Juan 1:14 - Sinia' Jlamtis 1994

¹⁴ Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:14 Iomraidhean Croise

Mateo 1:16

'yina Jacob paka pet pa José jinia'. 'Yina pa José paka t'ipi pa María k'iemjla, sekyi'i pak jlas'ne pet ja Jesús pa Cristo, ti iyo'ate, Injwajieti ti Sinia' jijliujwanik.

Lucas 2:11

Siu'nie jloma yijints'e yi'i jana isi', David jika isi', ni Asjwajietiye, ti Saka'niona.

Lucas 2:7

'Yina ti laj ji'weta' ts'e yi'i siojopa askiujnietas jlajapa 'wet. Sekyi'i tokiet'iyijipi japa a'lentas ji'wuk, sek yi'ijin'ne pak jlas ti iniajnat. 'Yakapajlatat'iyijk'ipe pa lotakiniewa, sekyi'i ti ijiajnijyi'n japa a'lentas jlak jiwe.

Lucas 9:32

Jlam'ne pet ja Pedro siu'neje japo jla'yis jika ijnieti poyeta, 'yina inilayitisi wekie'e. It'imina ti je imiak'iji'n, i'winis siupi iyo ti initataja'm siupa jloniye kiecha, jla'yi ti i'winis siupapo i'nio' times ti yijap pa Jesús.

Juan 1:1

Ti 'nelanjie'e t'ipi siunie inamtik ta'a ti po'o, ti je wakaljli'ijyi niwa wask'i'nelaja. Siunie inamtik yijap ta'a pi Sinia', 'yina jla'am ti Sinia'.

Juan 11:40

Iyo'ne 'ate ja Jesús ti isiujlieyi: —¿Jlam'ne ajwe'la'm ti awo'ate ka je sakakiutiejna'a ja'we'en ni Sinia' jijweye?

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Juan 14:9

Jesús isiujlie ti iyo'ate: —Felipe, awo ka pajliyek'i ti aye'asap, ¿je p'an intant'iejk'i? I'nio' ni si'we'en, i'win pet ni Inia'. ¿Yot'iyi'ni ti jiwo ka'winki'na'n pi Sinia'?

Juan 17:22

Siunie ijwiye ti jiwenk'impe, nak pajk'i ti ekiajle, ja'nakayeyi'iji pet ti janiwo'om, ka woyena'a 'ate awoki,

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Juan 18:37

Siuti Pilato ipi'ya, iyo'ne 'ate: —Ijiatp'ane 'yakaj ti anechiyasts'a'm. Jesús isiujlie ti iyo'ate: —Ijiate siunie jiwo ti sijwe'el ti anechiyask'i'm. Ya'am anam'ne ajnat'e, jla'yi ti a'yiji'n, 'nakayi ti jayamtiyi siunie ijiatk'i. Wikie'eyi siunapo yiji siunie ijiatk'i its'iuk'i'm.

Juan 2:11

Jakayi ti Jesús yi 'ne Canaja, ti yiji jlaja Galilea. Naka ti 'nelanjie'e iyoyeyi ka in'wenki'n siunie iyo ni jijweye. 'Yina ti i'wina siojopo t'eyasajnas, je 'yakakiuyis.

Juan 3:16

Lapakawo ti Sinia' wuj ti yimijne'n napo i'nio' yi' ape'e 'ni ajnat, it'imina'ne ti yikial siunie Jlas ti ijwienjli, ja'nakayeyijpe siunie i'nio' ja ke inkakiu ja ke inetia'n, 'wenajliyi jla'am ti japoye siojona in'wasankiye ti laj jlaja.

Juan 3:18

I'nio' ni je 'yakakiu ni Sinia' Jlas, je tisiejek'i. Jlam pet ni i'nio' ti kakiujnieta 'yakaj ta'a ti ja tisiejek'i, jitis pet ti 'yakakiu ni Sinia' Jlas ti ijwienjli.

Juan 6:51

Ya'am janaka siojona woye ti iyo i'wasankiyeja' ti tal poliyi. I'nio' ni jantojw janak woye, nak ja ke paja ka inetia'n, jajnok'i'ni puwa jlomas. Siojona woye ti jawijna'm ni i'nio', je 'wena pa ka ijwi'il, naka 'yajwes, ja'nakayeyijna'a ti ja ji'wasankiye japoye napo i'nio' yi' ape'e 'ni ajnat.”

Juan 8:32

Ja intant'iejayi ki iyo ni ijiatk'i, siuni ijiatk'i 'yiniyijna'a ka inlanajyits'i.

Romanos 8:3

Sinia' jla'am ti 'yijene pi iyone siunie Moisés jika'neyasajnaye t'ipi je 'yijene paka iwone, kajeyepa ti tajle ti sa'am ti i'niolts'e'm nak it'imina. Pakayi ti ijliu' pa jlas ti t'oniye kiak iyone iyo ni i'nio' ti inke' jilianik, jla'am ti ininekiaj'l ape'e ni i'nio' ti tejeyi jana 'najlati. Jak je iyoyiji siuti iyoyi kiaka, sekyi'i itietayi isia'm siunie jijweye pet naka inke'.

Romanos 9:5

Papok jitise'l t'ipi pet papo Abraham jilis, sekyi'i siupa tajla'm siupapo jilis pet ti tomik'i pijia'm paka pet pa Sijwajieti, siupa ti Injwajieti ti Sinia' jijliujwanik. ¡'Esiji ka tiwunitie pa Sinia' jajnok'i'ni, ti jla'am ti isie'e wikie'eyi siuniwa wask'i'nelaja! Amén.

1 Corintios 15:47

Siupi i'nio' ti 'nelanjie'ajat'ipi 'yina tajle ni ajnat, 'yina je 'wena taj'le 'neje ti tiwokieyi i'nioye. Jlampet siupa i'nio' ti tomayi pijia'm, tal poliyi pet.

2 Corintios 12:9

sekyi'i ti kiak iyonk'i 'ate, “Siunie ikap'ijliuskiye e'na'm 'etsaka. Jlampet siunie ijwiye 'yaka ti yiji naka ti laj jijweyeja'.” Jak je iyoyi ni siunie inikanitieyi atajlaja'm naka ni siunie awoyi ti laj it'iuniye, jak je iyoyiji pet siunie jijweye ni Sijwajieti jane'yi itipe'e.

Gálatas 4:4

Jlampet ti yiyeyi siukia Sinia' yitijni, sekyi'i ijliu'ne pi jlas, yiji'n ti tajla'm japa i'nioki yits'iji, jla'yi ti iyoyi siupi iyo ka tiwoki pi Moisés jika'neyasajnaye.

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Colosenses 1:19

Sinia' yimi'n ti inipejlanitia'm ti iyo ji'weta pi Sijwajieti,

Colosenses 2:3

Kajeyepa siunie iyo ni i'nio' ti 'yije'en, siu'neje ti 'yijen jlosiki, yiyi pi Sijwajieti.

Colosenses 2:9

Kajeyepa ti siupa k'iejliyi pa Sinia', pajlata'm pa Sijwajieti ti iyo 'weta', ti siuti i'nio',

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Hebreos 1:3

Jla'am ti jla'al ti 'esi' pak Sinia', jla'yi ti nak jipe'el pa Sinia' siupa k'iejliyi. 'Yina jlam'neje ti 'yitk'i pijia'm wikie'eyi niwa wask'i'nelaja, ti isiene niwak jlamtis ti jijweye po'. Ti itimayi siukia iyo kia jikijmaye ti initiajnat sik'ioye kiwa soski'layis, sekyi'i yiyeje'n 'niji poliyi jijweyeje yi'i pa Sinia' ti iyo anechiyasa' ti wuj.

Hebreos 1:5

Kajeyepa ti je ti'wena wek ka Sinia' kiak iwone ka ne'yi pa napo jijliujwajnas poli jlele: “A'm ti yajts'a'm. Siu'niwa jlomas 'yaka ti Anak'i'm.” Ni'ne ka poye pa injlojwanik poli jlele ka Sinia' iwone'ate: “Ja yama ti ja Jiniayek'i'm, jlam pet ti jla'am ja yasa'.”

Hebreos 10:5

'Yina kiakak'i'ne siukia ti Sijwajieti na'me 'ni ajnat, sekyi'i iyone 'ate ni Jinia': “Siunie ti je wojonk'iye siuniwa wask'i'nelaja tilianajan'ni, siu'neje niwa tiwoki'ni in'wajietisa', 'yina naka p'an ti jiwoye 'isiena'.

Hebreos 2:11

Siunapo Sinia' 'yotat, siu'neje pet ti jla'am pa Jesús ti 'yotat, ijwienjli siunie jiniayis. 'Yina naka it'imina ti Jesús ji'lij je jnechi'yi ti iyo'ate, “I'niayi ijwienjliyi napoka.”

Hebreos 5:5

'Yina Sijwajieti kiak iyo je jla'am ka jlama ka kiak iniwone, ti iyo pa'yijis jika anechiyas wujwa', Sinia' jla'am ti yikiajle ka kiak iwo. Iyone 'ate ti ijwijla'm: “A'm ti yajts'a'm, siu'niwa jlomas 'yaka ti Anak'i'm.”

1 Jn 4:14

Sampe ti a'wena ti Sinia' ijliuye ni jlas ti iyoyeyi ka injwajiete'n napo i'nio'. 'Naka'ne ti awoki samtikie'ase.

1 Jn 4:9

Sinia' 'yakajanit ni jlemijnaye ti yints'e'm, pakat'iyijpe ti ijliu' pi jlas 'ne ajnat'e ti iyo ka si'wasankiye poye.

2 Juan 1:7

Je jlase' siunapo i'nio' ti iniu ape'e 'ni ajnat ti je ijiat paka injwelis, ka inekisi kanjwelis pi Jesús ti 'nes t'ipi ajnat'e ti iniwojwa'n i'nioye. I'nio' ni kia'iyo, nak i'nio' ti ijiuski'la'n, Sijwajieti jitiejiejwa.

Apocalipsis 19:13

'Woyis t'elinajak'i'ni siojo ji'wu', 'yina siojo jle' jak i'nio' iyo pet 'ate Sinia' Jlamtis.

Apocalipsis 21:3

Sekyi'i ti ape'yayeyi siupa jla'lap pa ti 'yakets'ijiap ti tom ts'e yi'i jlaja in'wet ti anechiyas ji'wet, ti iyo'ate: —'Yejne'n, Sinia' iyoye'ne pet ji'weta' jikiowe'e napo i'nio'. Sinia' janejiape'n, siupet ti jla'am jawoyi jika kia'lisa'. Siupet ti jlamis jawoyisi Jiniaye' ti jitiej jawomisie, kajeyepa ti ja ke intajla.