Efesios 3:12 - Sinia' Jlamtis 1994

¹² Lapakawo jlam ti kasts'isisi siuti atankiuniejayi, jak je iyoyiji ka init'ajanitieje'n ti ajalasaja, paj ti a'yakanajayi ni Sinia'.

Efesios 3:12 Iomraidhean Croise

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Romanos 3:22

Sinia' jla'am ti ilisajne'n siunapo ti je 'yakakiuyis ni Jesús ti Injwajieti Sinia' jijliujwanik. 'Yina kiak iyone 'neje wikie'eyi siunapo je 'yakakiu kajeyepa ti je i'ye'en paka t'oniyeja' paka i'nioye',

Romanos 5:2

'Yina ti Sijwajieti jla'am ti it'imina ti a'yakanaja'm nak jikap'ijliuskiye iyo ni Sinia' ti awaki, je lajk'i pet ki iyo ti je akakiunieje. Jak je iyoyiji sinikanitiejeye po', lapakawo ti janesajap nak jiwunitiejeye iyo ni Sinia' ti wuj ti 'es ni anejejwiyejenk'iye.

2 Corintios 3:4

'Yina je kassots'ink'i ti kiak awoki, lapakawo ti sitiej awomaja pi Sinia' ti po' pet siunie iyot'iyipi pa Sijwajieti.

Efesios 2:18

Sijwajieti jla'am ti iyo si'niayeja' it'imina ti a'yakanaja ni Sinia', ka lajak'i'ne wek jana Sinia' jikimet ti 'es ti iniuyits'e'm ti je kas'wenakite'n.

Hebreos 10:35

Ká anetiajnata siunie jiwoyeyi ti je kakiunieyi, 'nakayi ti ja ataja siojona as'wajieti ti je jlase'.

Hebreos 3:6

'Yina Sijwajieti, ti jla'am ti Sinia' jlas, je tiwonajataja jla'am jiwek k'iye siunapo ji'wet jlele ni Sinia', ajwe'el ti sa'am, ka je initiajnata siunie ti je anikiwita, siu'neje na ka ini'netie, 'yaka po' siunie sinijijwiye ti yits'e.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 2:28

Ilis, siukia awo'ojyi ti ajwe'lase'm ti awo'ate: ke ekiyejiap pi Sijwajieti Jesús, 'nakayeyijna'a siuti janapimet ja ke anikiwitanie'e, ja lajana'a ts'ajwejliye ilia'm jitieyi'i.

1 Jn 3:21

I'lijwas ti yimijna'ase'm, siuti ja ijiatayi ka lajak'ipa ka sitiej wujwak'i ka iyoki, ka je 'esie', 'yina ja lajak'i pet pa ka itijnisiejejyi'n jitieyi'i pi Sinia'.