Efesios 4:12 - Sinia' Jlamtis 1994

¹² 'Yina kiak iyo, siuti ilisanak'i napoka jikawos, ka napokaye pet ka 'neyasajne'n napo ijia Sinia' jilis ka noyeje ka inkima na Sinia' jikijmaye. Jak je iyoyiji pet siuniwa Sinia' jlamtis janekjlijyi'n pet sa'am ti Sijwajieti t'ajwests'e'm.

Efesios 4:12 Iomraidhean Croise

Lucas 22:32

'Yina pajatak'i wek ti 'ajlana'ni ka je anetiajnata ni astankiujnieye ti 'es. 'Yina siuti ja apik'i, 'esiji ka noyejejna'a napo a'lejwas ka jwajla woyisi'ni.

Hechos 1:25

siunie jank'iuyeje ni jikijmaye iyo ni i'nio' ajlojwanik Judas iliyi, lapakawo ti ijioyi ni siunie yi'i, 'yu'we kajeyepa ti iyoyi ni je 'es.

Hechos 11:23

Wuj ti inkaj'ni ja Bernabé ti 'nesa sekaja, lapakawo ti i'wi'in ti ijiatk'i siupa iyo ti Sinia' jikap'ijliuskiye yiji jlajak isi'. Bernabé 'yakela papo ti iyo'ate: —Ká akalakijiena ti jikinieyi ki iyo ni inamtik, ke ink'asayi pijia'm.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 9:31

Jak je iyoyiji'ni 'yakamaja siojopo Sinia' jilis yijits'i wikie'eyi siojowa ajnatis t'ipi Judea, Galilea, Samaria. Jlam yamjlijyi'n puwa Sinia' jlamtis, wuj ti toskiyisie pa Sinia', Sinia' jikimet ti 'es iniuyeje, it'imina'ne ti 'loj papo i'nio' t'opiyiji, ti iniwome.

Romanos 12:5

Sam pet ti Sinia' jilists'e'm kiak awoki. 'Wanjliyi kas'lojwata, 'yina ani'nopijietak'i wita'm, sekyi'i ti kasjwanjliyek'i.

Romanos 12:7

Siuti a'm ti jiniuyeje'ni napo a'lejwas, 'esiji ká aleyi ti jiniuyeje. Siupet ti a'm ti jit'iyasajne'n napo a'lejwas, 'esiji ká aleyi ti jit'iyasajnen'ni.

Romanos 14:19

Siuti kia'iyo jayokijyin'ni pet niwaka wask'i'nelaja tejeyi ni inkamankiye, 'yina janoyits'e'm pet ka inikelaja siunie awoki ka jlam kia'iwo kanek pet.

Romanos 15:14

I'lijwas, awo'ate: 'yakaja'ase'm ti lajk'ipa ka k'iejliyeyi ka je 'esie ka ne'yase, lajayi'ni ni ji'weta' ni siunie ti 'najanajyi'n, jla'yi ti 'najanayi ti jinijloyeyik'ijin'ni ka woyeyi siunie ijnosik ti 'es.

Romanos 15:2

Siuti sa'am, 'esiji ka iyoki siunie ti ja 'esieyi ni sikiecha, 'nakayi ti janoyeje pet ka je inetiajnat siunie jitienkiujnieye ti 'es.

Romanos 15:29

Jak je iyoyiji siuka yita'ase, ja ke jlasiye siunie Sijwajieti jantajle ti 'es ti jatiu'niase.

1 Corintios 12:27

'Yina kiak jiwoyeyi pet ti asa'am, ti Sijwajieti t'ajwets'iase'm. Jak je iyoyiji siunapo ijia, pa yi'i pa, je 'wena paka intajle, Sijwajieti t'ajwes jijwa'lase'm pet.

1 Corintios 12:7

Je wikie'eyi ka neyi naka, ijwienjli'iji pa iyo ka wo ji'wajieta' janak Sinia' jikimet pa k'iejliyi jla'am pi iyo kawone, ti ijia 'esi pet.

1 Corintios 14:12

Siuti kia'iyo ti jiwoyeyink'iye ka'wena' niwak siuniwa siojona Sinia' jikimet iwijnamk'i napo ti iyo ji'wajieta', 'esiji ka ijiatayiji ka injwesiejayijin pet k'iye niwaka ti ji'wena ti iniuyeje napo as'lejwas, yiji ni Sinia' jikijmaye.

1 Corintios 14:14

'Yina siuti amtiyi siupi in'lej 'wenayi ti je tipe'yak ti tajle siojopa Sinia' jikimet, ti awo 'yejlayeja', siunie ijiusik kia'iyo yamk'i pet ni iyo, 'yina jlampet siunie ka 'nakajk'iji'n ka ijwilik'iji'n, nak je ts'ajane ka kiak iwo.

1 Corintios 14:26

I'lijwas, ti jajliasat ape'e, ¿ten siupa jayoki? Siuti anojokietak'i wita'm, 'esiji ka poye siupa janane ask'ioye ka inene pi saka'leja, jlam pa jane'yi pi janteliajayi ka enayi. 'Yina japoye 'neje pi janamtiyi ask'ioye kiwa Sinia' jlamtis, ti ja'neyasanayi. 'Yina japoye 'neje pa janjwe'el ask'ioye siupi Sinia' i'winkina'ase'm, siu'neje pa janamtiyi siuniwa inamtis ti je tipe'yak, ti tajle pet janaka Sinia' jikimet. 'Yina japoye pi jikiecha ti janjwelik'iji'n siupi iyo ti tamti, ti jlam ti ipi'ya. 'Yina siuti kiak jiwoyeyi, ti iniuyeje ni iyo napo as'lejwas ni jlosik, 'esiji ti kia'iyo.

2 Corintios 12:19

¿Ent'a jijwela ka pajak'i ka iyojonk'iye ka kasijwela ka kasts'isis? ¡Je'e, je kia'iyo! 'Wenajliyi ti enaja jitieyi'i pa Sinia' siuti kiak iyo akamtijniena, siu'neje ti sa'am ti Sijwajieti jikawosts'e'm. I'lijwas ti yimijna'yase'm, lapakawo ti wikie'eyi niwaka janakaye ti janoye'ase'm ka ineki'n siunie jiwoyeyi.

2 Corintios 13:11

Siunie jikiecha nak jayin jlaja, japo i'lijwas. Awojonk'iye pet ka akamaja. Jalasa pit ka ijiatayiji ka insisie, ni'netie pet. 'Esiji ka ijnol wita'm siunie jiwoyeyi ki iyo niwa asosikis, jla'yi ka ena'yasap ni askamankiye. 'Yina Sinia' ti jla'am ti tajle nak inkamankiye jla'am ti jane'yasap.

2 Corintios 13:9

Jak je iyoyi siuti kiak awoki, ti laj sijweyeja', sekyi'i ti anikanitie'ajak'i wita'm, jlam'ne pet ni jiwoyeyi ti int'oniejyi'n. 'Yina ja ke iliki ti ja'yejlanayi'ni pa Sinia', paj ka ijiatayijijna'a ka insisie ts'ijiye.

2 Corintios 3:8

jla'm ijiatayi jla'am siupa jla'al iyo pet pak Sinia' jikimet ti ink'ie' 'yotate, 'yaka'm ape'e siupa iyot'iyipi ti 'nelanjie'e, Sinia' jikimet ti itione napo jana in'wasankiye.

2 Corintios 4:1

Tempi it'imina ti jla'm ani'netiejli, kajeyepa ti kasts'ajane pa awonaja ni jikap'ijliuskiye iyo ni Sinia' ti yikialts'e siunie sikijmaye iyo.

2 Corintios 5:18

Wikie'eyi niwaka Sinia' jla'am ti ilisane. Jla'am ti kastoni ka ijioki, ka lajak'i pet pa Sijwajieti siupi iyoyi. Sekyi'i ji'lij iwints'e'm ti ijliuyits'e'm ni siunie jikijmaye, ka kia'iwo pet napo i'nio' ka ini'nopijieteje ti jla'am.

2 Corintios 6:3

'Yina lajk'ipa ka je 'esie ka iyoki ka inianaja ask'ioye, ka neyi ts'ijiye ka 'yakajyina ka ne'yi paka sitienkiujnieyeja. 'Nakayi ti ja lajak'ipa ka iwonts'e 'ate, “Wuj ti je 'es ni iniwonisi.”

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

Efesios 1:23

jla'yi ti napoka ti 'yiniye ka nakaye Sijwajieti t'ajwes pet napoka Sinia' jilis. 'Yina ti Sinia' jilis ijwienjliyik'i ni Sijwajieti, sekyi'i 'yiniye ni i'nio' ti wakal, iyoye'ate ni t'ajwes ni i'nio' ti po' jana jletik. Sekyi'i Sijwajieti yin wita'm ti ijniujlieta'm wikie'eyi niwa wask'i'nelaja.

Efesios 4:16

'Yina Sijwajieti jla'am ti t'oni pijia'm siunie t'isie'n jla'yi ti 'esi. Sekyi'i siunie t'isie'n 'esieyi'iji pet siuniwa jijwal 'neje, ti t'opiyiji ti ini'nopijietk'i wita'm. Jak je iyoyiji ti ijwienjli pa yi'i pa ti 'es pa jikijmaye iyoyi, ijiate siunie t'isie'n wikie'eyi siuniwa jijwa'al kiak iyoye'ijyi pit ti 'es siupi iyo ti yajme'n, jlam yamjli pet siunie jlemijnaye iyo.

Efesios 4:29

Asamtis ja ke jiniliajaye, 'yina siuti kiak jawo, ijiate janoyeje pet siunapo i'nio' ti its'iu'wase int'eminajna'a pet ka Sinia' imp'elisi'n siunapo its'iu'wase'm.

Efesios 4:4

Kajeyepa napo Sinia' jilis ti iyoyi niwa jlamtis, ts'ajwes ijwienjlik'i, ijwienjli 'neje siojona Sinia' jikimet, siunie sinijijwiye kia'iyo ijwienjli ni it'imina ti Sinia' tants'e.

Colosenses 1:24

'Nakayi ts'ajkaj'ni ti iwit'ia poye astepe'e, kajeyepa siuti kiak iyo ti iwit'ia po' ape'e napo Sinia' jilis, ti 'nak Sijwajieti t'ajwes, 'yina yamjliyi ti jajnol wita'm siunie iyot'iyipi pa Sijwajieti ti kia'iyo ti inilayiti pi jiwet'ia.

Colosenses 1:28

Ajwela ape'e wikie'eyi napo i'nio' pi Jesús, siu'neje ti akelaja'ni, je lajk'i siunie awoki ti kasts'ajajne'n ti tajle pi Sinia' ti 'eyasanaja'n, kajeyepa ti awotajank'iye ka ijnol wita'm siunie jitienkiujnieye ti 'es jitieyi'i pa Sinia'. 'Yina jak je iyoyiji Sinia' jan'we'en ti wakal ti yiyisiap pi Sijwajieti.

Colosenses 4:17

Jwelajia'm ja Arquipo siu'nie i'lij, ti awo'ate, “Tankiuni ka teme wikie'eyi siunie akijmaye ti Saka'niona yikiaj'la ka woyi.”

1 Timoteo 1:12

Inikanitiejeye ekiajle pi Saka'niona Jesús ti Sijwajieti, jla'am ti iyo ijwiyeja', jla'am ti 'yujwanitk'i'm ka sejni ni isijmaye iyo.

2 Timoteo 4:11

Ijwienjliye jla'am 'ni Lucas ti je taj'l ijiap. 'Esiji ka wojyin'ni ja Marcos, a'asina'a, janoyijk'imna'a ti awoyeta yamtikie'.

2 Timoteo 4:5

Ke wujwa ka awoyi ajlak'aliye, ti k'iejlitieje pa; siunie ajlak'ali nilayiti; woyi amitikie' siuniwa Sinia' jlamtis ti isis; nilesaniji ti jiwoyi ni akijmaye, ti a'm ti Sinia' jikawo'wa'm.

Hebreos 13:17

K'iuyeyipe siunapo tijna'yase'm pet ti i'ye'nase'm, 'yina ká ani'najnata'yi ape'e napoka ti je yajapape ti i'ye'n astepe'e. Lapakawo ti je iyo'ate ka je 'najanisi paka iwonisi ti Sinia' jan'ye'en napo i'nio' ts'iji jlaja niwa jlomas. 'Yina 'esiji ka k'iuyeyi 'nakayi ti ja inkasaje'n ti kiak jawo. Jlampet ti kiak jawo ti ja ke ak'iuyeyi, jijliak'ali ja poye pet, 'yina jijwelat'e ka poye paka i'nesieyi.

Hebreos 6:1

Ijiatjliyi, je 'esiji ka 'yasak'isia'm, paj ka ts'ajwes i'neye'ejenna'a. Je 'esiji ka je itiajlaje siunie inka'neyasajnaye siunie ti 'nelanjie'e ani'neyasanaja ape'e ni Sijwajieti. Ká apilieyiji siuniwa wask'i'nelaja pajk'i ti 'najanayi pi jiwonayi, iyoye 'ate siunie inka'neyasajnaye ti ijwi'il siunie ti k'iejli awok sosik ink'ieye, siunie ti aleki siuniwa wask'i'nelaja kassoyiji ni siliaye. Iyoye 'ate siunie ti 'nelanjie'e atankiujniejayi ni Sinia'