Gálatas 1:6 - Sinia' Jlamtis 1994

⁶ Jlam sots'iniji ti ajieye'ase ti jiliyeyi pi Sinia', ti jlam ti ta'nase pakayi ti Sijwajieti imp'elisina'. Jlam'ne je itiotie'eje ti jiwoyeyi niwa jlamtis, siu'neje jikiniek'i siunie inamtik ti 'wenayi.

Gálatas 1:6 Iomraidhean Croise

Marcos 6:6

'Yijenajant'itiejpe pa iyo ja Jesús, ti kia'iyo papo i'nio' sek ji'wet'e ti 'yakakiuyis. Jlampa yamajampe 'nijiye kiaka, Jesús ya'am ti ijioyits'i siupuwa ajnatis jilis ti je tose ti taka'neyasa'n.

Juan 9:30

Siojo i'nio' isiujlie japo ti iyo'ate: —¡Kat'ajat'iyi wekie'e ka je 'najanayi siupi taj'le! ¡Awo ka jlamjliye ti sijwajiet it'imina ti a'wejne'n!

Hechos 15:11

Lapakawo ti je akakiunieje ti ajwaye ka lajak'i pa Saka'niona Jesús ti Sijwajieti ti kasp'elisijne'n, iyo'ate iyoyisi.

Romanos 10:3

Jlam'ne nakata jla'am ni Sinia' ti ilisajne'n napo i'nio', 'yina ti Israel jika kia'lis je 'yijene paka wonisi naka, sekyi'i ijwilayis ka niwakaye ka 'esieyisi siuniwa iyoyi, jak je iyoyiji ka iwoyisi ka ininekiaj'lisi ni Sinia' ti nakaye ti ja 'esieyisi.

Romanos 5:2

'Yina ti Sijwajieti jla'am ti it'imina ti a'yakanaja'm nak jikap'ijliuskiye iyo ni Sinia' ti awaki, je lajk'i pet ki iyo ti je akakiunieje. Jak je iyoyiji sinikanitiejeye po', lapakawo ti janesajap nak jiwunitiejeye iyo ni Sinia' ti wuj ti 'es ni anejejwiyejenk'iye.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

Romanos 8:30

Siuti kia'iyo ti iwiakajlanit ta'a ti 'nelanjie'e siunie jawonts'eje, sekyi'i ti tanats'iji. Jak je iyoyiji siuti sa'am ti tants'e kia'iyo kaslesanaja 'neje. Siuti kaslesajne'n, sekyi'i ti iwinats'e'm siunie jiwunitieye ti 'es.

1 Corintios 4:15

'Wanjliyi ka je piniye papo ka 'neyasanayi pi iyo pi Sijwajieti ka ne'yasap, 'yina je 'loj siunapo iyo'ate napo asnawot. Ya'am ti asnak'i'm ti kasjwanjliyik'i pa Sijwajieti Jesús, kajeyepa ti yampe ti ato'niase ni siunie inka'niye ti 'es, Sinia' tajle.

2 Corintios 11:4

'Yina je jiwoyi ka wet'ianayi ti potie siunie ijio'wase ti iyo jlamtikie' siunie Jesús ti je naka siunie Jesús ti pajk'i ti awoki samtikie'. Jla'yi ti siojona jlena'yasap je janak siojona Sinia' jikimet ti pajk'i ti yi'ase. Siu'neje ti jikima'yi ilia'm siunie inka'niye ti je naka ni siunie inka'niye ti pajk'i ti yi'ase.

2 Corintios 2:17

'Yina je pini' napo iyo ka wikiniet'aj in'yakane, siuti yameje'n niwa Sinia' jlamtis, kajeyepa ti ijwi'il niwaka ti iyo jikijmayeja'. Jlampet ti sa'am je kiak awoki iyo jlamis, sa'am ti Sinia' ijliuyits'e'm siu'nie awoki, jla'yi ti Sijwajieti jikawosts'e'm, jak je iyoyiji ti awokieta samtikie' ti ajwela niwa Sinia' jlamtis, 'yina je k'iejliyi paka inejyi 'niwa sosikis ka je ijiatak'i jitieyi'i pi Sinia'.

Gálatas 1:11

I'lijwas, awotajank'iye ka 'najanayi siu'nie: siunie ti awoyipe yamtikie'ase, je ka intajle ni i'nio'.

Gálatas 1:15

Jlamp'a'nepe Sinia' pajk'i pi iyonk'iji ti siwakajlanit ti je ajliyi'n kiu', lapakawo ti wuj ti sip'elisi'n it'imina ti tank'i. 'Yina ti jla'am ti tajle ka kiak iyoyi,

Gálatas 1:7

Ijiatataja ti ijwienjli siu'nie inamtik Sinia' tajle, siunie ti awoki samtikie'asepi, siunie it'imina ti kiak jiwoyeyi. 'Nakayi jlam ti po' siunapo ti je inena'yi 'ate, ti tom'ni ask'ioye, ti iyo ka 'noti siuniwa iyone niwa jitienkiujnieyejes, siunie itiliak'i ka woyisi kajlejnate siunie inka'niye ti ijwil pa Sijwajieti.

Gálatas 2:14

Sekyi'i a'we'en ti kia'iyo ti yameje'n siunie iyoyisi, ti je ijlieneje siunie iyo ni ijiate ti 'es Sinia' jlamtis, 'yina kiak awoniji'ni ja Pedro ti ene jitieyi'i japo i'nio', “A'm ti Judío'a'm, 'yiniye ka je Judíoja'a'm jle' kiowe'e napoka ti ijiate jla'am ti je Judíojos, jlam jiniwone wek ka je ama ka Judíoja'a'm. Jlam'ne amata pet, ¿yot'iyi'ni ti jit'ijie'ne napo i'nio' je Judíojos ka kiak iniwonisi iyo ni jiwoyeyi?

Gálatas 2:2

Jlam je ak jiwek, 'yina ti Sinia' po' ki iyonk'i ka yik, jak je iyoyiji ti aye sekaja. Ajnayi japoka ti i'yena pet japo ijia Sinia' jilis pet ti a'nalkit, ti akamtijnienk'iye, siunie ti awoyi'ni yamtikie' ti ajwejla'm napo i'nio' ti je Judíojos. Kajeyepa ti awo ka pi'ya ka woyits'i 'ate “'Esiji” siukia awoyi ti 'nelanjie'e, ni'ne ka jwajla'aja ti je 'esi'n siukia awoyi.

Gálatas 2:5

'Yina je kasjlan'ni siunie iyonisi ni jitienkiujnieye ti iyotaja ka kasnetiajnate'n. Tepa jawo ka yine 'ate, ti awo ka ilisaniji ask'ioye ni iniu'we pet niwa Sinia' jlamtis ti isis kajeyepa ti ijiatk'i, jlam niwaka, jla'yi ka je int'eki aska kiowe'e ka ne'yasap.

Gálatas 2:7

Tojwayi ts'iji ki iyo siunie iyoyistieje ka woyisi ka inanisin'ni sik'ioye, ti jlamis ti i'yena japo ijia Sinia' jilis pet, siukia awoniji'ni lajk'iyi paka iwoyisi. Najata jla'am ti a'we'en ti je sakakiuyis ti Sinia' jla'am ti yikialk'i siu'nie isijmaye iyo ti awo yamtikieyi siunapo i'nio' ti je Judíojos siuniwa Sinia' jlamtis, iyoye pet 'ate ja Pedro ti kia'iyo ti iyo jlamtikieyi pet napo Judíojos.

Gálatas 5:14

'Yina siuniwa Sinia' jlamtis ti tajla'm ni Moisés jika'neyasajnaye, ijwienjli yi'ne niwa ijia, siunie ti iyo'ate, “Emi'n ni akiecha, niwone 'ate ti a'am ti jininemi'n.”

Gálatas 5:4

Asa'am ti jijwela' ka nak int'emina ka Sinia' lesana', kawoyeyi nak Moisés jika'neyasajnaye, jlam'ne je ijnaljliyejiape'n pi Sijwajieti. Siunie iyo pi Sinia' ti takap'ijliuski, kiak iyojliyi intojwajiape'n.

2 Tesalonicenses 2:14

Nak it'imina ti Sinia' ta'nase, jakayi ti ajwe'lase'm kiwak Sinia' jlamtis ti ajwela ki iyo ni injwajieti. 'Yina ka kiak awoyeyi pet ka awayejyi ni iyo pi Saka'niona Jesús ti Sijwajieti jit'iuni ti anechiyas.

1 Timoteo 1:14

Sip'elisi'n ti je wata'a, 'nakayi yikialk'i ka ijiatayiji ka itiej iyoma, jla'yi ni yimijnaye, iyoye 'ate pet 'nakayi 'ni yits'e ti anitajaki pi Sijwajieti Jesús.

1 Timoteo 1:3

Ti awoyeyipi ka ijio 'niji Macedóniaja, jla'am ajalaskinjli'ya ka in'wanjli Éfesojo. Ka ajloye siupapo i'nio' ti ijwilta ka inka'neyasajne'n, 'yina ti je 'es ni siunie taka'neyasane. Jloyeyi ka inleyi ni iniwonisiji.

2 Timoteo 1:9

Sinia' kasjwajiet, jlam ti isimts'e'm, jlam ti kaslej, 'nakayi ja kasts'isis. Je ka isijmayeja ka 'esie kant'emina siuti ti kia'iyo, 'wenajliyi ni iyo ti jla'am ti tajle, ni iyo ka wonts'e ti kasp'elisi'n. Ka lajat'ik'ipe pa Sijwajieti Jesús, ti Sinia' kassemi'n, tajlap'e ti lajlik'ijipa 'ni ajnat.

2 Timoteo 2:1

A'm yas, kima ni Sijwajieti Jesús jikap'ijliuskiye ni yits'e, woye ajweyeja'.

1 Pedro 1:15

Jla'm ijiate jla'am siunie 'es ka niwonayi: ka woye 'ate ni siunie ta'nase ti 'es 'yina kiak jawoyi pit, siunie janiwonayi ape'e 'ni ajnat.

2 Pedro 1:3

Pa Sinia', ka lajak'i ki iyo ni jijweye, 'yina iwints'e'm wikie'eyi siunie iyo ni asetiana, jana si'wasankiye ti t'o'n ti kasjwesiejenk'iye, siu'neje ni siunie aniwonaja ti awunitie ti jla'am. Jlampa kastant'iejayiji pet, siunie tants'e a'wena ki iyo ni jijweye, siu'neje ni iyo ti taka'manisie'n ti ijwiejiete'n japo i'nio' ti je isis, Sijwajieti Jesús Sinia' jijweye yiyi.

Apocalipsis 22:21

'Esiji ka Saka'niona Jesús jikap'ijliuskiye inejiap wikie'eyi siunapo Sinia' jilis.