Efesios 4:10 - Sinia' Jlamtis 1994

¹⁰ Siunie ajwe'el ti na'm ajnat'e, naka ti jlam jla'am ni siunie ti ijioyi na poli siunie toj pijiame, 'yina niwaka'ne siuniwa jilisajna' ti 'yakajanit ti jijweye pajlat ape'e 'ni ajnat.

Efesios 4:10 Iomraidhean Croise

Mateo 24:34

Ijiatk'i siunie awoyi ti japoye niwak wask'i'nelaja, siuti ja ke int'eki kiu' ape'e 'ni ajnat napo i'nio' yiji siu'niwa jlomas.

Lucas 24:44

Ti itimat'iyijpe sekyi'i iyonat'iyijpe 'ate: —Siukia awo 'neye, ki tiwonak'i, siuniwa ajwe'lasem'ne ta'a ti je atal aska kiowe'e, ti awo'ate, “Janeyi siojona jloma ti ja'nakaj siunie iyo ti sijwe'el ni Moisés jika'neyasajnaye, siu'neje niwa yi'i pet niwa jilisajna' t'ipi pet papo injwejlanawos, jla'yi ti yi'i niwa sálmojos.”

Juan 1:16

Laj jlaja ki iyo siunie iwints'e'm ti ipijlatine sitipe'e ti kasp'elisijne'n,

Juan 19:24

iyoyis'ne 'ate ti initajlatayisi: —Je 'esiji ka iyok jijwala', jla'am ijiate jla'am ka iliakijnie ape'e, jajnewite pi jajnewite pak jikimitayijijna'a. Sekyi'i ti yiye kisie'e siuniwa inamtis t'ipi ti iyo'ate: “Inik'isajasi kiwa ji'wuye, tiliakinits'i ape'e siukia ji'wu' tatijla wek jikiusk'i.” Kiak siukia iniwonisi japo tokis.

Juan 19:28

Yam'ne 'niji kiwaka, Jesús 'yijene pi iyone ti itime wikie'eyi siukia iyo. Iyo'ne 'ate: —Siki'im. Siuti kia'iyo, ti iyojonk'iye ka ijiatak'iyi siuniwa Sinia' jlamtis.

Juan 19:36

Lapakawo ka kiak je iwo ti yiyi ti iyo ka ine kisie'e siuniwa inamtis t'ipi ti iyo'ate, “Ja ke ine'yina'a paka jleliye ka tikiajataja'm.”

Hechos 1:11

Iyonat'iyijpe 'ate japo injlojwajnas: —Galilea jlele, ¿yot'iyi'ni ti astaj je liena' poliyi? Kiaka ki Jesús ti yi'iji aska kiowe'e janapimet'eje jawo'ate ti ji'wenats'i ti yam pijia'm, ka 'nestana'a.

Hechos 1:9

'Yina yiyik'i ti tamti, jlam'ne i'yenis'ni, Jesús tikinieje pijia'm, namat'ipi japa poli japak initatajam'ne, sekyi'i ti je i'winayisk'i.

Hechos 2:33

Jak je iyoyiji'ni paj ti Sinia' yamayi pijia'm, ti yi'neje'n ni ji'wet, ti itiujmat jijweyeje, 'yina yikiajle jana jikimet ti 'es. Sekyi'i ti isiaye sitipe'e, yame ki iyo niwa jlamtis, 'naka'ne siunie ji'wena' jla'yi ti jipe'yaye.

Hechos 3:18

'Yina Sinia' yame siupa iyont'iyijipi papo jijwejlanawos, ti ijwijla'm puwa jlamtis ti iyo'ate, “Ja'nes ni Injwajieti ti Sinia' janjlo', jlam wuj ti janilayiti ti ja tiliana.”

2 Corintios 12:2

Ya'am sitiant'ieje ja i'nio' ti ijiate ti je 'yakakiu pa Jesús, 'nak catórceja kiwa itij'w isia'm najkapis ti tokiji ti si'wenkinaja siunie yi'i ni poli ti tomi pijiame niwa poliyis ti najape. 'Yina nak je ts'ajane'ne ka jiwats'oye, ni'ne ka jisiak'ala wek pa ti tikiniejayipe. ¡Sinia' jla'am ti 'yijene pi iyone!

Efesios 3:19

siu'neje ka intant'iejayi ti ijiate ti 'yaka'm ape'e siunie ti ajwela ka kasts'ajajne'n. 'Yina ti kiak jawo, ja inkajana'a ti jampo'ase pi Sinia'.

Colosenses 1:19

Sinia' yimi'n ti inipejlanitia'm ti iyo ji'weta pi Sijwajieti,

Colosenses 2:9

Kajeyepa ti siupa k'iejliyi pa Sinia', pajlata'm pa Sijwajieti ti iyo 'weta', ti siuti i'nio',

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

Hebreos 4:14

Jesús ti Sinia' jlas, nak saka pa'yijis jika anechiyas wuj, ti pajk'i ti i'yakajna'm ni poli. Tempi it'imina ti je 'es ka ilikiape ni siunie awonaja ni sitienkiujnieye ti 'es.

Hebreos 7:26

'Yina pa'yi jika anechiyas wuj siunie kia'iyo, naka ti awoktajan pet k'iye. Jla'am ti 'es ti laj jikeye, 'yina lajk'ipa ka k'iejliyeyi ka je 'esie ka iwoyi. Sinia' je jnanjliyi siunie ijioyi'i ti itionitiape'n napo i'nio' ti inkeyis jiliajnis, ti 'yaka'm ape'e ni poli.

Hebreos 8:1

Siunie ti ijiate ti laja po', siu'nie ajwela'ni naka ni siunie ti awo 'neje 'ate: Ti po' siunie saka pa'yijis jika anechiyas wuj ni siunie i'nio' ajwel'ni. Jla'am ti yiji'n ts'iji jijweyeje yi'i pi Sinia' ti lajk'ipa ka ijnojliji poliyi.