Efesios 3:2 - Sinia' Jlamtis 1994

² Ajwelta ka pajk'i'ni ti 'najanayi pi jiwonayi ti Sinia' jikap'ijliuskiye ti it'imina siunie awo pet, ti awoyi ka iniuye'ase'm.

Efesios 3:2 Iomraidhean Croise

Hechos 13:2

Yit'i'yipe pa jloma, 'yina ti initotk'i'ni wita'm ti ijwilis pa Saka'niona jla'yi ti iyunitis pa Sinia', siu'neje ti ininel'liajanitis, Sinia' jikimet ti 'es iyone'ate japo: —'Wena jotieyi pet its'ioye 'na Bernabé jla'yi 'na Saulo, 'yaka yam ti aki'me ti atajieta ni isijmaye.

Hechos 13:46

Pablo jla'yi ja Bernabé ji'lij 'yitiet'ik'ipe pet, ti iyo'ate ti isiujlisie: —Ajwel'ni je akamak'iji'n ti ajnaye'ase, ajwela'ase'm niwa Sinia' jlamtis ti Judíojosts'ase'm. 'Yina siuti je jikima'yi ilia'm, jijwelaye ka je asama ka askimita' siojona in'wasankiye ti laj jlaja. Siuti janaj'ni ti jatiajla'ase'm, jajioki siunapo i'nio' je Judíojos.

Hechos 22:21

“Saka'niona isiulk'i'm ti iyo'ate, “Maj, kajeyepa ti ya'am ti jajliu'. Jajliu'wa siunapo i'nio' ji'wetis je jnanjliyi, ti je Judíojos”.”

Hechos 9:15

'Yina Ananías Sinia' jlam iyonjliyi 'ate: —Maj joyi, lapakawo ti ya'am ti aki'me nak i'nio', jla'am ti ja sijwe'el, jla'yi ti jawo jika'niyejayi siunapo i'nio' lajk'iyipa kawo, siu'neje napo jika anechiyasas, siu'neje napo Israel jika kia'lis.

Romanos 1:5

Siuti ya'am ka lajak'i pet ni iyo ni Sijwajieti Jesús, lapakawo ti jla'am pa Sinia' ti sip'elisi'n, sekyi'i ijniejietk'i'm pet ka iyo Sijwajieti jijliujwanikie', ka ijwile napo i'nio' ka 'yakajanit'i ape'e ni iyo ti jla'am. Ja'nakayeyi ti ja wikie'eyeyi napo i'nio' yi' ape'e 'ni ajnat ja ke inkakiuyis, siu'neje ti jank'iuye siunie jlamtik jawoyi.

Romanos 11:13

'Yina po' siunie jajwi'lase'm asa'am ti je Judíojosts'ase'm. Ya'am ti Sinia' sijliuyi napoka i'nio' kia'iyo 'ate jiwoyeyi, siu'nie isijmaye awo lajaye.

Romanos 12:3

Etijnape pa Sinia' siunie iyonk'iji ti sip'elisi'n, ti jayo'nase 'ate ti apejlanit'i astepe'e: je 'es pa ka jitienkiujnieye kiak iwone ka injwel ka jla'm ijiatayiji ka 'esie, sekjane'yi ti jani'najnat pijia'm. 'Yina 'esiji ka ani'notatayiji, 'otatats'i siunie astankiujnieye, jla'yi ti janijnojlieta wita'm siuti ja ijiatayi ka astankiujnieye poye, ni'ne ti jwajla'aja ti astankiujnieye poye ti Sinia' iwi'nase'm.

1 Corintios 4:1

'Esiji ka kaswone Sijwajieti jikawosa'. Sinia' ijniejiet'e pet ka jikawosa', ka 'neyasane napo i'nio' siuniwa wask'i'nelaja iyo kawoyi, ti je 'yaka'm ape'e siunie iyo.

Gálatas 1:13

'Yina asa'am 'najanayi pi jiwonak'i ti ya'am Judíok'i'm, jla'yi ti jijieyek'i siukia awoyi ti je aleyi ti akk'i siunie iyo pit napo Judíojos ni yamisi, ti wuj ti ani'net ti ata'yi ilia'm napo Sinia' jilis, ti awotaja ka nitiajnat siunie yamisi pet, paj ti awoyeta ka itij'we ka iliajne'n.

Efesios 1:10

Siuka netiejenie'e janak jloma, Sinia' pajk'i ti yikiajle pi Sijwajieti ti ja nakaye ti janiojokiji wikie'eyi siuniwa yi' poliyi, jla'yi ti sa'am ti awak'i 'ni ajnat, kajeyepa ti ja jlama ti ja kas'ye'en.

Efesios 3:7

Siuti ya'am je ani'nojonit'i siu'nie awoyi ti anoyeje pi Sinia', ti ajwel niwa jlamtis, 'yina ti jlam ti jijweye po' it'iminayi pet ti akajli ti awoyi.

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Efesios 3:9

Ti iyo ka 'winkijna'm pet wikie'eyi napo i'nio' siunie iyot'iyipi ka woyi, ti je 'yakajanit ta'a, ti 'nelanjie'e jla'am ti ilisanayi wikie'eyi niwa wask'i'nelaja, 'yina 'naka'ne ti 'yakaj siu'niwa jlomas.

Efesios 4:21

'Yina ajwel pajk'i ti 'najanayi pi jiwonayi kajeyepa ti jipe'yaye, jla'yi ti jini'neyasanayi niwaka Sinia' jlamtis ti ijiatk'iji'n, ajwe'el ti jla'am pi Sijwajieti.

Efesios 4:7

Sijwajieti kasjwankitamk'i siu'niwa ti iyo si'wajieta', 'nakayi ka nek pet siunie jikijmaye iyo.

Colosenses 1:4

Kajeyepa ti ajieye'ase'ni ti wuj ti astankiujnieye yiyi ti je kakiuye pi Sijwajieti Jesús, jla'yi ti ijiat ti i'namajayi wikie'eyi siunapo Sinia' jika kia'lis.

Colosenses 1:6

Naka ni siunie Sinia' jika'niye ti yi'ase. 'Nakayi ti'wena ti jlam yamjlijyi'n pet, ti iyo jlaye jayo, wikie'eyi ape'e 'ni ajnat, iyoye pet 'ate jiwoyeyi 'nakayi, tajlape ti k'iejli 'najanayi pi jiwonayi pi Sinia' ti takap'ijliuski, siu'neje ti ijiate ti imp'elisina'.

1 Timoteo 1:11

Siu'nie inka'neyasajnaye ti 'es, ti yiji naka inka'niye ti 'es ti Sinia' ti jiwunitieye po', yikialk'i ka ijwile pijia'm.

1 Timoteo 1:4

Ke ene 'ate siuti janjwel ka ini'neyasane siupi iyot'iyipi papo pajt'ipi, jla'yi ti ijwienjli yijnap'eyi ti ini'neyasane siupi iyot'iyipi pet papo jika kijilas t'ipi siupi iniwonisi. Niwaka ti it'imina napo i'nio' ti ji'lija je isis, 'yina je iniuyeje ka iwo jlosik ink'ieye ka jitiej inwoma pa Sinia' jla'yi ka iwoyi siunie iyo.

1 Timoteo 2:7

Jak je iyoyiji ti Sinia' siwojwa'n jijliujwanik'i'm, ka ijwile ni siunie inka'niye napoka siunapo ti je Judíojos, ka 'yiyasane naka ni siunie intankiujnieye ti 'es, siu'neje ni ijiatk'i. Jlajme awoyi, ijiatk'i siunie awoyi.

2 Timoteo 1:11

Ya'am ti Sinia' jikawok'i'm ka ijwil 'nak jika'niye, jla'yi ti jijliujwanik'i'm, jla'yi ti iyo ka'yiyasaneje'n niwa jlamtis ti isis napo i'nio'.