Efesios 4:4 - Sinia' Jlamtis 1994

⁴ Kajeyepa napo Sinia' jilis ti iyoyi niwa jlamtis, ts'ajwes ijwienjlik'i, ijwienjli 'neje siojona Sinia' jikimet, siunie sinijijwiye kia'iyo ijwienjli ni it'imina ti Sinia' tants'e.

Efesios 4:4 Iomraidhean Croise

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Hechos 15:11

Lapakawo ti je akakiunieje ti ajwaye ka lajak'i pa Saka'niona Jesús ti Sijwajieti ti kasp'elisijne'n, iyo'ate iyoyisi.

Romanos 11:29

Je'ne ka je 'nakaja siunie Sinia' iyoyi. Siunapo iyo ka inki'mik'i napok isima'ak'i, siu'neje napo iyo ka inoyeje napok iniuyeyeje'eje.

1 Corintios 10:17

'Yina 'wanjliyi kas'lojwata, lapakawo ti ijwienjli siunie t'isie'n, kajeyepa ti anikijwana ti atowajata ni woye ijwienjli.

1 Corintios 12:20

Jak je iyoyiji, ijiatataja ti 'loj siu'niwa sijwa'al, 'yina je 'loj papo ka intajle. Ijwienjli jla'am siunie ts'ajwes.

2 Corintios 11:4

'Yina je jiwoyi ka wet'ianayi ti potie siunie ijio'wase ti iyo jlamtikie' siunie Jesús ti je naka siunie Jesús ti pajk'i ti awoki samtikie'. Jla'yi ti siojona jlena'yasap je janak siojona Sinia' jikimet ti pajk'i ti yi'ase. Siu'neje ti jikima'yi ilia'm siunie inka'niye ti je naka ni siunie inka'niye ti pajk'i ti yi'ase.

Efesios 1:18

'Esiji ka Sinia' 'nakajanit jitiowiji ni asosik ja 'nakayi ti ja 'najanayi paka wonayi, jla'yi ka wujwa ka intant'iejayi siunie tanets'e naka ni sinijijwiye, siu'neje ki iyo niwa isis ti iwijna'm napo jilis, ti wuj ti ip'ilisi'n,

Efesios 2:16

Jla'yi ti ka lajak'i ki iyo ti inilayiti ti yi' ape'e japa cruz ti 'ya'al, sekyi'i ti kasts'isisk'i wita'm. Aninenaja 'ate it'iminayi ti akajmak ti awokieyi kats'iukie ni Sinia', ti kasjwankitk'i ti iyo ka kasjwanjlik'i.

Efesios 2:18

Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Efesios 2:22

'Yina kiak jiwoyeyi ti jini'nopijietayi ni Sijwajieti, jani'nopijietak'i wita'm, ja 'nakayeyijna'a ti jawoye 'ate janak Sinia' ji'wuk, ti siojona Sinia' jikimet ti 'es ji'weta.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Efesios 5:30

Lapakawo ti napoka ti t'ajwes, 'yina ti sa'am nak atajlaja pit.

Colosenses 1:5

Siunie astankiujnieye siu'neje ni asemijnaye tajle naka ni asnejejwiye ti jik'iuyeyeyijpe, niwaka Sinia' jlamtis ti je tak'emisie'n naka ni jika'niye ti 'es. Sek taj'leyi ti asnejejwiye po' ilia'm naka siunie pajk'i ti Sinia' itiejiete'n ask'ioye ts'iji poliyi.

Colosenses 3:15

'Yina siunie inkamankiye ti tajle ni Sijwajieti 'esiji ka iwo anechiyasajats'i niwa asosikis. Kajeyepa ti nak tanajap'ase ni Sinia', ka ts'ijiye injwanjliyek'i 'yiniyijna'a siunie 'najwes ti ijwienjli. 'Yina woyepe asnikanitieyija'.

2 Tesalonicenses 2:16

'Nakayi je paj ka iliki pet ti 'ajlana ti ajwela pi Saka'niona Jesús ti Sijwajieti, jla'yi pi Sinia' ti jlam ti wuj ti kassemijne'n, jla'yi ti kasp'elisi'n, ti jlam ti tajle ni sijweye ti jijweye jla'am ti laj jlaja, siu'neje ni anejejwiyejenk'iye ti wuj ti 'es,

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

Tito 1:2

'Naka siunie awoki ti je niliak, tajle naka ti ijiate ti 'yaka ti anejejwiyejenk'iye, ti kasjatoni jana si'wasankiye ti t'o'n. Si'wasankiye siojona ti Sinia' pajk'i ti ijwi'il ti 'nelanjie'e lajlik'iji pa 'ni ajnat. Sinia' je nak i'nio' ti iyo sintiye.

Tito 2:13

Naka'ne ni siunie iyotaja ka iyoki ka inijijwiyejenk'iye janak jloma ti 'es ka napitiemet pi Sijwajieti Jesús, Sinia' ti wuj.

Tito 3:7

Nak kasts'isisi ki iyo ni jikap'ijliuskiye, it'imina ti yikialts'e ka itiejek janak si'wasankiye ti t'on, jana anejejwiyejenk'iye.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.