Efesios 4:5 - Sinia' Jlamtis 1994

⁵ Saka'niona ijwienjli, ijwienjli 'neje siunie sitienkiujnieye ti 'es, ijwienjlik'i siunie ti kasnajienaja'n.

Efesios 4:5 Iomraidhean Croise

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Hechos 10:36

“Sinia' pajk'i ti ijwijla'm napo Israel jika kia'lis siunie inka'niye ti tajle ni inkamankiye, ijwijla'm ti naka Sijwajieti Jesús Jika'niona wikie'eyi napo i'nio'.

Hechos 2:36

“It'imina ti asa'am Israel jlele'ase'm, 'esiji ka 'najanayi, siunie Jesús ti jik'iejwata'yijpe jana cruz, Sinia' iyojwa'n anechiyasa', jla'yi ti jijliujwanik ti Injwajieti.”

Romanos 3:30

Jlam'ne ijwienjli 'neje ni Sinia', lajk'ipa ka jikiechaye. Jla'am ti ilisajne'n pa yita'a pa ti jitienkiujnieye po', 'yina je i'ye'en paka t'oniyeja' pa ka i'nio' ka Judíoja' ni'ne ka je Judíoja'.

1 Corintios 1:13

¿Tepat'e jiniwonayi? ¿'Yinit'iyi ka jijwa'al 'lojwa pa Sijwajieti? ¿Ent'a jijwela' ka yamat'ipi ti Pablok'i'm, ka yama ka sik'iejwata'a japa cruz, ka iniwe'n astepe'e? ¿Mi nak Pablo jle' ti inetijnajiepeje ti inajienajyi'n?

1 Corintios 12:13

Wikie'eyi, 'wanjliyi ka napokaye Judíojos, siu'neje napo je Judíojos, siunapo inkipijnas, siu'neje napo ti je inkipijnas, ti kasnajienaja'n ti kaswomk'i wita'm pa Saka'niona, ti iyo ka kasjwanjlik'i, jla'yi ti ijwienjli siojopa Sinia' jikimet ti kasts'esi ti kassetijnape. Jla'yi ti kaswikie'eyi ti kas'yayinaja siunie ti jla'am janak Sinia' jikimet.

1 Corintios 12:5

Je ijwienjli paka sikijmayeja' ti Saka'niona ijniejietts'e'm, 'yina ijwienjli siunie Saka anechiyas.

1 Corintios 8:6

'yina ijwienjli jla'am ni Ina'a ti Sinia', jla'yi ti jitis wikie'eyi niwa wask'i'nelaja, jlampet ti sa'am jikawosts'e'm jiwek pet. Jla'yi ti ijwienjli ni Saka'niona, naka ni Sijwajieti Jesús, 'yina nak jitis wikie'eyi niwa wask'i'nelaja, jla'yi ti sa'am kia'iyo naka ti sitis.

2 Corintios 11:4

'Yina je jiwoyi ka wet'ianayi ti potie siunie ijio'wase ti iyo jlamtikie' siunie Jesús ti je naka siunie Jesús ti pajk'i ti awoki samtikie'. Jla'yi ti siojona jlena'yasap je janak siojona Sinia' jikimet ti pajk'i ti yi'ase. Siu'neje ti jikima'yi ilia'm siunie inka'niye ti je naka ni siunie inka'niye ti pajk'i ti yi'ase.

Gálatas 5:6

Jak je iyoyi siunie ti ini'nopijieteje ni Sijwajieti, 'yina 'wanjliyi ka kia'iwo pa ka kiak tiwonaja ka t'isie'n jiwa tejwak'i, ni'ne ka lajak'ipa ka neyi naka. Jla'm ijiate jla'am siunie sitienkiujnieye ti 'es ti po' ti laja po', 'yina naka'ne siunie ti janwo asemijnayeja', ti ja ena'yi napo as'lejwas.

Efesios 4:13

Paj ka ijwanjliyena'a siu'nie awoki, kajeyepa ti po' ni siunie sitienkiujnieye ti 'es, jla'yi ti ja ijiatayiji pet ka kastant'ieje ni Sinia' jlas, jla'yi ti jakaskijliyiji'n ni inamtik ti jayoki, sekyi'i ka kasjnojlieyijinie'e pa Sijwajieti ni jlosik iyo ti 'es.

Filipenses 2:11

'Yina ja wikie'eyeyi ti janjwelisi pijia'm ti janwoyits'i 'ate, “Sijwajieti Jesús naka ti Saka'niona”, japakayeyi ti ja wujwa ti ja tiwunitie pa Sinia'.

Filipenses 3:8

Nak t'an pijiame siunie ti sitiant'ieje pi 'Yaka'niona Jesús ti Sijwajieti, it'imina ti je pa awoye lajaye wikie'eyi niwak wask'i'nelaja, jla'yi ti jla'am ti it'imina ti aleyi. Lapakawo ti ajalas pet ka itiej naka ti e'nijiap pi Sijwajieti, it'imina ti 'nakayi awonayi 'ate ni jlolimak,

Tito 1:1

Ampey isiecha Tito, ya'am Pablok'i'm ti ip'isinik atate'a. Ya'am ti ijiate ti Sinia' jikawok'i'm, jla'yi ti Sijwajieti Jesús jijliujwanik'i'm. Sijwajieti Jesús sijliuyi napoka ti Sinia' pajk'i ti it'iajats'i, ka iyo yamtikie' k'iye napoka, 'nakayi ka intankiunisi pi Sinia', jla'yi ka intant'ieje siu'nie akinieje ti ijiatk'i.

Tito 1:4

Tito, a'm ti awo yasa'a'm, siu'nie awoki ti ijiate ti 'es. 'Esiji ka Sinia', jla'yi pa Saka'niona Jesús ti Sijwajieti imp'elisimpe, jla'yi ti ja akama.

Hebreos 13:7

'Yina naka ti ja astaj enayi 'ate, siunie iniwone napoka ti 'eyasanayi siunie 'es ka wonayi niwa asosikis, siunapo ti ijwi'lase'm niwaka Sinia' jlamtis. 'Yina mayeyi naka siunie iniwont'iyisijipi, paj ka awayeyinie'e siupa ti jlaj yit'i'yijpe. 'Yina ja ke anetiajnata siunie astankiujnieye ti 'es iyo siupa iniwont'iyisipi ti je 'yakakiuyis pa Sinia'.

Santiago 2:18

Ni'ne ka poye pa ti jawo'ate, “Po' napo i'nio' ti jitienkiujnieye po', po'neje napo ijia ti po' ni jikijmaye ti 'es”. Nak jayonaja 'ate ti jasiujlieje, ¿tepi iyo pit siunie ti jitienkiujnieye po', 'yina laj jikijmayeja' kawoyi ka 'esie? 'Yejne'n, ja'winki'na'm pet siu'nie awoyi ti itienkiujnieye po', lapakawo ti 'naka isijmaye ti 'es ti tajleje.

1 Pedro 3:21

Paka i'niat t'ipi, pak ti'yenajap pet ni i'nio' ti tiniejiena, naka'ne ti it'imina ti jijwaye 'nakayi. Siunie ti tiniejienapa je ka inlej niwa 'najwes, 'najata ti t'ajlajaje pi Sinia' siunie ijnosik ti ink'ie' ti 'najleje'n. Siu'neje ti kasjwajiet pa Sinia' ti kasts'isisi pi Saka'niona Jesús ti iniu kisie'e ti tajli pi a'no',

2 Pedro 1:1

Asampey japo i'lijwas, ya'am Simón Pedrok'i'm, Sijwajieti Jesús jikawo, jla'yi ti jijliujwanik'i'm. Atajiet'ase siu'nie ip'isinik, asa'am ti po' siunie astankiujnieye ti ijiate ti 'es jla'yi ti ijiate ti laja po', iyoye'ate pet siu'nie sitienkiujnieye ti po', ka lajak'i ki iyo pi Sinia' ti Sijwajieti Jesús, ti ijiate jla'am ti tijnajyi ni iyoyi.

Judas 1:20

Siuti asa'am, i'lijwas ti yimijna', 'esiji ka nit'onitieyi pijia'm siunie astankiujnieye ti ijiate jlam ti 'es ti janaka ti 'notatak'i, naka ni siunie ti je kakiuye ni Sinia'. Woye asts'ajlayeja' janaka ti astaj jawomayi Sinia' jikimet ti 'es ti jawe'nase'm ni as'nayija'.

Judas 1:3

I'lijwas ti yimijna'ase'm, je jlase' ni awo ti siwa'asitieyi'ni ti awo ka ip'isinik itiejiet'ase ka ijwil pet ask'ioye siujlie'e sijwajieti ti lajk'ipa ka lajayijap ti yits'e. Ijiatjliyi 'nakayi alesane kajeyepa 'es ka kia'inwoyi, ti wuj ti anip'elisi'niase ka ijiatayiji pet ka anilana'yi ape'e siunie intankiujnieye ti 'es, siunie ti etiet'ipi wek na Sinia' ti iwijna'm napo jilis sekatajak'i.