Efesios 2:2 - Sinia' Jlamtis 1994

² kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Efesios 2:2 Iomraidhean Croise

Mateo 11:19

'Yina 'nes 'neje pet ni I'nio' Jlas, ti jla'am ti ti'yekiu'n jla'yi ti i'ya jla'm i'niati, iyoyeyits'iji 'ate ti ijwilis, ¡Jlak je iliatk'i jla'yi ti at'es jiwo; iyo t'ajajnajwasa' napo i'nio' inkeyis jiliajnis, siu'neje napo isi'm ilia'm niwa inkat'ijnieyejes! “Jlam'ne pet ti ti'wena ni jikijmaye ni i'nio' ti 'es, je istie ti naka ni Sinia' jika'najankijnaye ti yiyi ni i'nio'.”

Mateo 13:22

Siuniwa inseliaki ti ijniuj'li ni ajnat ti k'itienis yi'i, napoka pet siunapo ti its'iuye niwa jlamtis, 'yina ti iyoyi jijliak'ali niwak wask'i'nelaja yi' ape'e 'ni ajnat, jlamayis jla'am ti inikajyinis, ti iyoyisink'iye kan'wenis jana wikiniet'aj. Niwaka'ne ti ip'io'n ape'e niwa Sinia' jlamtis, niwaka'ne ti it'imina ti je ya'am ka neyi ts'ijiye, ka poye puwa jla' niwa Sinia' jlamtis.

Mateo 13:38

siunie inwasok naka pet 'ni ajnat. Jlampet siupuwa inseliaki ti isis, napoka pet siunapo yiji pet ni jika anechijiayas pa Sinia'. Jlampet siuniwa cizaña napoka pet siunapo jilis ni imosik.

Marcos 4:19

jitiejli'yi niwa wask'i'nelaja i'wi'in ape'e 'ni ajnat, 'yina niwaka'ne niwa 'yakajmank'iji'n, ijliak'alisijijyink'iye jana wikiniet'aj ti iyo kan'wenis, siu'neje niwa ijia wask'i'nelaja. 'Yina niwaka'ne ti ijiojwa'm, sekyi'i ti ip'io'n ape'e siuniwa Sinia' jlamtis ti isis, jla'yi ti niwaka ti je iyo jlaye.

Lucas 16:8

“Sekyi'i iyo'ne 'ate pa anechiyas, ti i'wi'in pa jikawo ti 'yijen jlosiki, “Siunie i'nio' ti ijiuski'la'n 'yijen ji'niayiji siunie jawo ka 'esieyi papo ijia jla'yi ti jla'am”.” Jesús kiak iyo'ni: —'Wanjliyi ijiate, napo i'nio' ti ajnat jlele pet 'yijejne'n, jak je iyoyiji ti i'ye'en siunie iyo ni jikijmatis 'ne ajnat'e 'yaka'm ape'e pet siunapo yiji jana 'esi.

Lucas 22:31

Saka'niona kiak t'ipa iyoye'ijyi 'ate: —Simón, Simón, 'yejne'n, sitiejiejwa imosik itime ti ti'yasa'nase ti iyo ka inwonayi 'ate ni k'iejliyi ti tolkiotaja.

Juan 12:31

'Nak ja ti'yena 'ni ajnat. Siunie i'nio' tijniejieta'a, ti i'yena ni ajnat, ja totie kisie'e.

Juan 13:2

Jlampa itimayi pi imosik ja Judas Iscariote ti iwijna'm pi jlosik je 'es, ti iyo ka inla'an ja Jesús. Jesús 'yijene ti tal Siniayi, siu'neje ti janapili pi Sinia', siu'neje ti Jinia' pajk'i ti jijweye yikiajle. Jlajmiliet, siuti ti'yekiujni'n, Jesús iliejni'ni ja ji'wu' tomi pijia'm, isimayi siojo intokio' tilijiki'i'ni, ti its'ijwane jlajap.

Juan 13:27

Siukia ti Judas isima ilia'm ja woye ti tiwenaja'm, jakayi ti imosik ijioyeja'm pi jikiowe. Sekyi'i Jesús iyone'ne 'ate: —Jlam woni'ni 'ate, siupi jawoyi.

Juan 14:30

“Laj i'witayi ka 'yakamtijnie'nase, 'yina je toj ilia'm siunie isie'e pet 'ni ajnat. 'Yina je akiajwe ti jla'am,

Juan 15:19

Siut'itie ka atajlayi ni ajnat jla'm ijiataja ka i'nama'ase pet siunapo i'nio' yi' ape'e 'ni ajnat, ka kiak inwonata'ase pit iyone siunapo ti iyojonk'iye. 'Yina ya'am ti akima'yase'm ti atajle kiowe'e siunapo yiji ni ajnat, jak je iyoyiji'ni ka je ine'wa'ase'm siunapo yiji ni ajnat, lapakawo ti 'wena'ase'm.

Juan 16:11

Jlam pet siunie ti Sinia' jan'ye'en napo i'nio' siupi jitis iyo, naka pet ti siunie i'nio' ti isie'e 'ni ajnat, ja 'nakaj ti pajk'i ti tisiejek'i.

Juan 7:7

Siunapo tajle ni ajnat je ne'wa'ase'm, kajeyepa ti lajk'ipa ka intajlat'ase'm, yo'otie ti ya'am akajanit'i ape'e siunie je 'es iyoyisi, it'imina ti ne'wajask'i'm.

Juan 8:23

Jesús iyo'ne 'ate: —Asa'am as'wet 'ni ajnat. Jlam pet ti ya'am i'wit pet siunie 'niji pijia'm.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

Hechos 19:35

Iyo'ne 'ate siupa isi'i jip'esinik jiwo siupa tijnajia'm, ti jiwekie'aja ti 'yakal papo i'nio ti its'iuyek'i 'ate: —I'lijwas, ti asa'am Éfeso jlele'yase'm, 'yejne'n, wikie'eyi napo i'nio' yi' ape'e 'ni ajnat 'yijene pi iyone ti sam ti a'yenaja siujlie'e dioski Artemisa t'ajla'wet, siu'neje jana sisaj jipel yi'i ti tal poliyi ti na'm isia'm.

Hechos 5:3

Pedro iyone'ne 'ate: —Ananías, ¿yot'iyi'ni ti jinine'nate k'iye ni sitiejiejwa imosik ti ijiojwa'm ni ajosik? Jijweki'n jana wikiniet'aj, jiwo sintiyeja'm jana Sinia' jikimet ti 'es, ti jijwel ka apejlati'n jana wikiniet'aj aka ajnat laja, siojona jlekialts'e.

Romanos 12:2

Ke inteliaja siuniwa wask'i'nelaja a'wena siu'nie jloma, 'wanjliyi ka wo'ate pa, “jla'm ijiate siu'nie ti 'es.” 'Yina wo ink'ieye ni astankiujnieye 'nakayi ti ja'wena' jawo siunie jiwoyeyi, sek jane'yi ka intant'iejayijijna'a siunie Sinia' iyo kawo. Ka iyot'iate, ka intant'iejayiji siunie 'es Sinia' itiliaja, jla'yi ti tijnajyi.

1 Corintios 5:10

Siuti kia'awoyi, je'ne ka ijwi'il siunapo ti lajk'iyi paka iwoyi, ti je its'iuyi yi' ape'e 'ni ajnat, ti iyoyi naka ti wuj ti je 'es, ti 'yuyijk'i'ni napo ijiajwa'yis, siunapo ijialas kan'we'en niwa wask'i'nelaja, siunapo kajlajnatas, siu'neje napo jitiej iyoma siuniwa iyo jika diosisa'. Siut'itie ka kiak awoyeyi, siunie awoyi nak ajwel'ni, ijiattaja wek jla'am ka atajla'yi siu'nie ajnat.

1 Corintios 6:11

Ti pajk'i, siuniwa ajwel'ni je awo'ate je woyeyipi, siuti asa'am po' siunapo yit'ijyipi. 'Yina 'nakayi insisie kajeyepa ti Sinia' pajk'i ti inlejajyi'n, jla'yi ti initiajnat ask'ioye ki astes iyo, ka lajak'i pet ni jle' iyo ni Saka'niona Jesús ti Sijwajieti, siu'neje japa Sinia' jikimet.

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

Gálatas 1:4

Sijwajieti Jesús jlam ti iniwe'en ti ijioyi jana 'najlati sakeyis it'imina, kajeyepa ti iyo ka kas'maniti ki iyo ni ajnat ti wuj ti je 'es. Lapakawo ti jitienkiujnieye jla'am pi Sinia' ka kiak inwonts'e.

Efesios 1:21

Yikiajlayi ka jlama ka inkie' ape'e niwaka jijweye iyot'iyi siupapo yi' poliyi. Siunie ji'wet pet ni i'nio' ti anechiyas wikie'eyi ti tekiajlaja. Je nakata ka jijweye poye ape'e siu'nie ajnat siuniwa jlomas, kia'iyo jijweye po' ape'e siunie ajnat ink'ieye ti jana'am.

Efesios 2:11

Tankiuniek'i, siuti pajk'i, asa'am ti je Judíojosts'ase'm, ti lajk'i pa kawo'ate ti jlamis napo Judíojos ti yiyi naka ti t'isie'n jijwa'l tejwak'i. Siunapo i'nio' iniwunitisi ti itimisi naka, ti t'isie'n jiwa tejwak'i, iyo'nase 'ate ti injwela, “Siunapo i'nio' je iyo'ate awoki, ti sam ti kaswakal.”

Efesios 2:13

Ijiate ti je ijnanjliyejiape'n ni Sinia'. 'Nakayi je pa kiak iyoyeyi, kajeyepa ti insisieyi pa Sijwajieti ti jlam ti tisa'ni pi ji'woyis ask'ioye. Initojmat astepe'e ti 'ya'al ti yi' ape'e japa cruz, it'iminayi ti je intojwajiape'n ni Sinia'.

Efesios 2:3

Siuti sa'am, sam pet ti Judíojosts'e'm, kiak awoki yits'epi pet kiwaka, akinieje siunie kasteliaja kayoki, awoki siunie 'yijients'e'm ni ts'isie'n kayoki, siu'neje ni iyo ni sikiowe. 'Yina ti jla'am kiak awoki ta'a ti je kasts'isis, jak je iyoyiji ti je kasjla'an pet siunie Sinia' jiwak ti yints'e'm, awok'iate papo ijia i'nio' ni yits'e.

Efesios 4:17

Siu'nie jayo'nase, ti jajliu'wase'm, ya'am ti Saka'niona ji'lij iliyi ijiap, wuj ti 'ejie'nase'm ka je akiniejets'i siunie jike' iyoyi napoka ti je tajliyi ni siunie je 'es. Ti ijiate ti iyoyis jlajaye ni jitienkiujnieye, jlam'ne je iniuyeje paka ne'yi pa, kajeyepa ti je 'es,

Efesios 4:22

'Esiji ka leyets'i siu'niwa askeyis ti paj, lana'yi siunie astankiujnieye 'yusie ti ji'niayi je itio'yi, jla'yi ti niwak inkajyina siuniwa wask'i'nelaja ti inteliajayi ka woyeyi ti je isis.

Efesios 5:6

Ká ak'iuye siunapo ti iyotaja ka ink'emijieta siunapo jlamtis inkasi, tejnisieyi ti je ijiatk'i siunie ijwil ka woyi. Niwaka siuniwa ajwel'ni, niwak itione ni Sinia' jiwak siunapo i'nio' ti je its'iuye niwa Sinia' jlamtis.

Efesios 5:8

Ti pajk'i ajnatiok jlele'ase'm, 'nakayi ti jleyejiap ni Saka'niona, kates jla'al jlele'ase'm. It'imina ti kiak awo'nase, 'esiji ka anilesanayiji ti asam napoka ti kates jla'al jlele'ase'm; woyeyi siunie jikijmaye iyo pit napoka ti yiji jana kates jla'al.

Efesios 6:12

Kajeyepa ti, siuti anilanajata, je wats'o paka itieye ilia'm, ni'ne ka jleli poye. 'Yina siuniwa awoki sakojwasa' niwaka siuniwa pini', ti kiak iyo jijweye po', ti yiji ni jloma ti je 'yaka ka ti'wena. Ti jijweye po', jla'yi ti iyo anechiyasa'a pet ni ajnat, jikijmaye siuniwa ti je isis ti yiji ni ajnatiok.

Colosenses 1:21

Siukiwa jlomas ti pajk'i 'wena'aseme, 'yina yijits'i niwa asosikis ti jitieye'yi ilia'm pi Sinia', kajeyepa ti jit'iuye'yi siunie ti ijiate ti je 'esi.

2 Timoteo 4:10

Demas lapakawo ti yimi'n siu'niwa wask'i'nelaja yi'i 'ni ajnat, it'imina ti ilik'i, 'nakayi teje 'niji Tesalónicaja. Jlampet ja Crescente ijio 'niji Galáciaja, 'yina Tito teje Dalmáciaja.

Santiago 1:27

Siunie ijiat ti 'es ka woyi napo Sinia' jilis, 'najleje'n ni 'es ti iyoyi, lajk'ipa ka jit'iojliye jitieyi'i pa Sinia', niwaka: 'esiji ka noyeyeje napo kimpejnas, siu'neje napo ask'ilieki, ti jijliak'ali po' ape'e 'ni ajnat, jla'yi ka inilesaniji k'iye niwa wask'i'nelaja yi'i 'ni ajnat.

Santiago 1:7

Siunie ti kiak iyo, ja ke intejnisie ka Sinia' inwejna'm siunie t'ajle,

Santiago 4:4

¡Ijiate wat ti asa'am ti je insisiek'iye ni Sinia'! ¿Jet'i 'najanayi ti siunie itiliaja niwak wask'i'nelaja yi'i 'ni ajnat teje'yi ilia'm ni Sinia'? Siuti po' ni iyo ka t'ajajnajwaye 'ni ajnat nak iyo pet ka inta'yi ilia'm pi Sinia'.

1 Pedro 1:14

Siuti asa'am ti Sinia' jilists'ase'm, ti jik'iuyeyi siunie iyo ka woyi, je 'es ka apilieyiji niwak siuniwa inteliajayijpe ti jijwela kanses, ti je intant'iejayi ni Saka'niona Jesús.

1 Pedro 4:3

'Etsaka ki siukia jiniwonayi iyo ni jike' siunapo i'nio' ti je itiant'ieje pa Sinia'. Jinisayeyi siunie aske', siuniwa ti inteliajayi jlam'ne je isis; jiwoye at'es jiwosa', jilisanayi jana aslakijnieye ti jikanitiejyi; jlam jloyejliyi siuniwa jiwunitie ti jiwoyeyi aska diosisa' ti niwaka ti ijiate ti je isis.

2 Pedro 2:14

Siuti jitiej ijyiwitk'i japa asejnia, je 'es wat ka inkiwalisi'i ti imiewojne'n. Je 'yome ti iyoyi ni je 'es. Ik'emijiet siunapo ti k'iejli ijiatak'i siunie ti jitienkiujnieye po', itiojna'm siunie iyo ni jike' ti wuj ti je 'es. 'Yina ti ikayanayisi ti iyoyisi siunie iyo pi jikijmaye ti i'nio' itiliaja puwa jikijmatis pi jikiecha. ¡'Wanjliyi je tijwajyi ni siunie ja jiliayeja'!

1 Jn 3:10

Je istie' pet siunapo Sinia' jilis, kia'iyojliyi siunapo jilis pet ni imosik. Siuti po'o ni i'nio' je iyo nak 'es, ni'ne ka nakaye siunie je 'namaja ni jikiecha, je tajle pi Sinia'.

1 Jn 3:8

Jlampet ni i'nio' ni iyo ni jike', kia'iyojliyi je int'ayiji'n ti naka tajle pet ni imosik. 'Najanayi, siunie imosik tajlap'e ta'a ti 'nelanjie'e ti iyo ni jike'. Naka ti it'imina ti 'nes ajnat'e siunie Sinia' jlas, ti initiajnate'n siunie jikijmaye iyo ni imosik.

1 Jn 4:4

Ilis, asa'am ti Sinia' jilists'ase'm. Je inkajla wekie'e ka intojmatayi'ni isia'm napoka i'nio' ti je ijiate pa kanjwelis. Tepa janwo ka kiak je iwo ti je jlase' ni jijweye siunie yi'asap, 'yaka'm ape'e siunapo yi' ajnat'e.

1 Jn 5:19

Kia'iyojliyiji 'niji kasts'ajane pi awonaja ti atajlaja pi Sinia'. Jlam pet siunie ajnat yi kiajwe ni jijweye ni imosik.

1 Jn 5:4

siunie i'nio' ti Sinia' jlas to'm ilia'm siunie je 'es ape'e 'ni ajnat. Lapakawo ti ka lajak'i siunie iyo ti je akakiuk pi Sinia', it'imina ti je kaskajli ki iyo ni ajnat.

Apocalipsis 12:9

Sekyi'i ti totieja kisie'e ni ajliutietiok, siojo ti 'nelanjie'e iyot'ipi injlatiokie'; Imosik, jle' 'neje ni iyo'ate Sitiejiejwa, siunie ti ik'emijiet wikie'eyi napo i'nio' yi' ape'e 'ni ajnat. Tijwanaja'a papo jikawos injlojwajnas poli jlelejimpe ti 'nelanjie'e, ti titietajak'i isia'm ajnat'e.

Apocalipsis 13:14

Jak je iyoyiji siuti iyoyi siunie i'winki'n, ti tiwenaja'm ka kiak iwoyi jitieyi'i siojo pinitiok ja inia'an, wuj ti ikajmank'iji'n napo i'nio' yi' ape'e 'ni ajnat. Sekyi'i ti ijliuyeyi napo i'nio ka ilesanisi pa jipela' siojo pinitiok ja inia'an ka jakaye ka jitiej iwoma 'yina ka iwunitis, siojo sijnat jitiok tikienat'iyipe ti tijwajakia'm 'yina ti 'napejli wek ki ji'wet.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.

Apocalipsis 16:17

Sekyi'i ti yiye pit siojo injlojwanik poli jlele tome jlaja ti jlampa ijwienjli sikio' itijwa'a times 'neje niwa tom'niji, isiaye pet isia'm siojo yiji jlajak inat jiwe, 'yina ts'e yi'i siujlieja Sinia' ji'wuk yi' poliyi siupa ina'lap ti pesieje tajla'm siujlieja in'wet siujlieja anechiyas ji'wet, ti iyo'ate ti pesieje: —¡Wakal!

Apocalipsis 20:2

Sekyi'i injlojwanik poli jlele isime ti ilie'nit'ne jaka siojo ajliutietiok, naka'neje 'ni injlatiok ti 'nelanjie'e t'ipi, naka Imosik siu'neje ti Sitiejiejwa. Ilie'niti siojo itiun'ni wikijnies, sekyi'i ti 'yumajak'i isia'm siujlieja kiawe ti je ti'wena k'ioyi, sekyi'i ip'ionayi ti 'yite ape'e ti 'yilina ape'e siojo je ik'asinit'i ape'e, kajeyepa ti ja ke inets'e paka inkajli ka i'najlinit'i ape'e jajnok'i'ni paj ka mílana'a niwa najkapis ni siuniwa tenaje. Jak je iyoyiji jankama'ne napo i'nio' yi' ape'e 'ni ajnat, ti ja lajak'i'ne paka ink'emijietk'i paj ka ineyek'ina'a siuniwa tenaje. Janek 'niji niwaka ka jiwekie'ajana'a ka tiwejnana kiu wat kisie'e, 'yina ja ke paja kisie'e.