Efesios 2:8 - Sinia' Jlamtis 1994

⁸ Ijiatjliyi, ka lajak'i ki iyo ni jikap'ijliuskiye, it'imina ti jijwaye ti po 'neje ni astankiujnieye. 'Yina je'ne ka asama ka akajlayi ka pak int'emina ka woyeyi siupa 'es ti askijmayeja', 'wenajliyi ti iyo as'wajieta' pa Sinia'.

Efesios 2:8 Iomraidhean Croise

Mateo 16:17

Jesús sekyi'i ti kiak iyoyeyi: —¡Sinia' jikap'ijliuskiye ti 'es siunie yi'a, a'am Simón, Jonás jlas! Kajeyepa ti lajk'ipa ka jikiechaye i'nioye ka in'wenki'na'm naka, ijwienjli jla'am ni Inia' ti yi' poliyi ti i'winki'na'm.

Mateo 20:9

“Ijiatjliyi, papok inia'an ti titisiek'i siupapo no'ot ti 'yuyi pi jikijmaye ijniujliji siupi k'ie' japa jikaja ti jloma ijwienjli pa i'nio' ti isijme'n siojopa tiwenaja'm pet.

Marcos 16:16

Siupa ja ke inkakiu'n paka ja tiniejienajape, pak janjwayepe, jlam pet siupa ti jankakiu'n, jitis japoye pet.

Lucas 7:50

Jesús iyone'ate japa asejnia: —Atankiujnieye ti 'es ni it'imina ti i'nes. Maj, kama ti ja ak.

Juan 3:36

Siunie i'nio' ja ke inkakiu naka Sinia' Jlas nak siojona in'wasankiye ti laj jlaja japoye pet. Jlam pet ni i'nio' ti 'yakakiu ja ke in'we'en janak in'wasankiye 'wenajliyijna'a pet siunie ja tiwonaja ti Sinia' jiwak jane'ne.

Juan 4:10

Jesús iyo'ate ti isiujlie: —Siut'itie ka akatejnisieyi jlasa pa ka 'najane paka wone siunie Sinia' iwijna'm napo i'nio', siu'neje ni i'nio' t'ajlam'ni ni i'niat, amta ka 'ajla, sekjane'yi ka inwenata'm siunie i'niat ti in'wasankiye.

Juan 5:24

“Ijiate, ijiatk'i siunie jayo ti jajwi'lase'm, ti siunie i'nio' ti its'iuye siunie ajwe'el, jla'yi ti je 'yakakiu siunie sijliu', itiej jana ji'wasankiye ti laj jlaja. Nak ja ke tisiejek'i lapakawo ti tijwajyi ni jota jiliayeja', yiyeja'm pet jana in'wasankiye.

Juan 6:35

Jesús iyo'ne 'ate: —Yam woyek'i'm ti iyo in'wasankiyeja'. I'nio' ni jajnok'i, nak ja ke pajana'a ka inel'lia, jla'yi ni i'nio' ni ja ke sakakiu, kiak iyojliyi ja ke pajana'a ka inki'im.

Juan 6:37

Wikie'eyi siunapo Inia' yikialk'i, napok ijiok'i. Napoka ti ijiok'i ja ke 'yakawona,

Juan 6:40

Siunie iyo ni Inia', i'niope na jan'yejne'n ni Sinia' Jlas, nak in'wenape jana ji'wasankiye ti laj jlaja, siunapo je 'yakakiu. Sek jane'yi ka yamape pet ka iniujwank'i kisie'e ti jantajli niwa a'no'ol siojona jloma yi' jlaja.

Juan 6:44

Lajk'ipa i'nioye ka 'najane paka inwone ka ijnok'i, siuti ja ke jlama ni Inia' ka inamijk'i ka ne'yi pa. Sekjane'yi ka yamana'a pet ka iniujwank'i kisie'e siojona jloma yi' jlaja, ti jantajli niwa a'no'ol.

Juan 6:65

Jla'am iyojli 'ate: —Tempi it'imina ti awo'ate ti ajwe'lase'm, lajk'ipa ka 'najane paka iniwone ka ijnok'i, ijwienjli jla'am siunie Inia' ti iyo 'niayija' pa.

Hechos 13:39

Jla'am ti it'imina ti netia'n siunie jitis napoka, siunie Moisés jika'neyasajnaye je 'yijene paka wone ka netiajnat, ajwe'el siunapo je 'yakakiu.

Hechos 14:27

Ti 'nesat'i'nijpe, tanat'iyipi papo i'nio' Sinia' jilis ti initotisk'i wita'm ti ijwijla'm wikie'eyi siupuwa Sinia' iyone, jla'yi ti iyo 'niayija papo i'nio' je Judíojos, ka kia'iwo ka intankiunisi pet pa Sinia'.

Hechos 15:11

Lapakawo ti je akakiunieje ti ajwaye ka lajak'i pa Saka'niona Jesús ti Sijwajieti ti kasp'elisijne'n, iyo'ate iyoyisi.

Hechos 16:14

Jakayi'ne siujlieja i'nioki jle' iyo'ate Lidia, Tiatira jleliki, iwin'ni niwa lotakijnies siuniwa isis ti lasasi'ni wat ape'e. Itienkiuni pa Sinia' jlajaka, 'yina its'iuye'ni ja Pablo ti tamti ti iyo jlamtikie', sekyi'i isim'ne ilia'm, jla'yi ti 'yajlinitk'iye siupa Sinia' iyoneje.

Hechos 16:31

Pablo isiujlie ti iyo'ate: —Tankiuni pa Saka'niona Jesús, jajwa'a; a'wet jlele kia'iyojliyi janjwajyi'n.

Romanos 10:14

'Yina awo'ate, ¿tepa jawo ka intanisink'iye ti 'yakakiuyis? ¿Tepa jawo ka impe'yayis ti lajk'ipa ka iwoyi jlamtikieyi?

Romanos 10:17

'Yina ijiate ti siunie ti tipe'yak, nak tajle siunie intankiujnieye ti je takakiuk. Ijiatjliyi siunie tipe'yak nak Sinia' jika'niye ti ijwi'il pa Sijwajieti.

Romanos 4:16

'Yina kiakt'i iyopi, jak je iyoyiji siupa Sinia' iyont'iyijipi pa Abraham ti ijwijla'm, je tak'emisie'n jiwekie'e kajeyepa ti pak it'imina ti je 'yakakiu. 'Yina kiaka'ne pet ti 'yakajanitk'i ti tajle nak jikap'ijliuskiye ni Sinia' ka 'esieyi wikie'eyi siunapo jilis pa Abraham, siu'neje papo tomik'i pijia'm, ka iyot'e jla'mate, je napokata siunapo iyoyi ni inka'neyasajnaye ka 'esieyi, 'yina siunapo ti je 'yakakiu pa Sinia' kia'iyo 'esi pet, siunapo ti iyo'ate pak Abraham ti je 'yakakiu. Ijiatjliyi kia'iyo'ni, Abraham pak sinia' ti kaswikie'eyi,

Romanos 4:5

Jlampet ni siunie ti je 'yakakiu ni Sinia' siunie ti ilisajne'n siunapo jloski'la iyo jikipijnaye, je kia'iyo. Kajeyepa ti Sinia' ilisajne'n siunie ti kia'iyo ti je 'yakakiu ti jla'am, 'yina je'ne ka nakaye siuti jikijmaye ti 'es kant'emina.

Romanos 9:16

Ijiatjliyi, a'wena siunie it'imina ni i'nio', ti siuti kia'iyo Sinia' ip'ilisi'n, je ka nak intajleje siuti ini'neti, ni'ne ka jlama ka kiak iniwone, 'wenajliyi jla'am pa Sinia' iyo ka imp'elisi'n pa.

Gálatas 3:14

Siuti Sijwajieti kiak iniwone, 'ate iyo ni 'najanayi, lapakawo ti iyojonk'iye pet ka neyi siunapo i'nio' ti je Judíojos siunie 'es ti ijwijla'm pa Abraham. Kajeyepa ti ijiate ti je akakiuk pa Jesús ti paka ti injwajieti ti Sinia' ijliu', sekyi'i kaswikie'eyi ti yits'e janak Sinia' jikimet siojopa ijwilt'ipi jla'am pa Sinia'.

Gálatas 3:22

Sinia' jlamtis ijwi'il ti iyo'ate wikie'eyi napo i'nio' ti siunie inke' jikipijnas, 'yina jlam je iyo. Jak je iyoyi siunapo ti je 'yakakiu pi Sijwajieti Jesús, napoka ti Sinia' janwejna'm siunie ti pajk'i ti ijwi'il.

Efesios 1:19

siu'neje ni jijweye ti iwints'e'm, sam ti je akakiuk. Naka ni siunie jijweye 'yaka'm ape'e wikie'eyi niwa wask'i'nelaja. Sekyi'i ti ijiatayi ti je istieyi siunie ti jijweye po' ti jla'am,

Efesios 2:10

Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Efesios 2:5

siuti mawat je atajlaja ni sake', ijiate kasts'ajle'n kajeyepa ti awaki naka. Jlam ti kasjwajiet it'imina ti kas'wasajne'n 'neje, iyoye'ate siupi iyone pi Sijwajieti ti yikial pijia'm ti tajli pi a'no'.

Filipenses 1:29

'Yina je nakata ti Sinia' iwi'nase'm, ka je akakiuye pa Sijwajieti, siu'neje ti jinilayitieyi pi k'iejliyi ti po' pa yi'ase ape'e pi Sijwajieti.

Colosenses 2:12

Jak je iyoyiji siuti inajienajajyi'n, 'yiniye ka imp'onaja'yi ti aslaye iniuj wita'm ni Sijwajieti. Kiak iyojliyi siuti jiniuyets'i kisie'e ti jitiajlayi ni a'no', 'yina as'nayi ijwienjliyi ti yapi pijia'm. Lapakawo ti je kakiuye siunie Sinia' jijweye ti naka ti iniujwa'n kisie'e ti jla'am.

2 Tesalonicenses 1:9

Siuti janeyi siojona jloma ti ja'nesi pi Saka'niona, 'yina napoka ti Sinia' jansa'a, napo kia'iyo ka kiak inwonayijinie'e ti jikio' jajnotie. Sek jane'yi ka intonitieyinie'e siupi janjlojwi ti jantajla'n jitieyi'i, jla'yi ti jantajlajni siunie iyo ti iyo anechiyasa' jajnok'i'ni ti kiak janwo pi jiwet'ia. Ja jlama pet napoka Sinia' jilis ti je 'yakakiuyis, ka jla'm iwonie'e ti jajnonitis, 'yina ti janesi'liet siupi janwoyi. Lapakawo ti je jikakiunieyi siunie ajwela'asepi.

Hebreos 6:4

Kajeyepa siunapo ti pajk'i ti iyo jlosik ink'ieye, jloma 'yakaja'n k'iye, siu'neje ti ijyijlita'm siunie t'ajka iyo siunie Sinia' tajle. 'Yina yi' kiojyi siojona Sinia' jikimet ti 'es, siuniwa Sinia' jlamtis kia'iyojliyi, ijyijlita'm siunie t'ajka iyo ti 'es, siu'neje ti itiant'ieje ta'a siunie jijweye jawo janaka siojona jloma atayeje. Jlampet ti janapilisiji'ijyi siunie je 'es, 'yina je ti'niejenaja pa ka tiwonaja ka talasa ka tiwok kiu'ujwe jlosik ink'ieye. Siuti kia'iyo 'yiniye ka inekiajlisi'ni pijia'm ti its'iejwatits'i japa cruz pak Sinia' jlas, sekyi'i ti yinayis jitiejk'i wikie'eyi papo i'nio' ti iliakiyis.

1 Pedro 1:5

'Yina ti je jikakiuye ni Sinia', nak insisieyi, it'imina ti ji'yakana ni asjwajieti, kajeyepa ti iyoye asp'ota 'neje ni jijweye. Janak asjwajieti ti pajk'i ti iwiakajlanit ask'ioye siunie ti je ijiat ka je inkajanit ts'iji siuniwa jlomas tom jlaja.