Efesios 1:6 - Sinia' Jlamtis 1994

⁶ Naka'ne ti it'imina ti awunitie ni Sinia' ti iwints'e'm siunie 'es, naka ti wuj ti kasp'elisijne'n pakayi ti siupi iyone pi jlas siupa ti wuj ti yimi'n.

Efesios 1:6 Iomraidhean Croise

Mateo 17:5

Jet'i ilitiejepe ti tamti'ni ja Pedro, jlam nesi'liet'iyijpe siojopa poli ti wuj ti 'es, japak ip'ionayi siupi yiyits'i. Sek toma'a pak ina'lap ti iyo'ate: —'Nak yas ti wuj ti emi'n, wuj ti ts'ajka'a. K'iuyeyi.

Mateo 20:9

“Ijiatjliyi, papok inia'an ti titisiek'i siupapo no'ot ti 'yuyi pi jikijmaye ijniujliji siupi k'ie' japa jikaja ti jloma ijwienjli pa i'nio' ti isijme'n siojopa tiwenaja'm pet.

Mateo 3:17

Sekyi'i ti pesiejat'iyipi pak ina'lap ti tom poliyi ti iyo'ate: —'Nak siu'nie yas ti yiminik, wuj ti ts'ajka'a.

Lucas 2:14

“¡Ijnonitieye tena'a pa Sinia' yi' poliyi, 'yakamaja napo i'nio' yi' ape'e 'ni ajnat, siunapo ti jla'am pa Sinia' ti ijniejiet'e ni jikap'ijliuskiye ti yi'ne!”

Juan 10:17

“Siunie Inia' 'namak'i kajeyepa ti je e'n jana i'wiesankiye, pi jlomas janojwa'm janapik'i.

Juan 3:35

Sinia' yimi'n ni Jlas, yikiajli'ne ni jijweye ka inkie ape'e wikie'eyi niwa wask'i'nelaja.

Romanos 8:1

Siunapo i'nio' napo ini'nopijieteje ni Sijwajieti Jesús, napok 'yaka pet ti laj jitisa'.

2 Corintios 4:15

'Yina ti jlam kiak iyoyi, 'nakayeyi ti ja insisieyi ni iyo ni iwit'ia. Jak je iyoyi siuti kia'iyo ti je jlase' siunie iyo ni Sinia' jikap'ijliuskiye, ja ke piniye napo i'nio' ti jinikanitieyi janwene pi Sinia', siu'neje ti janwunitis.

2 Corintios 5:21

Sijwajieti je iyoyi paka k'iejliyeyi paka jikeye, 'yina Sinia' iyojwa'n inkeye' ti sit'iminik. Sekyi'i ti kasjnajietajats'i, siuti awakiap ni Sijwajieti.

Efesios 1:12

Lapakawo ti lajk'ipa kant'emina ti kasnajnat ti isimts'e'm naka ti iyo ka je iliki ni sinijijwiye ka yina'a pi Sijwajieti. Ka iyunitie ni Sinia', ti lajk'ipa ka ijnojliji, ni iyo ni jijweye.

Efesios 1:14

Siojona jikimet ti 'es janak ti Sinia' iniajnatts'e ta'a k'iye siunie janwents'e'm, 'yaka ti sikimeta siunie ijwi'il. Jlampa ka wakajlana'a siunie jawoyi ti janjwajiete'n napo tijna'yi, napoka ti pajk'i ti it'iajets'i. Sek jane'yi ka inwunitieyisiena'a ni Sinia', ti lajk'ipa ka ijnojli ti jijweye po'.

Efesios 1:18

'Esiji ka Sinia' 'nakajanit jitiowiji ni asosik ja 'nakayi ti ja 'najanayi paka wonayi, jla'yi ka wujwa ka intant'iejayi siunie tanets'e naka ni sinijijwiye, siu'neje ki iyo niwa isis ti iwijna'm napo jilis, ti wuj ti ip'ilisi'n,

Efesios 2:7

Naka'ne ti iyo pa Sinia' ti iyo ka'wenkina ts'iji siuniwa jlomas atayeje napo i'nio' ni jikap'ijliuskiye iyo ti wuj ti kasts'isisi pa Sijwajieti.

Filipenses 1:11

'Yina kajeyepa ti ja impo'ase siuniwa jawoyeyi ti jantajle pet siunie 'es ti jawoyeyi, ka lajak'i ni Sijwajieti Jesús, jant'emina ti ja tiwunitie pa Sinia'.

Filipenses 3:9

siu'neje ka ijiatayiji ka ini'nopijiete wita'm ti jla'am. Je awojonk'iye'ne 'nakayi ka ijwil ka ts'esi naka Judíojos jika'neyasajnaye, jla'yi ka ijwil ka lajak'iyi paka je 'esie ka iyoyi. Najata jla'am ti awota ka ts'esi pa Sijwajieti 'nakayi ka itienkiuni, kajeyepa ti je akakiu. Kajeyepa nakata jla'am Sinia' i'yase napo i'nio' siunie ijiate ti itienkiuni pa Sijwajieti.

Filipenses 4:19

Siunie Inia' je ijiate pet ka je inwe'nase'm wikie'eyi siunie jisitiana', ti jantajla'm ni iyo pet pa Sijwajieti, ti je jlase' ni yiyi niwa wuj ti isis.

Colosenses 1:13

Sinia' jla'am ti kasjwajiete siunie jijweye nak ajnatiok, sekyi'i ti kasjlasatayi pi jlas ti jleminik ni jika anechijiayas.

1 Pedro 2:5

Kiak woyeyi pit ti asa'am, niwojwana sisajasa siuniwa ajwel'ni, 'nakayi ti Sinia' janwo'ase ji'wukie. Jla'yi ti asama siunapo isis pa'yijis, jak je iyoyiji siuniwa jawoyeyi ti jawunitie, jawoyena'a 'ate siuniwa ti k'iejliyi ti tilianaja'n ti tekiajlaja pa Sinia' ti tiwoki ji'wajieta'. 'Yina Sinia' ja inkaja'a pet siunie jawonayi ti jawunitie, ti jantajla'm ni askiowe, 'yina ti po' pa Sijwajieti Jesús ti pak insisieyi.

1 Pedro 2:9

'Yina ti asa'am jla'am ti isi'mase'm ti iyo jika kia'lisa'ase'm. Asa'am ti pa'yijists'ase'm ti jiniuyeyeje ni aska anechiyas ti wuj. Asa'am ti Sinia' jika kia'lits'ase'm ti 'wena ijnotie'yi, ti jlam ti ya'mase ka jwela siuniwa isis jilisajna'; naka ti tana'ase ka atajlayi siunie ajnatiok, sekyi'i ti jawayejyi ni siunie jla'al jana kates ti wuj ti 'es.

1 Pedro 4:11

Siuti po' ni iyo jlamtikie', 'esiji ka niwakaye Sinia' jlamtis ti janamtiyi. Siunie Sinia' yikiaj'la pit ka noyeje napo a'lejwas, 'esiji ka inwa'asitieyiji'ni 'yina siunie ajweye yi'a ti Sinia' jlam ti yikiaj'la. Ja k'iejliyeyipe siupi jawoyeyi, siuti jawoyeyi siunapo i'nio' pak janwunitis pa Sinia'. Siunie ti jawunitie, woyeyi 'niayija' pa Sijwajieti Jesús, ti jla'am ti 'yu'we ti ka kiak tiwonaja, ka tonitie, siu'neje ni jijweye iyo, jajnok'i'ni. Amén.