonts'e? Ana' jla'yi ti ya'am je kasjweyeyijits'i'ni ti awoktajajyin'ni.

Lucas 24:27

Sekyi'i ti yamtiyek'iji'n k'iye siupa iyo niwa Sinia' jlamtis, ti ijwi'il jla'am pa Jesús. Iniajnat pa Moisés iyo kiwa ilisant'iyijpe, paj ti yiyeyi papo injwejlanawos t'ipi iyo pet puwa ilisane.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Lucas 3:23

Jesús treinta puwa jika najkapis ti iyoyeyi ka inkijme'n. Iyone napo i'nio' ti ijwil ka José jlasa, José jinia' t'ipi pet pa Elí,

Lucas 4:22

Je jlase' pi iyo papo i'nio', ti ipi'yayeyis puwa jlamtis ti iyo, jnots'inayijits'i'ni, ti iyoyits'i 'ate: —¿Je 'nak José jlas?

Juan 12:21

Japok'ne siojopo ijioyi ja Felipe, siojo ji'wet yi' Betsáidaja, yiji siujlieja ajnat Galilea, ti inip'elisine ka ina'an k'iye ti iyoyits'i 'ate: —'Ni isiecha, awoktajank'iye pet ka'wina pi Jesús.

Juan 14:8

Sekyi'i ja Felipe iyo'ne 'ate: —'Yaka'niona, kantitie ka pajataja ka'wenkints'e'm jiwekie'e pi Sinia'.

Juan 18:5

Isiujlisie ti iyo'ate: —Siojo Jesús Nazaret jlele. Jesús isiujlie japo ti iyo'ate: —Ya'am. Judas, siojo iwi'in ja jika'niona, yiji japo i'nio'.

Juan 18:7

Sekyi'i ti Jesús yikiajlayi'iji ti i'yase'n japo i'nio' ti iyo'ate: —¿Tempi jiwoyejyin'ni? Kiak iyoye'ijyi pet ti isiujlisie: —Awoktajayin'ni siojo Jesús Nazaret jlele.

Juan 19:19

Pilato takajlunie'ne ka tilisanaja siukiwa inamtis ka tena'a jlaja jika cruz ka iwo'ate, “JESÚS TI NAZARET JLELE, JUDÍOJOS JIKA ANECHIYAS”.

Juan 21:2

Japoka sek inita'a, Simón Pedro, siu'neje ja tamitaja'a'ni ti iyo'ate Timesi Tomás, Natanael siojo tal Canaja ti yiji jlaja Galilea, siu'neje japo Zebedeo jilis, jla'yis siojopo ijia times, Jesús t'eyasajnas.

Juan 6:42

ti iyoyists'i 'ate: —¿Mi je 'nak Jesús, José jlas? Kasye'etant'ieje japo jiniewot. ¿Nit'i iyo ti ijwi'il ti tal poliyi?

Juan 6:5

Jesús i'yejne'n japo i'nio' ti je pini', sekyi'i iyone'ne 'ate ja Felipe: —¿Tepa t'e jatiajlaja'a paka iwinaja'm 'napo i'nio' kantojw?

Juan 6:7

Felipe iyo'ne 'ate ti isiujlie: —'Wanjlit'itieje ka doscientos denáriojos ka tenaja puwa ka woyejesa', 'wanjliyi ka jwamjla'ajamk'i'ni 'yina ja ke ijnojli.

Hechos 10:38

Ajwe'el ja Jesús Nazaret jlele, jla'am ti Sinia' jikimet ti 'es tipoyiji jla'yi pi jijweye. Ti t'iskiunieje'n ape'e 'ni ajnat, ti iyo ni 'es, ijwiejiete papo i'nio' siupa imosik iyone, wuj ti inilayiti siupa jiwet'ia iyo, lapakawo ti Sinia' jlam ti yijap, it'imina ti 'yakajli ti iyo niwaka.

Hechos 2:22

Pedro yinat'iyi ape'e ti iyo'ate: —'Yina k'iuyek'imna'a ti asa'am ti Israel jlele'ase'm, siunie jayo ti jayamti, ti jajwi'il siunie Jesús Nazaret jlele. 'Najanayi ti jlam ti lajk'ipa ka k'iejliyeyi paka Sinia' iwet'ianaja'm, 'yaka ji'wena' ni iyo ti ilisane niwak siuniwa isis tajle pa Sinia', ti kaskelit ti a'wena, siu'neje niwa a'wena ti a'tisk'iji'n.

Hechos 22:8

“Awo'ne 'ate ti akiujlieyi, “'Yaka anechiyas, ¿te'na'm?” Siojo ina'lap ti pesieje iyo'ne 'ate, “Ya'am, Jesús Nazaret jlelek'i'm, siunie jitie'yi ilia'm.”

Hechos 26:9

“Ajwelp'ampe ka 'esie siukia awoyi ti ata'yi ilia'm siojopo je 'yakakiu pa Jesús Nazaret jlele, siu'neje ti iyoyis jleye.

Hechos 3:6

Pedro iyone'ne 'ate: —Wikiniet'aj je a'wen pet. Siu'nie a'we'en jawi'na'm. Naka ni tajle ni jijweye pi Jesús jle', Nazaret jlele: ¡Kasit, askiujni'n!