Juan 1:3 - Sinia' Jlamtis 1994

³ 'Yina ka lajak'i ti jla'am ti Sinia' ilisanayi wikie'eyi niwa wask'i'nelaja yi' ape'e 'ni ajnat, jla'am ti it'imina ti Sinia' ilisane.

Juan 1:3 Iomraidhean Croise

Juan 1:10

Siunie i'nio' ti inamtik pajk'i ti yikiajlin'ni ape'e 'ni ajnat, jla'am ti it'imina ti Sinia' ilisane 'ni ajnat, 'yina kiakayetak'i lapakawo siunapo yi'i 'ni ajnat je itiant'iejesi.

Juan 1:2

Jla'am ti yijap pi Sinia' ti 'nelanjie'e lajk'i puwa niwa wask'i'nelaja yi' ape'e 'ni ajnat.

1 Corintios 8:6

'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

Efesios 3:9

Ti iyo ka 'winkijna'm pet wikie'eyi napo i'nio' siunie iyot'iyipi ka woyi, ti je 'yakajanit ta'a, ti 'nelanjie'e jla'am ti ilisanayi wikie'eyi niwa wask'i'nelaja, 'yina 'naka'ne ti 'yakaj siu'niwa jlomas.

Hebreos 11:3

'Yina naka jla'am ti siunie ti je akakiunie, naka ti kasts'esi, ti it'imina ti kasts'ajane pi awonaja ti jla'am pi Sinia' ti iyo ji'niayija' niwa jlamtis ti ilisanayi siunie poli, siu'neje 'ni ajnat, wikie'eyi siuniwa wask'i'nelaja ti'wena. Jak je iyoyi ti kia'iyo ni siunie a'wena siuniwa 'yaka niwak talt'iyipi pet siuniwa ti jet'i 'yakajpe.

1 Jn 5:1

I'nio' ni je 'yakakiu pi Jesús ti jla'am ti Sinia' ijliu' ti Jijwajieti napo i'nio', nak ijiate jla'am ti Sinia' jlas. Siu'neje ni yimi'n ni i'nio' jilis po'o, kiak janwone'ijyi pet siupapo jilis janjwane'e ti janemijne'n.

Apocalipsis 3:14

Jla'm iyojli 'ate: —'Ete'e kiu'ujwe siunie ti jajloyi ni jijliujwanik napo Sinia' jilis yi'i jana isi' Laodicea: “Iyo naka ni siunie ti 'yakajanit ti jlam je iyo ni siunie iyo ni Sinia', siunie Sinia' jikawo ti inka'niyewo ti je tiwonaja, naka 'neje ni siunie ti ijiatk'i, jitis 'neje wikie'eyi siuniwa Sinia' jilisajna'.

Apocalipsis 4:11

“Saka'niona ti Sinia', je inlakiki'i wek, 'yina ti 'yu'wa'm siunie tiwona'a ti inwunitie, siu'neje ti tiwok ajaye, siu'neje ti ijnonitie ni at'oni iyo. Lapakawo ti a'm ti alesajna' wikie'eyi siuniwa wask'i'nelaja. Tepa jawo ka je poye niwaka 'yina ti jitienkiunie ka kiak awoyi.”