Filemón 1:6 - Sinia' Jlamtis 1994

⁶ Siuti ts'ajanayi pet pi awone ti nak jleki siunie awoki, ti sitienkiujnieye poyi pa Sinia', 'yina ijiatayiji pet ti akatate ti 'ajlan'ni, ti awo pet ka intant'ieje siuniwa isis wask'i'nelaja yits'e ti tajleje pit pa Saka'niona Jesús.

Filemón 1:6 Iomraidhean Croise

Mateo 25:16

Jlajmiliet siupi yikiajle japa ijwienjli sikio' itij'we taléntojos je iyo ka ji'wetjliyeyi'i'ni, yamat'ipi ti isijmajne'n, 'yina 'yakajmatayi ape'e japak siojopa tena kiojyi, puwa ijwienjli sikio' itij'we taléntojos.

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

1 Corintios 14:25

'Yina ja lajak'ipa kamp'one pi iyo ni jlosik ti je 'es, sekjane'yi ka t'akosayijna'a kiajwe pi Sinia' ti janwunit, ti jiwekie'ejana'a ka je inkakiuni ti ijiate ti yisajap pi Sinia'.

1 Corintios 16:9

kajeyepa ti ijiatk'i siu'nie awoyi ti Saka'niona 'yajlinit its'ioye ti ja 'yakajli siu'nie isijmaye ti jayo, jla'yi ti ja 'esieyi napo i'nio', ejlowek ti poyeta napo i'nio' ti teje'yi ijyilia'm.

Filipenses 4:8

'Niwak 'wanjli isiame, i'lijwas, jane'yi siupa ti ja ijiatak'i, siunie ti je jlam tonitie wek, siu'neje ti japoye naka ti tijnajyi, siu'neje ti lajk'ipa ka injlejni'ni, siu'neje ni ti wuj ti emina, siu'neje ni ti ajieyeje ti wuj ti 'es, 'niwak 'esiji ka ijiatayiji ka astankiujnieye ijnoyi. Kajeyepa ti jlam je jiniwonayi, 'yina ti 'yu'we ti jiwunitie 'niwaka.

Colosenses 1:9

Ta'a ti awoki naka ti ajieye'ase'ni, je aleki ti 'ajlanaja'ni ti ajwelaja ni Sinia', 'nakayi ti jan'we'nase'm wikie'eyi siuniwa asosik iyo ka 'najane, siu'neje niwa iyo ka intant'ieje, sekjane'yi ka intant'iejayijijna'a siunie Sinia' iyo.

Colosenses 3:10

'Yina 'nakayi jit'iuyek'i siunie as'wu' ti ink'ie', naka asosik jikiecha ti ink'ie', siunie ti Sinia' jlomas ti iyo'ni ink'ieye, siunie ti ini'yejnap ni iyone ti 'nakayi ti ja intant'iejayiji ti jla'am, ti jilisanik.

Tito 3:14

Jlampet papo si'lijwas 'esiji ka ini'neyasane siunie 'es jikijmaye. 'Esiji ka pajlata ape'e, siupi k'iejliyi pi isitia'n, ni jikiecha ti je i'win pet paka k'iejliyeyi. Siuti kiak janiwonisi wuj ti 'es kajeyepa ti napoka ti ijia jitiej jawoma.

Hebreos 6:10

Kajeyepa ti siunie Sinia' je ka je ijnajyi, ja ke inkiwaliyi'i siunie jiwoyeyi, siu'neje ni asts'amankiye ti jlena'yi. 'Yina pajk'i ti jinikajanitieyi siunie asemijnaye ti jiniuyeyeje siunapo jika kia'lis, jikiniejliyi ti kiak jiwoyeyi.

Santiago 2:14

I'lijwas, ¿tempa jankajliji ni i'nio' ti ijwil ka ijiatayiji ka intankiuni pi Sinia', siuti je 'yaka pet pi jikijmaye ka poye? ¿Jot'e ka nakaye ka injwajiet ti po' ni jitienkiujnieye?

Santiago 2:17

'Yina kia'iyo ni jitienkiujnieye ni i'nio'. Ti ijwienjleje'n, jayo'ate ti lajk'ipa ka inkijmayeja' ka int'opiyiji, laj jweyeja' pet.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Pedro 3:1

Siupet ti asa'am ti asejnia'ase'm, ti asjwa'yis po', 'esiji ka k'iuyeyi napo asjwa'yis, lapakawo ti jleye kiajwe napo asjwa'yis. Ja 'nakayeyijna'a siunapo je iyoyi kiwa Sinia' jlamtis jaleyeyijna'a ti 'yakakiu pa Sinia', 'wanjliyi ka je amtiye'yi napo asjwa'yis. Jansets'ia kajeyepa ti jan'wena ti jiwoyeyi ni 'es, jla'yi ti jik'iuyeyi.

1 Pedro 3:16

'Yina ja ke anitonitiejyi'n, lesanayiji ti jakiujlieyi. Nilesanayiji, 'nakayeyi ti ja lajak'i paka astesa' ilia'm pa Sinia', siu'neje napo i'nio'. Jak je iyoyiji ja jwejlanatak'i wita'm siunapo i'nio' inlakiye ti injwela ti je 'es siunie jiwoyeyi ti jiniuyeyeje pa Sijwajieti.

2 Pedro 1:8

Siuti jane'yase niwaka, 'yina ti jajlasatajyimpe, 'yina jlajma ka anilana'yi wek, kajeyepa ti ja 'esieyi napo i'nio' siunie jiwoyeyi, 'yina je tak'emisie'n siunie ti intant'iejayi ni Saka'niona Jesús.