Filemón 1:20 - Sinia' Jlamtis 1994

²⁰ Ji'yu, isiecha, a'm ti Saka'niona jlasts'a'm pet, sip'elisi'n wata'a, k'iuk'i'm, woyi siu'nie awotajank'iye ka iyoyi. Kanit'ni pet 'ni ijiusik, ti a'm ti isiecha'a'm, iyo ni awoki, ti akinieje pet ki iyo pa Sijwajieti.

Filemón 1:20 Iomraidhean Croise

1 Corintios 16:18

'yiniye ka ts'ojwatis'ni peyit. Jla'm ijiate wek jla'am napoka ti kia'iyoyi, k'iuyeyi, ká alakiye.

2 Corintios 2:2

Siut'itie ka kiak iyo'nase, ka iyoyeta asjlak'aliye'eje, ¿tempi i'nio' jats'ajkanit'ni siuti ja inlajak'i, 'yina ti awoye asjlak'aliye?

2 Corintios 7:13

'Yina nak wuj ti kasts'esi kajeyepa ti iyo sijweyeja'. Jak je iyoyiji ti Tito ijioyets'e nak ijiatayiji ti kaskask'i wita'm, ti a'wena ti kia'iyo ti po' siunie jinikanitiejeye ti yiyi, tepa jawo ka kiak je iwo ti asa'am ti taj'lase naka ti yiyi ti jinijiena pijia'm ni jlosik.

Filipenses 1:8

Sinia' 'yijene pi iyone'ala ti awotaja ka yama'aseyi ka i'wina. 'Yina ti wuj ti emina', je lajk'i ki iyo ni jlemijnaye ni Sijwajieti Jesús ti wuj ti 'es nak tajleje.

Filipenses 4:1

Jak je iyoyiji, japo i'lijwas ti yimijna'ase'm, je pi sik'iejie'e ti awotaja'ni ka i'wina, jla'yi ti asa'am ti inikanitiejeye'ase'm, asa'am siunie i'wiejiet ti ja'yakajli, yimijna'. Ká ajlasata'yi isia'm siunie jiniwonayi; ká aleyeyi ni Saka'niona.

Filemón 1:12

'Nakayi ajlo'wa. 'Esiji ka wujwa ka 'ye'n ilia'm, ataj ena 'ate ka yama, ti jla'am.

Filemón 1:7

Isiecha, wuj ti ts'ajkaj'ni, ti ajieye'a ti emijnaye jle'ne siunapo Sinia' jilis pet, jla'yi ti jiniuyijk'i'm, it'imina ti yaka inejiem pijia'm 'ni ijiusik. Kia'iyojliyi pit ti jlamis, a'm ti jit'imina, ki iyo ti po' ni jinikanitieye.

Hebreos 13:17

K'iuyeyipe siunapo tijna'yase'm pet ti i'ye'nase'm, 'yina ká ani'najnata'yi ape'e napoka ti je yajapape ti i'ye'n astepe'e. Lapakawo ti je iyo'ate ka je 'najanisi paka iwonisi ti Sinia' jan'ye'en napo i'nio' ts'iji jlaja niwa jlomas. 'Yina 'esiji ka k'iuyeyi 'nakayi ti ja inkasaje'n ti kiak jawo. Jlampet ti kiak jawo ti ja ke ak'iuyeyi, jijliak'ali ja poye pet, 'yina jijwelat'e ka poye paka i'nesieyi.

1 Jn 3:17

Siuti po'o ni i'nio' jwajla i'wi'in, 'yina i'winata ni jikiecha ti p'ijliusie pet, ka pakayeyi ka inwejna'm pet siupi isitia'n. ¿Tepa janwo kanjwe'el ka Sinia' jlemijnaye nejyi ni jlosik?

3 JuanMary Thureson 1:4

Lajk'ipa ka k'ieyeyi ki iyo ni inikanitieyi ti ajieyeyi japo ilis ti yame ki iyo naka ti ijiatk'i.