Juan 1:42 - Sinia' Jlamtis 1994

⁴² Andrés yameje'ni ja ji'yini ja Jesús, sekyi'i ti iyonayi 'ate: —A'am ti e' iyo'ate Simón, ti Juan jlajts'a'm. 'Yejne'n, e' jawo'ne 'ate 'nakayi Cefas.

Juan 1:42 Iomraidhean Croise

Mateo 10:2

'Niwak jleyis japok itijwa'm niwa sikioye times tom'niji injlojwajnas. Siojo inia'an jle' iyo'ate Simón, siojo tiwonaja'ni 'neje 'ate Pedro, siu'neje ja jikilia Andrés. Santiago jla'yi ja ji'yini Juan, Zebedeo jilis.

Marcos 3:16

Itijwa'm sikioye times tom'niji ni nojwaja'm siunapo isi'mik'i jleyis iyo'ate: Simón siojo ti jla'am ti iyo jleye ti iyone 'ate Pedro;

Lucas 5:8

Simón Pedro ti i'wi'in ti kia'iyo, t'akosjlete'l itiyet'iyijimpe kiajwe pa Jesús, sekyi'i iyo'ne 'ate: —¡K'iuk'i'm, 'Yaka'niona, sitioniti'n ti ya'am ti je ts'es!

Lucas 6:14

'Napoka'ne siu'napo: Simón, ti jlamt'ipi'iji jla'am pa Jesús ti iyo jleye, ti iyo'ate Pedro, Andrés siojo jikilia jla'am, Santiago, Juan, siu'neje ja Felipe, Bartolomé,

Juan 13:18

“'Yejne'n, je ajwe'el ka inwikie'eyeyi, je sit'iayiji'n siunapo aki'mik'i, lapajawo ti janeyi siojona jloma ti siuniwa inamtis t'ipi siunie iyo, ti iyo'ate, “Siu'nie i'nio' akijwane, nak teje ijyilia'm”.

Juan 21:2

Japoka sek inita'a, Simón Pedro, siu'neje ja tamitaja'a'ni ti iyo'ate Timesi Tomás, Natanael siojo tal Canaja ti yiji jlaja Galilea, siu'neje japo Zebedeo jilis, jla'yis siojopo ijia times, Jesús t'eyasajnas.

Juan 4:16

Jesús iyo'ne 'ate: —Maj, apili pi ak'iemjla.

1 Corintios 1:12

Jajniejietk'i, po' napo iyo'ate ti asa'am, “Ya'am 'ok'i pet ni Pablo”, po' napo iyo'ate, “Ya'am 'ok'i pet ni Apolos”, ijia napo iyo'ate, “Ya'am 'ok'i pet ni Pedro”, ijia napo iyo'ate, “Ya'am 'ok'i pet pi Sijwajieti.”

1 Corintios 15:5

Siu'neje ti inikajanitia'm ja Pedro, sekyi'i ti tomayik'i japo itijwa'm ni sikioye times tom'niji t'eyasajnas ti inikajanitia'm.

1 Corintios 3:22

'Wanjliyi ka nakaye Pablo, ka nakaye Apolos, ka nakaye Pedro, ka nakaye ajnat, ka nakaye poli, ka janakaye in'wasankiye, siunie jlaj yi'i ni i'nio', ka nakaye siu'nie jloma, siu'neje niwa jlomas atayeje, 'yina wikie'eyi niwak wask'i'nelaja askijmatis.

1 Corintios 9:5

jla'yi ti 'esiji ka poye japaka its'iemjlaye ka iwoyi kiwa Sinia' jlamtis ka ya'yikiye'ni ti askiunietaja'n, iyo napo ijia injlojwajnas, iyo ja Pedro, iyo japo Saka'niona jik'ijnis.

Gálatas 1:18

Najape kiwa najkapis ajwajyi jiwekie'eja ti ajo 'niji Jerusalenne, ti ajoyi ja Pedro. Inkijmayejes times kiwa atej'wisia'm ti sek si'wanjle'e.

Gálatas 2:11

'Yina siuti Pedro ijioye pet Antioquíaja, sek ene'e'ne ti ajwejla'm ka leyi siunie iyo, ti wuj ti je 'es.

Gálatas 2:9

Jak je iyoyiji japo Santiago, Pedro, Juan, ti jlam ti ijia, isi'me ka 'yena ka inkie ape'e, jla'yi ka 'net pijia'm napo Sinia' jilis, je kaskakiuk kajeyepa ti 'yijene pi iyone ti jla'am pa Sinia' ti yikialk'i ni siu'nie. Jak je iyoyiji ti i'winayis ti kia'iyo, isieja sikioyejiamk'i, naka 'neje ni Bernabé, kajeyepa ti ijwilis ijiate ti isim selia'm ka ijwienjli iniuk'i ti jasimak'iji'n. Sekyi'i iyoyis'ne 'ate, “'Esiji ka in'wenayeyi pet siunapo je Judíojos, jlampet ti sa'am kiak jayoki, ja'wijnaki pet napo Judíojos.”