Efesios 2:3 - Sinia' Jlamtis 1994

³ Siuti sa'am, sam pet ti Judíojosts'e'm, kiak awoki yits'epi pet kiwaka, akinieje siunie kasteliaja kayoki, awoki siunie 'yijients'e'm ni ts'isie'n kayoki, siu'neje ni iyo ni sikiowe. 'Yina ti jla'am kiak awoki ta'a ti je kasts'isis, jak je iyoyiji ti je kasjla'an pet siunie Sinia' jiwak ti yints'e'm, awok'iate papo ijia i'nio' ni yits'e.

Efesios 2:3 Iomraidhean Croise

Marcos 4:19

jitiejli'yi niwa wask'i'nelaja i'wi'in ape'e 'ni ajnat, 'yina niwaka'ne niwa 'yakajmank'iji'n, ijliak'alisijijyink'iye jana wikiniet'aj ti iyo kan'wenis, siu'neje niwa ijia wask'i'nelaja. 'Yina niwaka'ne ti ijiojwa'm, sekyi'i ti ip'io'n ape'e siuniwa Sinia' jlamtis ti isis, jla'yi ti niwaka ti je iyo jlaye.

Juan 1:13

Ijiatjliyi napok Sinia' jilis, 'yina je napoka napo i'nio' ka intajla ka jlama ka impojonit, jla'yi ka jitienkiujnieyeja' ni i'nio', 'wenajliyi jlam pa Sinia'.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Hechos 14:16

Ijiate pa Sinia' ti pajk'i ti yine'ate papo i'nio' siupa itiliaja ka woyi.

Romanos 1:24

Tempi it'imina ti Sinia' jla'am ti ijiuti naka ni siunie itiliajasi ti ijiate ti je 'es, naka ti ti'niachiki, sekyi'i inisayisi siuniwa jikeyis ti ijiate ti taka'ajwejlasa'n.

Romanos 11:30

Ti pajk'i asa'am ti je Judíojosts'ase'm je k'iuyeyi ni Sinia'. 'Nakayi ti kia'iyo ti je its'iuyisie pet pa Sinia', nak 'nesieyi pet ti Sinia' imp'elisina'.

Romanos 13:14

'Yina woye asp'ota' ni Saka'niona Jesús ti Sijwajieti ti jatojmata'yi ilia'm ni inwak. Ká awoye 'weta' siuniwa 'yijijiene ni 'assie'n ka woyeyi.

Romanos 2:14

Siunapo je Judíojos ti je yiji nak inka'neyasajnaye, 'yina siunie iniwonisi wek pet ijyiwiteje siunie iyo ni inka'neyasajnaye iyo ka tiwoki, naka ti awo'ate ti ya'am, jlam jlam ti jika'neyasajnaye siunie iyoyisi.

Romanos 5:10

Tankiuniek'i ti pajk'i, jlam'ne je alekiji ti ataye ilia'm pa Sinia', je iyojliyi ti iyo ka kasts'isisi wita'm ti jla'm pakayik'i ti tiliana pa jlas Sijwajieti Jesús ti kasts'isisi. 'Nakayi tepa jawo ka kiak je iwoyi ti ja kasts'isisi ti jajwieye ti jatiajlajaja ni jlas Sijwajieti Jesús ti jla'am ti 'wasa'n, siuti ti je atayeja ilia'm.

Romanos 5:9

'Nakayi siuti kiak iyoyi ti Sinia' kaslesajne'n, ijiate ti jajwieyeje pet siunie Sinia' jiwak ts'ijiye ka netie jlaja niwa jlomas.

Romanos 6:12

Naka ti je 'es ka aninenayi 'ate ka awaye kiajwe siunie inke', 'nakayeyi ka woyeyi siunie iyo niwa 'assienis ti je t'o'n ti 'yijijie'nase'm ka woyeyi.

Romanos 7:18

Kajeyepa ti siuti ya'am ti i'niok'i'm, 'ne iwia'am, lajk'ipa ka 'esie ka nejyi. 'Wanjliyi ka sitiliaja ka iyo ni siunie 'es, 'yina je akajli.

Romanos 9:22

'Yina kiak iyoyi, siukia Sinia' iyot'iyipi, lapakawo ti iyo ka inkajanit pet ni jijweye iyo, siu'neje ni jiwak itioyi'i puwa jlomas yijni k'iye pa ti inilayiti wek napoka siunapo ti 'yaka ti jansa'ak'i, jla'yi ti janetiajnate.

1 Corintios 4:7

¿Ent'a jijwel ka 'a'n ape'e napo a'lejwas? ¿Ten siupa yi'a siupa ti je tajle pa Sinia'? Jlam'ne jla'am ni Sinia' ti iwi'na'm wikie'eyi niwa wask'i'nelaja, 'yina ¿yot'iyi'ni ti jinijnoniti jlam'ne a'wajiet?

2 Corintios 7:1

I'lijwas ti yimijna'ase'm, kia'iyo siuniwa ti je niliaja ti Saka'niona ijwilts'e'm ts'ijiye. It'imina ti janisiamaki ti janilejek. Jalijik 'niwa ts'ajwes, jla'yi ki iyo niwa sikiojwa'l. 'Yina janinayeje wita'm ti janilesanaja'n jitieyi'i pi Sinia', jla'yi ti wuj ti ja ijiuskiyeje.

Gálatas 3:22

Sinia' jlamtis ijwi'il ti iyo'ate wikie'eyi napo i'nio' ti siunie inke' jikipijnas, 'yina jlam je iyo. Jak je iyoyi siunapo ti je 'yakakiu pi Sijwajieti Jesús, napoka ti Sinia' janwejna'm siunie ti pajk'i ti ijwi'il.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Efesios 4:22

'Esiji ka leyets'i siu'niwa askeyis ti paj, lana'yi siunie astankiujnieye 'yusie ti ji'niayi je itio'yi, jla'yi ti niwak inkajyina siuniwa wask'i'nelaja ti inteliajayi ka woyeyi ti je isis.

Colosenses 1:21

Siukiwa jlomas ti pajk'i 'wena'aseme, 'yina yijits'i niwa asosikis ti jitieye'yi ilia'm pi Sinia', kajeyepa ti jit'iuye'yi siunie ti ijiate ti je 'esi.

1 Tesalonicenses 4:13

I'lijwas, jlampet siukiapo pajk'i ti 'yajle'n, awoktajank'iye ka 'najanayi pet paka wonayi, 'nakayi ti astankiujnieyi ja ke inlanayi, ka woye 'ate siunapo ijia lajk'iyi paka iwo ka nejejwijyink'iye pet.

1 Tesalonicenses 5:6

Tempi it'imina ti je 'es ka imiakk'iji'n ka iyok'iate napo ijia i'nio'. 'Esiji ka 'yukk'iji'n, ja ke kaskiwali. 'Esiji ka iyoki ni siunie si'niayi ni tijnajyi.

1 Timoteo 6:9

Jlampet siunapo i'nio' ijialas ka inkasaja je kia'iyo. Je to'm ilia'm naka inkajejlasaye siunie iyo ape'e 'ni ajnat, jak je iyoyiji yiyi ts'iji ijiatayiji ti inikajyi'n.

Tito 3:3

Ti pajk'i kassoski'lajne'n, je awoki kats'iukie niwa Sinia' jlamtis, akamak'iji'n. 'Yina ti 'loj siuniwa kasteliaja, sakeyis ti ijwienjli je k'iejliyik'i, niwaka'ne ti iyo jikipijnasats'e'm 'yina ti awak kiajwe. Wuj ti je 'es ki awoki; awoki ni solsijnieye; kasse'waja napo si'lijwas, kia'iyojliyisi pet ti ne'wats'e'm.

1 Pedro 1:14

Siuti asa'am ti Sinia' jilists'ase'm, ti jik'iuyeyi siunie iyo ka woyi, je 'es ka apilieyiji niwak siuniwa inteliajayijpe ti jijwela kanses, ti je intant'iejayi ni Saka'niona Jesús.

2 Pedro 2:14

Siuti jitiej ijyiwitk'i japa asejnia, je 'es wat ka inkiwalisi'i ti imiewojne'n. Je 'yome ti iyoyi ni je 'es. Ik'emijiet siunapo ti k'iejli ijiatak'i siunie ti jitienkiujnieye po', itiojna'm siunie iyo ni jike' ti wuj ti je 'es. 'Yina ti ikayanayisi ti iyoyisi siunie iyo pi jikijmaye ti i'nio' itiliaja puwa jikijmatis pi jikiecha. ¡'Wanjliyi je tijwajyi ni siunie ja jiliayeja'!

2 Pedro 2:18

Wuj ti initoniti'n jlam jiwek ti je pini' puwa jlamtis, 'yina ti lajk'ipa ka 'esie ka intajle. Wuj ti iliaki napo ijia ti ik'emijietk'i, ti itiojna'm ni siunie je 'es, iyo pit ni jikijmaye ni ts'isie'n siunapo ti k'iejli iyota jlosikis ink'iejyisa', ti i'yiltantak'iye siuniwa iyo pit ni jikijmaye.

1 Jn 2:16

Lajk'ipa ka neyi niwa wask'i'nelaja siuniwa taj'le ni ajnat ka nakaye pi Sinia' ka intajle, 'wenajliyi ti taj'le ni ajnat. 'Yina niwaka'ne siuniwa itiliaja ni i'nio', siu'neje ti itiliaja niwak jitiete i'wi'in, siu'neje ti initoniti siuniwa jikijmatis ti i'wi'in.

1 Jn 2:8

'Yina 'wanjliyi'ne ka kia'iwo ti ajwe'el pajk'i, siuniwa yamtis ti atate'ase siunie Sinia' iyo ka tiwoki ink'ie', jak je iyoyiji siuti asa'am jla'yi pa Sijwajieti Jesús jikajanitie ti ijiatk'i. A'wena siunie ajnatiok ti janojwi, yamjliyi'iji pet siunie 'esi' ti its'iuye 'wet'e ti 'yakajanit'i ape'e 'ni ajnat.