Efesios 3:9 - Sinia' Jlamtis 1994

⁹ Ti iyo ka 'winkijna'm pet wikie'eyi napo i'nio' siunie iyot'iyipi ka woyi, ti je 'yakajanit ta'a, ti 'nelanjie'e jla'am ti ilisanayi wikie'eyi niwa wask'i'nelaja, 'yina 'naka'ne ti 'yakaj siu'niwa jlomas.

Efesios 3:9 Iomraidhean Croise

Mateo 10:27

Siuniwa ti ajwe'lase'm ti ene ajnaja, enayi pet jlomaje' ti ja ajwelak'iji'n; jlampet siuniwa ene ask'ioteje, niwak siuniwa ja amitayi pijia'm ti jajwelayik'iji'n.

Mateo 13:35

'Yina kia'iyo, kajeyepa ti yiyi jakiak jloma siupi iyot'iyipi pak Sinia' jijwejlanik jiwo, ti iyo'ate: “Siuti jajwijla'm napo i'nio' niwaka siuniwa tijwekiaja'm ti 'nelanjie'e Sinia' 'yotatayi 'ni ajnat, ja'yejnap jiwek k'iye niwa wask'i'nelaja.”

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Mateo 28:19

'Yina maye'ni, joyek'i'ni napo i'nio' yi' ape'e 'ni ajnat ka wo ika kia'lisa' pet. Najienajyi'n, najiene ni Inia' jle', jla'yi ni Jlas jle', siu'neje jana Inia' jikimet jle'.

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Juan 10:30

Siunie Inia' jla'yi ti ya'am kasjwanjli.

Juan 5:17

Jesús iyone'ne 'ate japoka: —Jlam kia'iyo, siunie Inia' talk'i'ni ti isijme'n, 'yina kiak awo pet akijme'n.

Juan 5:19

Jesús iyone'ne 'ate japoka: —Ijiate, ijiatk'i siunie jayo ti jajwi'lase'm, ti Sinia' Jlas je 'yakajli paka k'iejliyeyi pa kanlesane ka jlama. Ijiatjliyi jla'am siupi i'winaja ti iyo pi Jinia', pakayeyi wekie'e ti iyo. Wikie'eyi siuniwa Jinia' iyo, kia'iyojliyi pet ti ilisane.

Hechos 15:18

Kia'iyo siuniwa jlamtis pa Saka'niona, jla'am ti 'yakajanit niwaka wask'i'nelaja ti 'nelanjie'e.”

Romanos 11:25

I'lijwas, po' siunie Sinia' 'yakajanitk'i'm ti awotajank'iye pet ka ijwi'lase'm, 'nakayi ti ja lajak'i pet pa ka ijwel ka ijiatayiji ka 'naja'n ti asa'am. 'Naka 'ni siu'nie: ti Israel jika kia'lis jwajla'a ti int'onit kawoyi ni siunie iyo ni Sinia', 'nakayi ti siunapo je Judíojos ja pajlataja'm pet siunie injwajieti.

1 Corintios 2:7

'Wenajliyi jla'am naka 'najankijnieye ti Sinia' tajle, ti jla'am ti jikimet, siunie ti iyo ka iwoyi. 'Yina je ink'ie', tajlap'e ti 'nelanjie'e ti je wakaljli'ijyi 'ni ajnat, ti jla'am ti ilisane. K'iejliyi ti 'yakaj 'nakayi kajeyepa ti iyotaja pet ka iwents'e'm naka ni siunie iyo ti wuj ti 'es, ni jijweye iyo.

Efesios 1:4

'Yina ti pajk'i ta'a ti kastajets'i, ti 'nelanjie'e, ti je wakaljli'ijyi 'ni ajnat. Lapakawo ti pak kasts'isisi pi Sijwajieti ti ani'nopijietaja, it'imina ti kasts'isis jitieyi'i, laj sitisayi ilia'm ti jla'am. Kajeyepa ti wuj ti kassemi'n,

Efesios 3:2

Ajwelta ka pajk'i'ni ti 'najanayi pi jiwonayi ti Sinia' jikap'ijliuskiye ti it'imina siunie awo pet, ti awoyi ka iniuye'ase'm.

Efesios 6:19

'Yina jwanayik'impe pet ka ts'ajlana'ni ka Sinia' iwenk'i'm pet puwa yamtisa siunie awo kayoyi. Jla'yi ti ja ijwiye poye ti jajwi'il niwa Sinia' jlamtis, jla'yi ka ts'ajane pet paka iyone ka i'winkina napo i'nio' naka siunie ti je 'yaka ape'e, naka siunie Sinia' jika'niye ti 'es.

Colosenses 1:23

Jak je iyoyiji je 'esiji ka leyeyi siunie astankiujnieye ti 'es; ká anitajlina', nit'onitie pijia'm, ká alanayi wita'm siojona asnejejwiye ti tajle pak Sinia' jika'niye ti pajk'i ti jipe'yaye. 'Yina siunie inka'niye itij'w ape'e 'ni ajnat ti tijwela, siuti ya'am ti Pablok'i'm, ya'am ti Sinia' jikawok'i'm.

Colosenses 1:26

'Yina naka ni siunie ti Sinia' talk'i'ni ti ijwiki'n ti ijwikia'm napo i'nio', 'nakayi 'yakajanitia'm napo jilis.

Colosenses 3:3

Siuti pajk'i ti aslaye iniuyi wita'm pa Sijwajieti ti 'ya'al, siojona as'wasankiye ti ijiatk'i je 'yaka kajeyepa ti yijliyi'ijyi pi Sijwajieti ti yijap pi Sinia'.

Colosenses 4:3

Kasts'ajlanayi pa Sinia' 'nakayi ti ja 'najlinit k'iye siunie inka'niye ti akiji'n, ti ijwi'il pa Sijwajieti. 'Yina siunie jika'niye naka siunie ti ijwik ti pajk'i, 'nakayi 'yakajanitie, naka ni siunie awoyi jika'niyejayi napo i'nio', 'yina naka ti it'imink'i ti ajyi jla'a insat jiwe.

2 Tesalonicenses 2:13

Je paj ka iliki pet ti awok sinikanitiejayi pi Sinia' astepe'e, i'lijwas ti Saka'niona jlemijna'yase'm, lapakawo ti Sinia' jla'am ti ijniejiet'ase'm ta'a ka asama ka ananayi ka ajwaye. Ka lajak'i ki iyo pet jana jikimet ti 'es ti janak ti inlesana', it'imina ti insisie, jla'yi ni siunie ti ijiatk'i naka pet ti je jikakiuye.

1 Timoteo 3:16

'Yaka ti je jlase' ki iyo ni siunie je akakiunieje. Sinia' 'yakajanitts'e'm sa'am ni siunie ti 'es, ti iyo'ate: Sijwajieti ti inikajanitie, iniwojwa'n i'nioye, jlampet ti Sinia' iniujwata kisie'e, ti tajli ki a'no', 'yakaja ape'e pet ti Saka'niona, injlojwajnas poli jlele i'wi'in, sekyi'i ti tijwelajayi pet ape'e wikie'eyi napo i'nio' ti yi' ape'e 'ni ajnat. Ijiate je takakiunisi, siuti tikiniejayi 'niji poliyi, 'yina sekyi'i ti isima ilia'm, siunie 'es ti tiwunitie.

2 Timoteo 1:9

Sinia' kasjwajiet, jlam ti isimts'e'm, jlam ti kaslej, 'nakayi ja kasts'isis. Je ka isijmayeja ka 'esie kant'emina siuti ti kia'iyo, 'wenajliyi ni iyo ti jla'am ti tajle, ni iyo ka wonts'e ti kasp'elisi'n. Ka lajat'ik'ipe pa Sijwajieti Jesús, ti Sinia' kassemi'n, tajlap'e ti lajlik'ijipa 'ni ajnat.

2 Timoteo 4:17

'Yina Sinia' yi' ijiap jakayi. Iyo ijwiyeja' ti awoyi yamtikie' kiwa jlamtis, ti atoni napok siunapo je Judíojos ka impe'yayis pet. Siukia iyonk'iji ti sijwajiete ni Saka'niona k'iye ni jikiwet ni k'iwajla.

Tito 1:2

'Naka siunie awoki ti je niliak, tajle naka ti ijiate ti 'yaka ti anejejwiyejenk'iye, ti kasjatoni jana si'wasankiye ti t'o'n. Si'wasankiye siojona ti Sinia' pajk'i ti ijwi'il ti 'nelanjie'e lajlik'iji pa 'ni ajnat. Sinia' je nak i'nio' ti iyo sintiye.

1 Pedro 1:20

Lapakawo ti Sinia' pajk'i ta'a ti itime ti kiak iyone ti 'nelanjie'e je ilisanjliyi'ijyi ni ajnat, yi' jlajayi niwa jlomas ti jiwekie'eja ti i'winki'n naka'ne ti insisieyi.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.

Apocalipsis 14:6

Sekyi'i a'wena ja injlojwanik poli jlele ti ijwi'ya jikiowik'i ni poli, ti name ni siunie Sinia' jlamtik ti je paj ka inetia'n, ti janjwela ape'e wikie'eyi napo yi' ape'e 'ni ajnat, i'nio' ti jloniye je ijwienjli k'iejliyi, siunapo i'nio' ji'lij 'wenayi.

Apocalipsis 17:8

Siu'nie pinitiok ti ji'we'en, naka ni siunie ti kia'iyo ti ji'wenape ti 'wanjlijli'yi kiu', 'yina 'nakayi lajk'ipa, pajk'i ti netia'n. 'Yina ja ke iwojliyinie'e ti jano kisie'e ti jantalk'i siunie kiawe ni je ti'wena pa jlaj yi'i pa jik'ioyi, naka ni injlak'ali 'wet pet, siuti kiak jawo ja ke inejliyi kiu' siunie jane'yi jlaj ti janetia'n ka sek jlaja'ayina'a. Jak je iyoyi siunapo i'nio' ji'wet pet siunie ajnat yi'i, napoka ti jleyis laja naka imp'esinik siunie jleyis yiji napok ji'wasankiye ti t'o'n po', talk'i'ni pakayi ti Sinia' k'iejli ilisanayi siu'niwa wask'i'nelaja yi' ape'e 'ni ajnat, ka iwojliyinie'e pa ka i'wenista naka pinitiok. Kajeyepa ti i'winispe ti siuti 'wanjliyi kiu', 'yina 'nakayi lajk'ipa, netia'n, naka 'neje siunie ti janapi pijia'm.

Apocalipsis 4:11

“Saka'niona ti Sinia', je inlakiki'i wek, 'yina ti 'yu'wa'm siunie tiwona'a ti inwunitie, siu'neje ti tiwok ajaye, siu'neje ti ijnonitie ni at'oni iyo. Lapakawo ti a'm ti alesajna' wikie'eyi siuniwa wask'i'nelaja. Tepa jawo ka je poye niwaka 'yina ti jitienkiunie ka kiak awoyi.”