Efesios 1:7 - Sinia' Jlamtis 1994

⁷ Jla'am pi Sijwajieti ti initojmat sitipe'e 'yina ti iyo kajwieye it'imina ti tisa'ni ki ji'woyis, sekyi'i ti initiajnata kiwa sakeyis. ¡Ijiate ti je jlase' ni jikap'ijliuskiye ni Sinia'!

Efesios 1:7 Iomraidhean Croise

Mateo 20:28

'Yina kiak iyoyi ni I'nio' Jlas ti 'nes, je iyo jikawosa', 'wenajliyi jla'am ti iniwojwa'n inkawoye, jla'yi ti iwi'in jakia ji'wasankiye ti iyoyi lajaye ti ijwiejiete'n napo i'nio' ti je pini'.

Mateo 26:28

'Nak i'yoyis ti tisa'ni ti ja 'lojwa napo ja'maniti'n, janetiajnat ni jike' iyo. Naka ti 'yakajanit siu'nie iyo ni Inia' ti jlam je iyoyi.

Mateo 6:12

Ka atajlatts'e'm jiwek siunie sitis iyo kasp'elisijne'n, wone 'ate awonaja pet siunapo ti po' ni yints'e'm ti je 'es, ti ap'elisinaja'n.

Marcos 14:24

Sekyi'i ti iyonayi 'ate: —'Nak i'yoyis ti tisa'ni, 'yina ja ke piniye napo i'nio' ti ja 'esieyi, jla'yi ti 'nak 'yakajanit siunie Sinia' ji'lij ti ink'ie' ti iliyi siunie jawoyi'ijyi.

Lucas 1:77

Jajwejla'm napo jika kia'lis ti Sinia' initiajnat niwa jikeyis iyo, jla'yi ti iwijna'm jana jijwajieti.

Lucas 24:47

Sekyi'i ji'lij iwijna'm pet napo jika kia'lis ka wo jika'niyejayi napo ijia ka wone'ate, “Woye asosikis ink'iejyisa', 'nakayeyijna'a ti Sinia' jamp'elisina', ka je intajlat'ase'm ni aske'.” 'Yina iyo jla'am niwa Sinia' jlamtis ka tiniajnata napo Jerusalén jlele ka tiwok jika'niyeja' yiji 'niwaka, 'yina paj ka ineyeyinie'e siunapo i'nio' yijits'i wikie'eyi niwa ajnatis.

Juan 20:23

Siunapo ti jalenkinayi siuni iyo niwa jikeyis, ka netianape niwa jike' iyo. Jlampet siunapo ja ke alenkinayi niwa jikeyis, ja ke inetianape pet.

Hechos 10:43

Pajt'ik'ipe ta'a papo jijwejlanawos ti ijwilis ja Jesús, ti iyo'ate, “I'nio' pa ja ke inkakiu, pak ja ke titiajlatajayijpe siupa jitis iyo.””

Hechos 2:38

Pedro isiujlie papo ti iyo'ate: —Woye asosikis ink'iejyisa', janwopi pa ka ijiatayi, pak tiniejienajape, ti janetijnapeje ni Sijwajieti Jesús jle', ja 'nakayeyijna'a ka Sinia' inetiajnat niwa askeyis iyo. Sekjane'yi ka wena'asemna'a jana Sinia' jikimet ti 'es.

Hechos 20:28

Ká anikiwaliye, ni'notatayiji, 'yenayi napo 'eyasajnas Sinia' jilis. Sinia' jikimet ti 'es pajk'i ti inwojwana sontas jiwosa', ka 'yenayi siunapo Sinia' iyo jika kia'lisa', ti takat'ini ape'e pa jlas ji'woyis ti yamayi.

Hechos 3:19

“Ji'yu, 'napo i'lijwas, woye asosikis ink'iejyisa'. Ataj ekiajlayi pi Sinia', 'nakayeyijna'a ka inetiajnat niwa askeyis, janjloyena'ase ni askamankiye ti 'es.

Romanos 2:4

¿Ent'a ijiate ti je wo lajaye ni siunie Sinia' jikap'ijliuskiye iyo ti je jlase', ti imp'elisi'n, ti wuj ti inilayiti ti its'iuta'ajap? ¿Ni'ne ka je 'najane paka wone ti jla'am ti tajle ni siunie jikap'ijliuskiye ti yinta'm, ka 'nakayeyi ka awo ajosik ink'ieye?

Romanos 3:24

'Yina Sinia' je lajk'i ki iyo ni jikap'ijliuskiye, it'iminayi ti isisk'i, siu'neje ti je t'aj'l ape'e japa ka lajaye, ka lajak'i ki iyo pi Sijwajieti Jesús ti jla'am ti initojmat.

Romanos 3:25

Sinia' jlam ti iwi'in pi Sijwajieti ka insa'ni ki ji'woyis, sekyi'i 'ya'al. 'Yina ti iyoyi ji'niayija' napo i'nio', lapakawo ti iyo ka inetiajnat ni jitis iyo jla'yi ka jiwak inojwi ni Sinia', iyo ti je 'yakakiuyis ni Sijwajieti. Jak je iyoyiji'ni 'yakaja ti tijnajyi ni Sinia', isiwaliye'e niwak inkeyis ti pajk'i, ijiatjliyi lajak'i paka iwo.

Romanos 9:23

Siu'neje ti iyo ka 'wenkints'e'm siunie jijweye iyo ti 'es ti jla'am ti wuj. It'imina ti kasp'elisijne'n, 'yina ti pajk'i ti iwiakajlanit sik'ioye ka wiek'i naka.

1 Corintios 1:30

Ijiate pa Sinia' ti jla'am ti ijnotieyi wita'm pa Sijwajieti Jesús. 'Yina ti jla'am ti saka 'najankijnieye, jla'yi ti jla'am pi Sijwajieti ti it'imina ti Sinia' kasp'elisijne'n. Sekyi'i isiwaliyi'i ki sitis iyoyi, siu'neje ti it'imina ti kasts'isis jitieyi'i ni Sinia'. Jla'yi ti jla'am ti initojmat sitipe'e, it'iminayi ti ajwaye.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

Efesios 1:14

Siojona jikimet ti 'es janak ti Sinia' iniajnatts'e ta'a k'iye siunie janwents'e'm, 'yaka ti sikimeta siunie ijwi'il. Jlampa ka wakajlana'a siunie jawoyi ti janjwajiete'n napo tijna'yi, napoka ti pajk'i ti it'iajets'i. Sek jane'yi ka inwunitieyisiena'a ni Sinia', ti lajk'ipa ka ijnojli ti jijweye po'.

Efesios 1:18

'Esiji ka Sinia' 'nakajanit jitiowiji ni asosik ja 'nakayi ti ja 'najanayi paka wonayi, jla'yi ka wujwa ka intant'iejayi siunie tanets'e naka ni sinijijwiye, siu'neje ki iyo niwa isis ti iwijna'm napo jilis, ti wuj ti ip'ilisi'n,

Efesios 1:6

Naka'ne ti it'imina ti awunitie ni Sinia' ti iwints'e'm siunie 'es, naka ti wuj ti kasp'elisijne'n pakayi ti siupi iyone pi jlas siupa ti wuj ti yimi'n.

Efesios 1:8

'Yina naka'ne ni siunie ti isiayi sitipe'e iwints'e'm ka kasts'ajajne'n, jla'yi ka kastant'ieje niwa wask'i'nelaja.

Efesios 2:4

Ijiate pa Sinia' ti wuj ti takap'ijliuski, it'imina ni iyo ti wuj ti kassemi'n,

Efesios 2:7

Naka'ne ti iyo pa Sinia' ti iyo ka'wenkina ts'iji siuniwa jlomas atayeje napo i'nio' ni jikap'ijliuskiye iyo ti wuj ti kasts'isisi pa Sijwajieti.

Efesios 3:16

A'yasane siunie asjweyeja' ka intajleje siuniwa i'wi'in ti je jlase', ka ne'n aswa'm, lapakawo siojona Sinia' jikimet ti 'es janoye'ase'm.

Efesios 3:8

Ya'am ti je ts'esijiyi, 'yaka'm itipe'e siunapo ti kia'iyo je isisijiyi pet Sinia' jilis ti ajyi. 'Yina je iyojliyi pi Sinia' ti ijniejietk'i'm siu'nie awoyi, ka lajak'i ni iyo ni jikap'ijliuskiye, yam ti sats'ilkaja ti akiji napo i'nio' je Judíojos niwa Sinia' jlamtis ti ijwil ni Sijwajieti ti jikap'ijliuskiye ti ijiate ti laja po' ti laj jlaja.

Filipenses 4:19

Siunie Inia' je ijiate pet ka je inwe'nase'm wikie'eyi siunie jisitiana', ti jantajla'm ni iyo pet pa Sijwajieti, ti je jlase' ni yiyi niwa wuj ti isis.

Colosenses 1:14

Jla'am ti iniwen sitipe'e ti initiajnat sik'ioye niwa sakeyis.

Colosenses 1:27

Lapakawo ti Sinia' iyotajank'iye ka 'najanisi siunie ti jla'am ti jitienkiujnieye siunie ti ijwikia'm, naka ni siunie ti ijiate ti 'es, 'nakayi siunapo i'nio' ti je Judíojos ja 'esieyi. 'Yina siunie ti ijwik ti yin kisie'e 'nakayi, naka ni siunie jayo'ate, Sijwajieti yi' aska kiowe'e, 'yina siunie Sinia' jiwunitieye ti 'es ti anejejwiyejenk'iye jane'ne asap.

Colosenses 2:13

Ti pajk'i asa'am ti jiwoye masesie', ti jleyejyi niwa askeyis, in'wanjliye witame ti je intant'iejayi naka Moisés jika'neyasajnaye. Jlam'ne 'nakayi Sinia' iwi'nase'm ni as'wasankiye, siuti jini'nopijietayiji pi Sijwajieti, jla'am ti initiajnat sik'ioye wikie'eyi niwa sakeyis.

Colosenses 2:2

Kiak aniwone 'nakayeyi ti ja wikie'eyeyi napo Sinia' jilis jijweye japoye niwa jlosikis, jla'yi ti janiwomk'i wita'm ti jawoyi ni jlemijnaye, 'nakayi ti jan'yakanis siunie 'wanjli wita'm t'ajankijnieye ti wuj ti laja po', siu'neje ti ja'najane paka iwonisi siunie Sinia' talk'i'ni ti je yin kisie'e, paka pi Sijwajieti.

1 Timoteo 2:6

Siupi iyot'iyipi papo Sinia' jikawos ti ijwilis, 'wena je ijiojwap'e siupi iyo ti yiyeyi, ti iniwe'n ape'e wikie'eyi napo i'nio' kanjwajiete'n.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Tito 3:6

Jla'yi ti Sinia' wuj ti isiayi sitipe'e jana jikimet ti 'es ti itiajlate pa Sijwajieti Jesús.

Hebreos 9:22

Siuka 'yena siunie inka'neyasajnaye 'yina a'wena ti ijliena ka ijiatayiji ka pajlata niwak wask'i'nelaja ti ijwienjli jla'am nak 'woyis ti initiajnat ni t'ojli, sekyi'i ti 'esie pet jitieyi'i pa Sinia'. 'Yina tiwet'ianaja kapoye pa inke' ka netia'n siuti je tisiaye ape'e nak 'woyis.

1 Pedro 2:24

Sijwajieti jla'am ti atelkinaja wikie'eyi siuniwa sakeyis ti je isis 'wanjliyi ape'e ti yi' ape'e japa cruz. Ja 'nakayeyijna'a jayok masesie jitieyi'i ni sake', sekyi'i ti ja kas'wasajne'n pet k'iye ni siunie tijnajyi. 'Yina ka lajak'i puwak ji'wetis puwa tikienaja ti tiliana, puwaka'ne ti insisieyi, it'imina ti jijwayejyi pa aslaye.

1 Pedro 3:18

'Yina Sijwajieti jla'am ti inilayiti ape'e niwa jikeyis napo i'nio' ijwienjliyik'i wek pakatajaje. Jla'am ijiate jla'am ti 'es, 'yina je iyojliyi ti iniwe'n ape'e napoka i'nio' ti je isis ti iyoyi ni jike', kajeyepa ti iyojonk'iye ka intonayi ni Sinia'. 'Yina ti i'nio', ti tilianaja, 'ya'al; jlampet ti Sinia' i'wiesankit pet pi jisiak'al, 'yina ti yiji pi jisiak'al.

1 Jn 2:12

Ilis, ajlo'wase 'ni i'lij lapakawo ti Sinia' pajk'i ti initiajnat ask'ioye ni aske', ka lajak'i pa Sijwajieti Jesús ti i'nesieyi.

1 Jn 2:2

Jla'am ti iniwe'n sitipe'e, ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni. Je samkata, wikie'eyi 'neje napo yi' ape'e 'ni ajnat.

1 Jn 4:10

Nak jitis ni siunie inemijnaye: 'yina je sam'ne ka inianaja pi Sinia' ka yimina, jla'am ti iniane ti kassemijne'n. It'imina'ne ti ijliu' pi jlas ka iniwen sitipe'e ti 'ya'al, 'nakayi ti Sinia' janetiajnat niwa sakeyis, sekyi'i jiwak nojwi'ni.

Apocalipsis 14:4

Japoka siunapo ti je inikajyine napo asejnia, kajeyepa asejnia t'ale' je yi'ik'i, 'wenajliyi jla'am ti yamisk'ijin'ni naka 'wolepo 'woma siupi iyo ka ijnojwi. Lapakawo ti jikiowe'e napo i'nio' yi'i 'ni ajnat, Sinia' itime ti ijwiejiete'n, 'yiniye ka napokaye, Sinia' siu'neje ni 'wolepo 'woma, ti tiwoki ji'wajieta' siunie inia'an.

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.