Efesios 4:2 - Sinia' Jlamtis 1994

² Ká anitonitie, ke injwesisa', nilayitie. Emina' napo as'lejwas, 'wanjliyi ka kia'iwo ka poye paka je 'esiek'i paka ine'yase, nip'elisinapi.

Efesios 4:2 Iomraidhean Croise

Mateo 11:29

Kima'yi ilia'm siunie tejeye pet naka inkijmaye ti kiojieti, ena'yi astepe'e. Ni'neyasanayi siunie aniwone ti akama, ti je anitonit. Jant'eminajna'a ka 'esie ka inajape'n ni asak'al, jankamajana'a.

Marcos 9:19

Sekyi'i Jesús iyo'ne 'ate ti ipi'yaye ti kia'iyo: —¡Ijiate wat 'napo yi'ne, kakiujnietasat'itie'ase'm! ¿Jot'i ja k'ieyeyik'i'ni ka yi'asap? ¿Jot'i ja k'ieyeyik'i'ni ka inilayit'i aselia'm? ¡Maj! Mayeyi pa jwemik. Namayi'ne.

Romanos 15:1

Siuti sa'am ti jwamjla'a ni awoki, ti sijweye t'onik'i siunie sitienkiujnieye ti 'es, 'esiji ka initojmataja sa'am siuniwa 'najwes t'a'ti, ka yina sa'am sitipe'e, napoka ti kasjwanjliyik'i ti awoki siunie ti atankiunieje pa Sijwajieti. 'Yina je 'esiji ka ijwienkitak'iyi siunie ti sa'am ti kasteliaja ka iyoki.

1 Corintios 13:7

Siunie ti jlemijnaye po' 'yakajli ti ijiate ti inilayiti pet wikie'eyi niwa wask'i'nelaja. Je paj ka inleyi siunie iyo ti jitienkiujnieye po', kia'iyojliyi ti jlomas ti jinijijwijie po', jla'yi ti je inip'elisin'ni k'iye paka k'iejliyeyi.

Gálatas 6:2

Ká ajwankite ni akiecha ti po' pi yiyi. Noyeje ja inkiajatajak'i'ni ti kiak jawoyeyi. Siuti kiak jawoyi, ijiate nak jawoyeyi ni jika'neyasajnaye ni Sijwajieti.

Efesios 1:4

'Yina ti pajk'i ta'a ti kastajets'i, ti 'nelanjie'e, ti je wakaljli'ijyi 'ni ajnat. Lapakawo ti pak kasts'isisi pi Sijwajieti ti ani'nopijietaja, it'imina ti kasts'isis jitieyi'i, laj sitisayi ilia'm ti jla'am. Kajeyepa ti wuj ti kassemi'n,

Colosenses 1:11

'Ajlajanayi'ni pi Sinia' ka impejlanit'i aswa'm pet ni jijweye ti je jlase', ja 'nakayeyi ti ja asjweye japoye pet. 'Yina ja ke injlak'alajyi'n, 'wenajliyi ti ja akamaja.

1 Timoteo 6:11

A'm ti Sinia' jlasts'a'm ti inwakal, joskiye niwaka. Katate ka woye ni siunie 'es ti je tak'emiyeje wek; katate ti ani'neti pi Sinia'; woyi ni atankiujnieye ti 'es; siunie emijnaye kia'iyojliyi; je paj ka leyi naka; ke injwesie. Ni'net siuti jitie'yi ilia'm ni je 'es, 'yina ti po' 'ni atankiujnieye ti 'es. Akio' et'i janak a'wasankiye ti laj jlaja, 'yina siuti Sinia' tana'api jiwoyepe 'ate, “Sijwajieti Jesús naka ti 'Yaka'niona pet”, ti jlene jitieyi'i japo i'nio' ti 'loj.

2 Timoteo 2:25

Ja ke initonit ni i'nio', ti iyoyeta jlosikie' siunapo teje'yi ilia'm. Janejejwijyi'n pet k'iye ka Sinia' inoyeje ka wo 'niayija napoka kawoyis jlosikis ink'iejyisa', jla'yi ka intant'ieje ni siunie ti ijiatk'i,

Santiago 1:21

It'imina ti awo'nase 'ate: leyeyi wikie'eyi siunie ni ijiate ti jit'iojli po', siu'neje niwa wuj ti je isis. 'Yina nijlasata'yi isia'm, siuti jikima'yi niwa Sinia' jlamtis ti jisiliaki yijinits'i niwa asosikis, 'yina niwak siuniwa jlamtis jijweye po' ka injwajieta.

1 Pedro 3:15

ja'wenajliyi ti ja ekiajlayi niwa asosikis pi Sijwajieti, jonitie ti jla'am. Niwakajlanitie ta'a ilia'm siunapo jan'yasajyi'n ki iyo ti po' ni asnejejwijiye.

1 Pedro 3:8

Jlaja, 'napo i'lijwas, 'esiji ka ijnojli wita'm siunie ja woyeyi, siunie askiowe kia'iyojliyi, 'yina ti injwanjliyek'i. Ninemina, akiowe nit'onitieyik'i wita'm, 'yina ká anitonitiejyi'n.