Filemón 1:11 - Sinia' Jlamtis 1994

¹¹ Ti pajk'i Onésimo je 'es ti akipinikta, 'nakayi 'yaka jla'm iwo ti ts'esi, jla'yi ti kiak jawo ja'nesi kajeyepa ti ink'ie' ni jikijmaye iyone, ti wuj ti 'es.

Filemón 1:11 Iomraidhean Croise

Mateo 25:30

Siunie inkawo ti kia'iyo je 'es, tatayi kisie'e yi'i ni ajnatiok, siunie jane'yi siuniwa ja jlajlasa, ti ja wujwa ti ja a'tieja”.”

Lucas 15:24

Tepa jawo ka kiak je iwo ti siunie yas 'yalta'ne, 'nakayi 'wasa'n. Netian'ne, a'wena.” “Iyoyis'ne jiliakijnieyeja' ape'e.

Lucas 15:32

'Nakayi ti awok siliakijnieyeja' 'yu'we kajeyepa ti kaskask'i wita'm. Siunie a'yini ti 'yalta'ne, 'nakayi 'wasa'n. Netian'ne, 'nakayi a'wena”.”

Lucas 17:10

“Kiak jiwoyeyi ti asa'am ti Sinia' jikawosts'ase'm. Ti jitimayetaja ni askijmaye ni Sinia' ijliuye'ase'm, ka kiak awoyeyipi 'ate, “Sinia' jikawosts'e'm jiwek. Siunie tijliukits'e'm ka iyoki, awoki, lajk'ipa jikiechaye”.”

Romanos 3:12

Je ijwienjliyi paka 'wanjliyeje ni Sinia' ji'niayi, wikie'eyi ti iliyisk'i. Ji'wet ijwienjli siunie iyo ti laj lajaye. Lajk'ipa ka 'esie'.

2 Timoteo 4:11

Ijwienjliye jla'am 'ni Lucas ti je taj'l ijiap. 'Esiji ka wojyin'ni ja Marcos, a'asina'a, janoyijk'imna'a ti awoyeta yamtikie'.

Filemón 1:10

'Yina ena ape'e ti awo'ate ti 'esiji ka k'iuk'i'm siu'nie ti anip'elisi'na ka woyi, ti ajwel 'ni Onésimo ti awo yasa', siu'niwa jlomas ti a' insat jiwe.

Filemón 1:12

'Nakayi ajlo'wa. 'Esiji ka wujwa ka 'ye'n ilia'm, ataj ena 'ate ka yama, ti jla'am.

1 Pedro 2:10

Siukiwa jlomas ti pajk'i tiwet'ianaja ka woye 'ate jiwoyeyi 'nakayi, ti Sinia' jika kia'lits'ase'm. Kia'iyojliyi siu'nie jiwoyeyi, ti jlam ti wuj ti imp'elisina', jlam'ne kiak je woyeyi ka imp'elisina' ti pajk'i.