Efesios 2:10 - Sinia' Jlamtis 1994

¹⁰ Sinia' jlam ti jilisajnats'e'm; 'yotats'e ka iyoki siuniwa sikijmayejes ti isis ka lajak'i ki iyo ti ani'nopijietayi wita'm pi Sijwajieti Jesús. 'Yina je ijlie'n pet siupi iyot'iyipi ti 'nelanjie'e, iyo ka kiak iyoki siu'niwa jlomas.

Efesios 2:10 Iomraidhean Croise

Mateo 5:16

'Yina ti asa'am 'esiji ka kiak aniwonayiji, siojona aska kates 'atanajia'm jitieyi'i napo i'nio', 'nakayeyijna'a ti jan'wena ti jiwoyeyi ni 'es. Sekjane'yi ka inwunitieyisna'a ni Asna' ti yi' poliyi.

Juan 3:21

Jlam pet siunie iyo ni ijiatk'i, nak lajk'ipa ka woyi ka je injweyi jana kates ti ijioyi, 'yina 'yakaja pet siunie iyo ti its'iuye ni Sinia', ni iyone.

Hechos 9:31

Jak je iyoyiji'ni 'yakamaja siojopo Sinia' jilis yijits'i wikie'eyi siojowa ajnatis t'ipi Judea, Galilea, Samaria. Jlam yamjlijyi'n puwa Sinia' jlamtis, wuj ti toskiyisie pa Sinia', Sinia' jikimet ti 'es iniuyeje, it'imina'ne ti 'loj papo i'nio' t'opiyiji, ti iniwome.

Hechos 9:36

Pope jlaja asejnia ti Sinia' jlase' yi'i jlaja isi' Jope, jle' iyo'ate Tabita, (Griego ji'lij pet iyo'ate Dorcas). Wuj ti 'es siupa iyo ti iniuyeje papo p'ijliusis.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

Romanos 8:29

Sa'am ti Sinia' pajk'i ti kast'ajats'i, pajk'i ta'a ti iwiakajlanit ti 'nelanjie'e siunie jawoyi, ti iyo kawonts'e 'ate iyo ni jlas, sek jane'yi ni siunie jlas janakaye ti jankijli ti janejyi papo ji'niayi ijwienjliyik'i.

1 Corintios 3:9

Siuti ya'am siu'neje napo iniuyijk'im'ni, sikijmaye je 'wena ti anokieje ni Sinia'. Jlampet ti asa'am, asa'am siunie Sinia' jlak ji'wet siunie isi'meje'n, siu'neje ti asa'am siojona 'wuk ti je iliyi ti ilisane.

2 Corintios 5:17

Jak je iyoyi ti po' siunie ti inijwankitik'i pi Sijwajieti, ika pet ti ink'ie', siunie jilisanik ti ink'ie'. 'Yina siuniwa wask'i'nelaja paj yam'niji. Poye pet siuniwa wask'i'nelaja ink'iejyis 'nakayi.

2 Corintios 5:5

Siunie i'nio' ti kaslesank'i, naka ni Sinia', naka 'neje ni siunie iwints'e'm siojona jikimet ti 'es jla'am, ti iniajnatts'e ta'a. Janak 'yakajanit siunie janwents'e'm ts'ijiye, siojona jloma ka inetiejenie'e.

2 Corintios 9:8

'Yina Sinia' 'yijene pi iyone kanwe'nase'm siuniwa isis wask'i'nelaja ti imp'elisinajyi'n, siuniwa ijwienjli je k'iejliyik'i siu'neje ka inkamata astepe'e, sek jane'yi ja ke ine'ets'ilia'm ti ja'wena' siuniwa jisitiana. Sek jane'yi japoyena'a pet puwa ka 'esieyi ni siunie askijmaye ti 'es.

Gálatas 6:15

Ijiate ti laj lajayeyi siut'itie ka kiak iwo pa i'nioye ka kiak tiwonaja ka t'isie'n jiwa tejwak'i, ni'ne ka je ineyi naka. 'Yina jla'm ijiate jla'am siunie ka inwo ink'ieye ni i'nio', nak ijiate ti laja po'.

Efesios 1:1

Asampey, i'lijwas, ya'am Pablok'i'm, Sijwajieti jijliujwanikk'i'm, siunie ti ijiate ti Sinia' jikawo. Ip'isinik atate'ase, ti asam ti Sinia' jilists'ase'm pet, ti jleyejyi jana Éfeso, asam ti je paj ka aleyeyi ti jiwoyeyi ni 'es, ti jikinieyi ki iyo pi Sijwajieti Jesús.

Efesios 1:4

'Yina ti pajk'i ta'a ti kastajets'i, ti 'nelanjie'e, ti je wakaljli'ijyi 'ni ajnat. Lapakawo ti pak kasts'isisi pi Sijwajieti ti ani'nopijietaja, it'imina ti kasts'isis jitieyi'i, laj sitisayi ilia'm ti jla'am. Kajeyepa ti wuj ti kassemi'n,

Efesios 2:13

Ijiate ti je ijnanjliyejiape'n ni Sinia'. 'Nakayi je pa kiak iyoyeyi, kajeyepa ti insisieyi pa Sijwajieti ti jlam ti tisa'ni pi ji'woyis ask'ioye. Initojmat astepe'e ti 'ya'al ti yi' ape'e japa cruz, it'iminayi ti je intojwajiape'n ni Sinia'.

Efesios 2:15

'yina sek jlaj yi'i ki Moisés jika'neyasajnaye, siunie jikijmaye iyot'iyipi siupapo taka'neyasane. Naka'ne siunie ti sa'am Judíojosts'e'm siu'neje ti asa'am pet ti 'wena'ase'm, kaswom wita'm ti iyo ka kasjwanjlik'i, jla'yi ti jla'am ti jitis naka 'ni awoki ti ink'iejyists'e'm ti awakiap. 'Yina kiaka'ne ti wakajla siunie inkamankiye ti jlam ti ilisane.

Efesios 2:2

kajeyepa ti jiniuyek'i siunie iyo pet ni je 'es. Jikinieyi ni jikijmaye iyo ni ajnat, jiwoyeyi siunie 'yijie'nase'm ka woyeyi ni iyo ni i'nio' imosik, ti jla'am ti iniwojwa'n anechiyasa', siu'nie 'neje ti yiji na jloma, 'yina naka ti iniajne'n k'iye siunapo i'nio' je iyo kank'iuye niwa Sinia' jlamtis.

Efesios 2:6

Sinia' yikialk'i pijia'm niwa sisiak'alis, ti tajla'm niwa a'no'ol, iyo'ate iyo pa Jesús, ti yikial pijia'm ti tajle pi a'no', sekyi'i kassenak'iji'n ti awakiape'n ts'iji poliyi.

Efesios 4:1

Tempi it'imina ti ya'am, ti Saka'niona jla'am ti it'imink'i ti a'ne yi'i jla'a insat jiwe, ti kiak awo'nase ti anip'elisi'niase, asa'am ti ta'nase pi Saka'niona: woyeyi siunie 'es iniwone siunapo ti ijiate ti iyo niwa inamtis ti isis.

Efesios 4:24

Woyeyi as'wuye siunie asosik ti ink'ie', siunie ti jlam pa Sinia' ti jilisanik. Sinia' iyotajank'iye ka awoye'ate iyo ti jla'am ti jlam ti 'es, 'yina nak 'yakaja'aja pet ti jiwoyeyi siunie tijnajyi, siu'neje ti jinilesanayiji jitieyi'i, lapakawo ti jiwoyeyi as'nayija' siunie ijiatk'i.

Filipenses 1:6

Jlam je awoyi ti Sinia', ti jlam ti tajle siu'nie jikijmaye ti 'nelanjie'e iyoyeyi, siunie jiwoyeyi ti wuj ti 'es, jlam jankatatjliyijna'a ti jawoyi, 'yina paj ka ineyeyinie'e janak jloma ti jawakajla, ka 'nesta pa Sijwajieti Jesús ti janapimet.

Filipenses 2:13

'Yina Sinia' jla'am ti tajle siunie jiwoyeyi, siunie ti wuj ti 'es astankiujnieye, kajeyepa ti iyo ka emina' jla'yi ka woyeyi siunie ijliu'wase'm.

Colosenses 1:10

Jak je iyoyiji siuti kiak jawoyeyi, sekjane'yi jawoyeyi siunie ji'niayi iyo napoka Saka'niona jilis, jla'yi ti janikanitie'ni ti kiak jawoyeyi ti jawoyeyi siunie 'es, ti jantajla'm siunie askijmaye. Sekjane'yi ka ijiatayijna'a ka intant'iejayi ti jla'am pi Sinia'.

Colosenses 3:10

'Yina 'nakayi jit'iuyek'i siunie as'wu' ti ink'ie', naka asosik jikiecha ti ink'ie', siunie ti Sinia' jlomas ti iyo'ni ink'ieye, siunie ti ini'yejnap ni iyone ti 'nakayi ti ja intant'iejayiji ti jla'am, ti jilisanik.

2 Tesalonicenses 2:17

ka wujwa ka wo jweyeja' ni asosik, 'nakayeyipe ka 'esie siunie asamtik ti jiwoye, siu'neje pi k'iejliyi pi askijmaye ti potie.

1 Timoteo 2:10

Jla'm ijiate ni 'es ka woyi, kan'yejnap ni ji'wu' ti 'es, iyo ti inilesanijisi jitieyi'i pi Sinia'.

1 Timoteo 5:10

janakaye siojona i'nioki ti pajk'i ti titiant'ieki ti'wena ape'e pi jikijmaye ti 'es ti iyoyi; siojona wuj ti 'es ti i'yena papo jilis; t'oniye inka'a ti i'wi'n ilia'm papo i'nio' ti ijioyetaja; siojona ilij niwa jisietis papo Sinia' jilis; jla'yi ti wuj ti iniuyeje napoka siunapo ti po' pa jijliak'ali; siojona 'yakatate ti iyoyi siuniwa isis.

1 Timoteo 5:25

Iyoye'ate siuniwa iyo ni i'nio' ti isis, lajk'ipa ka imp'one pet. Jlampet siuniwa je 'yaka ape'e je ijiat ka je 'nakaja ape'e pet ts'iji, ja lajak'i paka imp'one pet.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

2 Timoteo 2:21

'Yina kia'iyo ni i'nio' iyojonk'iye ka inkijmape'n ni Saka'niona, ti jla'am pa Sinia' itiejieta ka kia'iwo ti ilisa'n. 'Esiji ka initoskijiete ni siuniwa wask'i'nelaja ti je isis. 'Nakaye pet ti ja titiejieta niwa isis ka iwoyi jikijmayeja'.

2 Timoteo 3:17

jla'yi ti iyo jlosikie' ni i'nio' Sinia' jikawo, jla'yi ti 'yiyasa'n, 'yina wakal je tejeyiji'ni ka woyi siuniwa isis ti iyoyi.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Tito 2:7

'Wenkina wikie'eyi siuniwa isis ti jiwoyi. Siuti jit'iyasanataja'n ká anijwekia'm ti i'nes jitieyi'i pi Sinia', jla'yi ti ijiate siunie jiwoyi.

Tito 3:1

Ja wone'ate ti ja jloye, “K'iuyeyi napo anechiyasas wus, siu'neje napo yi kiajwe. Siu'nie jawo ka woyeyi, 'esiji ka woyeyi. Ja inwakajla ta'a siunie ti jawoyeyi ti 'es.

Tito 3:14

Jlampet papo si'lijwas 'esiji ka ini'neyasane siunie 'es jikijmaye. 'Esiji ka pajlata ape'e, siupi k'iejliyi pi isitia'n, ni jikiecha ti je i'win pet paka k'iejliyeyi. Siuti kiak janiwonisi wuj ti 'es kajeyepa ti napoka ti ijia jitiej jawoma.

Tito 3:8

Awo'ate ijiatk'i kiaka. Tempi it'imina ti kia awo'naja ka ajalaskine napo i'nio', siunapo iyoyi ki inamtik, ka inkatate ka woyi siunie 'es ka inkimk'iji'n. 'Niwaka ti iniuyeje napo i'nio' 'yina ti isis.

Hebreos 10:24

'Esiji ka iyokijyi'n siupa 'es ka iniwonaja, jla'yi ti jani'najmak. 'Esiji ka inikimaja siunie ti janip'elisina', ti janikelaja siunie 'es sikijmaye ti jayoki.

1 Pedro 2:12

'Esiji ka nilesanayiji, ti jleyejyi siunapo je itiant'ieje pa Sinia'. Jak je iyoyiji 'wanjliyi ka injwela ka je insisie, 'yina siuti jan'wena ti 'es ni jiwoyeyi ijiate sekjane'yi jajnonitis pa Sinia' ka netieje janak jloma ti Sinia' jan'ye'en wikie'eyi napo i'nio' ni jitis iyo.

1 Jn 1:7

Jlam'ne pet ti jawieki ni jla'al jana 'esi', iyo'ate ni Sinia' ti yiji janak 'esi', kasjwanjliyik'i. Siunie jlas Sijwajieti Jesús kaslejayi ni ji'woyis ki iyo niwa sakeyis.

1 Jn 2:6

Siunie i'nio' ijwi'il ti ijwienjliyik'i pi Sinia', ka kiak iniwonayinie'e, iniwont'iyijipi pi Sijwajieti Jesús.