Juan 1:4 - Sinia' Jlamtis 1994

⁴ Naka'ne ni siunie in'wasankiye tajle; janaka'ne siojona 'esi' napo i'nio' iyoyisi jika katesa'.

Juan 1:4 Iomraidhean Croise

Mateo 4:16

Siunapo i'nio' napo yiji ni ajnaj i'winisi jana kates ti wuj. Siunapo i'nio' yiji ni jipe'el jana 'najlati, siojona jla'al jana kates 'yakajanit'i ape'e.”

Lucas 2:32

kates ti janata'n ape'e siunapo i'nio' je Judíojos, janakaye jiwunitieyeja' napo aka kia'lis ti tajla'm ni Israel.”

Juan 11:25

Jesús sekyi'i iyone'ne 'ate ti ipi'yaye ti kia'iyo: —Ya'am siunie ti yapilietak'i pijia'm napok 'yajle'n, siu'neje ti ya'am in'wasankiyek'i'm. Siunie je sakakiu, 'wanjliyi ka 'na'al, 'yina ja'wasana.

Juan 12:35

Jesús iyone'ne 'ate japo: —Je taljlitie'eje aska kiowe'e siojona kates, 'yina ja ke pajayi ka intajlanna'a aska kiowe'e. Katatayi ka askiuniek'iji'n alenjlipa ti 'yaka ask'ioye 'ni jloyeyi. Ja 'nakayeyijna'a siunie ajnatiok ja ke inesi'lietana'a ka netie'asenie'e. Ijiatjliyi siunie i'nio' yikiajli'ni nak ajnatiok, je 'yijene siupa jantajyi.

Juan 12:46

Yam katesk'i'm, yam ana'm ajnat'e jat'imina napo i'nio' siunapo je sakakiu ja ke inejyi ni ajnatiok.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 3:19

Wikie'eyi siunapo kakiujnietas 'yakaj ta'a ti ja tisiejek'i'yi, 'yaka iyo siuniwa je isis. Je yiminis siojona kates ti nama ajnat'e, 'wenajliyi ni ajnatiok ti 'namajasi.

Juan 5:21

Iyoye'ate ni Jinia' ti i'nisatk'i pijia'm napo 'yajle'n, 'yina kiak iyo'ni pet ni Jlas, iwijna'm napo iyo kanwejna'm jana ji'wasankiye.

Juan 5:26

Iyoye pet 'ate ni Jinia' ti tajle jana in'wasankiye, kiak iyo'ni pet ni Jlas ti pajk'i ti yikiajle ni jijweye ka inwejna'm napo i'nio' jana ji'wasankiye.

Juan 8:12

Jesús iyonayi'iji 'ate japo i'nio': —Ya'am ti jika katesk'i'm napo i'nio' yi' ape'e 'ni ajnat. I'nio' ni jana'am ijyik'i ja ke int'iskiuniejejyinna'a ni ajnatiok, siojona kates in'wasankiye tajle janejyi.

Juan 9:5

'Esijyi ti ajli'ijyi 'ne ajnat'e, ti ya'am ti akajanit'i ape'e napo yi' ape'e 'ni ajnat.

Hechos 26:23

Siupa ti iyot'ipi 'ate, “Siunie Injwajieti ti Sinia' jijliujwanik ja wujwa ni jawo ti janilayiti, ts'ijiye ti ja tiliana, 'yina ja jlama ti janan kisie'e ti jano kisie'e ti jantajli pa a'no', naka'ne na jankajwejlane napo Judíojos, siu'neje napo i'nio 'wenayi, ti janjwele siojona jika jloma jana injwajieti ti ja'nakajanit'i ape'e”.”

1 Corintios 15:45

Siuniwa Sinia' jlamtis ti yi'i ni ji'wet iyo'ate, “Siupa i'nio' ti 'nelanjie'ajat'ipi, pi Adán, pak inlesanik ti ji'wasankiye po'”. Jlampet siupa Adán siupa 'wanjli isia'm, pak tajle pet siojopa Sinia' jikimet, ti iyo in'wasankiyeja'.

Efesios 5:14

Jak je iyoyi ti kiak tiwoki 'ate: “'Ojwe'n, ti jima'a, tajli kiowe'e napo i'nio mases, 'yina Sijwajieti jankajanit'i ape'e.”

Colosenses 3:4

Sijwajieti jla'am siojona as'wasankiye ti ijiatk'i, janeyi siojona jloma ti janikajanit, sekjane'yi ka inkajayena'a pet ti jawayejiap ti janejyi siunie jawo ni jijweyeja'.

1 Jn 1:1

I'lijwas, ajlok'iase siu'niwa yamtis, ti awoktajank'iye ka 'najanayi siunie ti iyo'ate Inamtik ti in'wasankiye. Siunie Inamtik jlam po'o ta'a ti 'nelanjie'e je wakaljli'ijyi niwa wask'i'nelaja yi' ape'e 'ni ajnat. Naka ni pajk'i ti ape'yak, sitiete i'wi'in, a'yena'nijpe jla'yi ti akiesa'ape.

1 Jn 1:2

Siojona in'wasankiye inikajanit. A'wena, sekyi'i awoki samtikie'. 'Nakayi yi'ase pet ti ajwela'yase'm janak in'wasankiye ti t'o'n, ti jlam pajk'i ta'a ti yijap pi Sinia', 'nakayi ini'wenki'nase'm.

1 Jn 5:11

Siunie iyo nak jlamtik, ijwi'il pi Sinia' ti iwints'e'm jana in'wasankiye ti t'o'n. Siojona in'wasankiye ti yiyi ni jlas.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:16

“Ya'am ti Jesúsk'i'm, ya'am ti ajlo'wase ni ijliujwanik poli jlele, 'yina ti awojonk'iye ka injwe'lase siu'niwa wask'i'nelaja, sekjane'yi ti jajwelayi pit napo Sinia' jilis. Ya'am ti atajlaja'm siupapo David jilis t'ipi ti tomik'i pijia'm. Ya'am siojona kates jloma jla'yiki ti jlal po'.”