Juan 1:17 - Sinia' Jlamtis 1994

¹⁷ Siunie inka'neyasajnaye ti tajle pi Moisés t'ipi ti tekiajlaja, siunie inemijnaye jla'yi ni ijiatk'i yisajap lapakawo ti naka jla'am Sijwajieti Jesús ti it'imina.

Juan 1:17 Iomraidhean Croise

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 5:45

“Ká atejnisieyijna'a jitieyi'i ni Inia' ka yama ka itiajlat'ase'm. Siunie jla'm ijiatayi Moisés, ti jinijijwiyejyin k'iye siupi iyont'iyisipi, janakaye jla'am.

Juan 7:19

“¿Je pak Moisés ti iwi'nase'm ni jika'neyasajnaye? 'Yina tiwet'ianaja ka injwanjli wata'a paka ink'iuye. ¿Yot'iyi'ni ti jiwoye'ijyi ka siliana?”

Juan 8:32

Ja intant'iejayi ki iyo ni ijiatk'i, siuni ijiatk'i 'yiniyijna'a ka inlanajyits'i.

Juan 9:29

Siupi Moisés kasts'ajane pi awonaja ti Sinia' tamtit'iyi'nijpe, jlam pet siuni i'nio' tiwet'ianaja ka ti'niejenaja siupi taj'le.

Hechos 28:23

Jakiak siojokia jloma ti yitinisi k'iye, ti 'loj japo Judíojos ti ijioyi'ni ja Pablo siupa yi'i. Yapijle'e ti yamtiyi k'iye japo i'nio' kiwa Sinia' jlamtis ti ijwi'il pa Sinia' jika anechijiayas. 'Yiyasane kiwa Sinia' jlamtis kajeyepa ti ijialaskintaja pet ka intant'iejesi pa Jesús, ti yijnapeje pa Moisés jika'neyasajnaye, siu'neje puwa injwejlanawos jilisajnat'ipi.

Hechos 7:38

“Siu'neje ti yiji siupapo nojwisiji, yi'i pa ajnat laj i'nioye'e, ijiok'i'ni ti yijap papo sitiselt'ipi, siu'neje ti injlojwanik poli jlele tane yi'i japa tikijnaki Sinaí. Jla'am 'neje ti isimt'ipi ilia'm siuniwa inamtis ti in'wasankiye, sekyi'i ti ijliasatats'i pet 'nakayi.

Romanos 6:14

Ja 'nakayeyi pet ni siunie inke' ja ke ineyi'ni astepe'e ka k'iejliyeyi siupa kanwo'nase, jlam'ne je jleye kiajwe ni inka'neyasajnaye ni siunie jijweye, 'wenajliyi jla'am ni siunie Sinia' jikap'ijliuskiye ti jleye kiajwe.

2 Corintios 1:20

'Yina jlam ti it'imina ti 'yaka siuniwa iyo niwa Sinia' jlamtis yi'i ni ji'wet, iyot'iyipi jla'am ti ijwi'il siupa jawo. Tempi it'imina ti kiak awoki ti awok'iate, “Pak kasts'isisi pa Sijwajieti Jesús, Amén”, ti awunitiejata pa Sinia'.

Gálatas 3:17

Siunie ajwel'ni sek ijio'weyi, ti Sinia' yikiajle pi ji'lij ti jlam pak je iyone wek ilisaniji, sekatajak'i kajeyepa ti 'yakajk'i. 'Yina sektaj'leyi paj ti cuatrocientos tréintaja (430) kiwa najkapis kiwa tijwajyi jiwekie'eja t'ipi ti po' ki Moisés jika'neyasajnaye, 'yina kapakayet'iyijpe ka into'm ape'e ka inetiajnat siunie Sinia' iyont'iyijipi pa Abraham ti ijwijla'm, ka 'nakayeyi pet ka 'wina ka laja lajaye.

Hebreos 9:22

Siuka 'yena siunie inka'neyasajnaye 'yina a'wena ti ijliena ka ijiatayiji ka pajlata niwak wask'i'nelaja ti ijwienjli jla'am nak 'woyis ti initiajnat ni t'ojli, sekyi'i ti 'esie pet jitieyi'i pa Sinia'. 'Yina tiwet'ianaja kapoye pa inke' ka netia'n siuti je tisiaye ape'e nak 'woyis.