Efesios 2:12 - Sinia' Jlamtis 1994

¹² Kiwak jlomas ti Sijwajieti je yi'asap, 'wena'asem'ne ki iyo napo Sinia' jika kia'lis pet. Napo Israel jlele intojwajiape'n, jak je iyo siunie iyot'iyipi pa Sinia' ti iyone papo jika kia'lis je asa'am ka ijna'yase'm. Je intant'iejayi siunie ti ijiate ti Sinia', jak je iyoyiji ka poye paka woyeyi ka asnejejwiyeyi poye, ti jleye'yi siu'nie ajnat.

Efesios 2:12 Iomraidhean Croise

Lucas 1:72

Ip'ilisi'n siupapo sitise'l t'ipi. Je kia'iyo ka inkiwali'yi'i puwa jlamtis ti isis, siupuwa iyot'iyipi.

Juan 10:16

'Yina kia'iyo po'neje siuniwa iliajwas ji'wuk 'wenayi, ti je ijiat ka je iniame. Je ijiat ka je ink'iuyisk'i'm siunie jayone, sekjane'yi ka ji'wet ijwienkitana'a, injwanjliyena'a siunie jiwo ti jan'yena.

Juan 15:5

“Ya'am siojona ts'ejniek jit'io, asa'am ti jik'ase'lase'm. I'nio' ni je paj kanleyi ti ini'nopijietk'i, siupet ti ya'am kia'iyojliyi ani'nopijiet'ase, nak poye niwa tajla'm siuniwa isis ti iyo, niwak siuniwa jla'. 'Yina siuti siliejk'i je ji'yakana' paka woyeyi.

Juan 4:22

Ti asa'am Samaria jlele'ase'm je 'najanayi siunie jiwunitie, sa'am kasts'ajane kajeyepa ti siojona injwajieti tajle napo Judíojos.

Hechos 2:39

Asa'am ti askimeta siuniwa ijwi'il ni Sinia', asles kia'iyojliyi jikimet, siu'neje napo i'nio' ji'wetis tose, kayot'itie 'ate siunapo Saka'niona Sinia' iyo ka intane.

Hechos 28:20

It'imina ti 'aj'lase, ti awojonk'iye pet ka ini'wena jla'yi ka 'yakamtijniena. Siuti Israel jika kia'lists'e'm, ti po' siunie anejejwikink'iye, 'naka'ne ti it'imink'i siuniwa iyo ti sits'ijwana

Hechos 3:25

Siuniwa Sinia' ijwi'il insisieyi, siu'neje niwa Sinia' iyont'iyijipi papo sitise'l ti ji'lij iwijna'm. Pakayi ti iyone 'ate pa Abraham, “Ja ke jlasiye ni jayone napo i'nio' yi' ape'e 'ni ajnat ti jap'ilisijne'n, lapakawo ti napokaye napo ales ti jant'emina.”

Romanos 9:8

'Yina ¿ten jiat'eje siupapo ti ijiate ti Sinia' jilis? Awo'ate, je wikie'eyi ka Abraham jilisa', 'yina papokata jla'am siupapo ti Sinia' ijwijla'm ti iyo'ate, “Japoye ni siunapo ti ja ijiatayiji ti alesa'.”

Gálatas 4:8

Ti pajk'i asa'am je intant'iejayi pi Sinia', puwakata t'ipi jla'am siupuwa jijwela ka diosisa', 'yina je ijiat ka diosisa', ti iyo jikipijnasa'ase'm.

Efesios 2:19

'Nakayi je pa jiwoye 'ate napok siunapo i'nio' ti ijiateje ti 'wenayi, ka je as'weta paka aye'yi. As'wet ijwienjliyi siunapo Sinia' jilis 'yina je jika'ajwejlasana, Sinia' jilists'ase'm.

Efesios 4:18

itiusina ape'e ni jlosik iyo. 'Yina siojona ji'wasankiye ti Sinia' iwijna'm napo jilis je tijna'yi, kajeyepa ti je itiant'iejesi pa Sinia' jla'yi ti t'o'n ni jlosik.

Colosenses 1:21

Siukiwa jlomas ti pajk'i 'wena'aseme, 'yina yijits'i niwa asosikis ti jitieye'yi ilia'm pi Sinia', kajeyepa ti jit'iuye'yi siunie ti ijiate ti je 'esi.

Colosenses 1:27

Lapakawo ti Sinia' iyotajank'iye ka 'najanisi siunie ti jla'am ti jitienkiujnieye siunie ti ijwikia'm, naka ni siunie ti ijiate ti 'es, 'nakayi siunapo i'nio' ti je Judíojos ja 'esieyi. 'Yina siunie ti ijwik ti yin kisie'e 'nakayi, naka ni siunie jayo'ate, Sijwajieti yi' aska kiowe'e, 'yina siunie Sinia' jiwunitieye ti 'es ti anejejwiyejenk'iye jane'ne asap.

Colosenses 1:5

Siunie astankiujnieye siu'neje ni asemijnaye tajle naka ni asnejejwiye ti jik'iuyeyeyijpe, niwaka Sinia' jlamtis ti je tak'emisie'n naka ni jika'niye ti 'es. Sek taj'leyi ti asnejejwiye po' ilia'm naka siunie pajk'i ti Sinia' itiejiete'n ask'ioye ts'iji poliyi.

1 Tesalonicenses 4:13

I'lijwas, jlampet siukiapo pajk'i ti 'yajle'n, awoktajank'iye ka 'najanayi pet paka wonayi, 'nakayi ti astankiujnieyi ja ke inlanayi, ka woye 'ate siunapo ijia lajk'iyi paka iwo ka nejejwijyink'iye pet.

1 Tesalonicenses 4:5

Je 'es ka woyeyi ni siunie ti asa'am ti inteliajayi ka woyeyi, ti je injweyeyijits'i'ni ka woyeyi ni siunie je 'es, iyo napo i'nio' ti ijiateje ti 'wanjli witame ti je itiant'iejesi pi Sinia'.

2 Tesalonicenses 2:16

'Nakayi je paj ka iliki pet ti 'ajlana ti ajwela pi Saka'niona Jesús ti Sijwajieti, jla'yi pi Sinia' ti jlam ti wuj ti kassemijne'n, jla'yi ti kasp'elisi'n, ti jlam ti tajle ni sijweye ti jijweye jla'am ti laj jlaja, siu'neje ni anejejwiyejenk'iye ti wuj ti 'es,

1 Timoteo 1:1

Ampey isiecha Timoteo, ya'am Pablok'i'm, yam ti ajlo'wase 'ni ip'isinik. Ti Sijwajieti jijliujwanikk'i'm, ka iyot'e 'ate siunie Sinia' ti Sijwajieti jikawo siunie jlame ti je toj'we ti jla'am ti kiak siwoneje siu'neje pa Saka'niona Jesús ti jlam ti sinijijwiye. A'am ti jiwoye 'ate ka yasa'a'm ti tajle ki iyo ni sitienkiujnieye ti 'es ti wuj ti emina. 'Esiji ka Sinia' jla'yi pa Sijwajieti Jesús ti Saka'niona, 'esiji ka inwe'na'm ni siunie 'es, siu'neje ka imp'elisimpe, jla'yi ka inlesa'n.

Hebreos 11:34

'yina 'yojmat'ik'i siupuwa jwatis ti pansists'ik'i, siu'neje ti je tijliena'ni ti tiwoktaja ka tilianaja'n ti sijnatis jitio' jota ka tikienaja. 'Yina siuti je iyo pet 'ate siunapo jwajla iyots'i'ni, nak tajleje'ne pet ti jijweye poyeyis pet it'imina ti yokios'ni siunapo jitiejiejwas jika tokis 'lo'weje'n.

Hebreos 6:18

'Yina times siuniwa Sinia' iyoyi. Inia'an siunie ti ji'lij iliyisajap ti po' siojona ijwilts'e'm, sekyi'i ti tomayik'i ti jlam jla'am ti yapi'li ti kiak iniwone ti isijmajne'n ni jle', ti ijwi'il siupa jawoyi. Jak je iyoyi siuti a'wena ti ijiatk'i niwaka siu'neje na ti Sinia' je jlamtisjliyik'i jiwekie'e siunie iyo ka woyi naka'ne ni siunie ti wuj ti iniuyits'e'm, sa'am ti a'yiltanaja'ni, siu'neje ti sitiej awoma, ti ja ijiatayi ti janents'e'm siunie iyo ka inijijwiyejen k'iye.

Hebreos 8:6

'Yina, 'nakayi ni siunie saka pa'yijis jika anechiyas wuj, ajwel ni Jesús, siunie jikijmaye Sinia' iwijna'm jla'm ijiate ti 'esi, laja po'. Kajeyepa ti ji'wet ijwienkiteje napo i'nio' ni Sinia', siu'neje ti iniwojwa'n jiwoye pet siunie Sinia' ji'lij ti iliyi ti ijiatk'i siunie jawoyi ti iwiets'ilati siunie iyo ti pajk'i. 'Yina siunie iyo kiwa jlamtis wuj ti laja po', kajeyepa ti iyo ka kasts'isisi pet siuniwa ijwilts'e'm.

1 Pedro 1:21

'Yina ka lajak'i pa Sijwajieti, ti Sinia' iniujwa'n kisie'e ti tajli pi a'no' siu'neje ti iyunit, sekyi'i jiwekie'eja ti je jikakiuye pa Sinia'. Jak je iyoyiji'ni ka je atankiunieyi pa Sinia' siu'neje ti asnejejwiye poye siuti kia'iyo.

1 Pedro 1:3

¡Jayunitie pa Jinia' pa Saka'niona Jesús ti Sijwajieti! Jla'am ti kasts'isisi ni jikap'ijliuskiye ti je jlase', 'yina ti iniujwata kisie'e pi Sijwajieti Jesús ti tajli pi a'no', sekyi'i ti ekiajlajayi'iji siunie awoki iyo ti 'nelanjie'e ti atajlaja'm jana set. It'imina'ne ti po' siunie sinijijwiye ti laj jlaja,

1 Pedro 3:15

ja'wenajliyi ti ja ekiajlayi niwa asosikis pi Sijwajieti, jonitie ti jla'am. Niwakajlanitie ta'a ilia'm siunapo jan'yasajyi'n ki iyo ti po' ni asnejejwijiye.

1 Jn 3:3

I'nio' ni je iliyi ti its'iujwink'iye siupi iyo pi Sijwajieti Jesús inilesanayiji pet k'iye niwa wask'i'nelaja'n je isis, iyoye'ate ti jla'am pi Sijwajieti Jesús ti 'es.