Efesios 1:11 - Sinia' Jlamtis 1994

¹¹ Sinia' pajk'i ti kast'ajets'i ti 'nelanjie'e, ti iyo ka iwo jika kia'lisats'e'm, ka lajak'i siunie awoki ti ani'nopijietaja ni Sijwajieti, 'yina pajk'i ta'a ti iwiakajlanit siunie iyo ka woyi, 'yina naka'ne siunie iyoyi ti 'yakaj. 'Yina ti jla'am ti jilisajna' wikie'eyi siu'niwa wask'i'nelaja po'. Ka injlan wata'a siunie iyo ka woyi ti itiliaja.

Efesios 1:11 Iomraidhean Croise

Hechos 13:48

I'nio' siupapo je Judíojos ipi'yayis ti kia'iyo, wuj ti inkase'n. Iyoyet'iyispe 'ate: —¡Wuj wata'a ti 'es 'ni Saka'niona jlamtik! 'Yina siupapo Sinia' ijniejiet'e japa in'wasankiye ti laj jlaja, papok'ne siupapo iyo jlosikis ink'iejyisa'.

Hechos 2:23

Je woyejliyi ti tekiajlaja'ase, kajeyepa ti pajk'i ta'a jlam pa Sinia' ti itime siupi janwone; siupi jiwonayi ti jik'iejwata'yi japa cruz ti jiliana', ti jijliuyeyeje papo i'nio' siupapo lajk'iyi paka woyi, ti je isis.

Hechos 20:27

Kajeyepa ti pajk'i ta'a ti ajwe'lase'm siunie iyo ni Sinia' ka woyi, je ajwek'iase'm.

Hechos 20:32

“'Nakayi 'esiji ka Sinia', jla'yi niwa jlamtis ti takap'ijliuski, jan'ye'nase'm, jla'yi kanoye'ase'm. Siuniwa jlamtis 'yijene 'neje kanoye'ase'm ka ijiatayi ka astankiujnieye poye, jla'yi kawe'nase'm ni jikap'ijliuskiye, jikimet napo Sinia' jilis ti isis.

Hechos 26:18

'Nakayeyijna'a ka 'yiniyijna'a ka 'ajlinitiamk'i niwa jitiete siunie iyo ti yiji na ajnatiok, sekjane'yi ka neyeyisinie'e pet na jloma; jla'yi ti janleyisi ka ineyis kiajwe ni imosik jijweye iyo, 'wenajlitieje jla'am ka neyis kiajwe pa Sinia'; 'nakayijna'a ka initiajnat niwa jikeyis, siu'neje ka ji'niayi poye ka ijnojwa'm siunapo isis Sinia' jilis, ka tiwoktana'a ji'wajietiye, lapakawo ti nakaye jla'am ti jant'emina ti ja ke sakakiuyis”.

Hechos 4:28

Ijiatjliyi 'yina siupa jiwoyet'iyipi kawo, siu'niwa jlomas 'nak yiyi, ti iyo napo i'nio', siunie ti a'm jiwakajlanit t'ipi.

Romanos 11:34

Iyo niwa Sinia' jlamtis ti iyo'ate: “¿Tepa yi'i pa ti 'yijene pi iyone pi jitienkiujnieye pa Sinia'? ¿Tepa yi'i pa i'nio' ti iyo jlosikie' pa Sinia'?

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

Romanos 8:28

Kasts'ajane 'neje ti siunapo yimi'n ni Sinia', sa'am ti Sinia' tants'e ti itiliaja jla'am kawoyi, wikie'eyi k'iejliyi pa yits'e, jla'am ti itime ta'a pi iyone, 'yina naka'ne ni siunie kasts'isisi ti iniuyits'e'm.

Romanos 8:29

Sa'am ti Sinia' pajk'i ti kast'ajats'i, pajk'i ta'a ti iwiakajlanit ti 'nelanjie'e siunie jawoyi, ti iyo kawonts'e 'ate iyo ni jlas, sek jane'yi ni siunie jlas janakaye ti jankijli ti janejyi papo ji'niayi ijwienjliyik'i.

Romanos 8:30

Siuti kia'iyo ti iwiakajlanit ta'a ti 'nelanjie'e siunie jawonts'eje, sekyi'i ti tanats'iji. Jak je iyoyiji siuti sa'am ti tants'e kia'iyo kaslesanaja 'neje. Siuti kaslesajne'n, sekyi'i ti iwinats'e'm siunie jiwunitieye ti 'es.

Romanos 9:11

Siuti je yijlik'ijij'ne 'yina lajk'ipa ka je 'esie ni'ne ka 'esie paka woyisi, Sinia' iyone'ne 'ate japa Rebeca, “Siunie isijli nak ji'yini jawo jikawoye.” Nak kia'iyo siunie Sinia' iyot'iyipi'iji ti iyo'ate, “Jacob nak emi'n, jlampet ni Esaú se'waja'm.” 'Yina naka ti a'wena ti Sinia' jla'am ti 'yijene siupa iyo ka inki'me, siupa ti iyo ka intane, siupa iyo ti itiliaja kanwone, 'yina je naka ka in'yene siupa ka 'esi pi jikijmaye.

Gálatas 3:18

Siut'itie ka nak intajle ni Moisés jika'neyasajnaye iyo ka tiwoki siunie Sinia' iyo ka wents'e'm, je kiak iyotaja'ni pet ka poye niwak jlamtis pi Sinia' ti iyo'ate, “Jawi'na'm”. 'Yina lapakawo ti Sinia' pajk'i ta'a ti iwijna'm pi ji'lij pa Abraham ti ijiate ti ilisaniji, ti kiak iyone ti ijwijla'm ti iyone'ate, “Jawi'na'm”, it'imina'ne ti jla'm iwinayija'm jiwek.

Efesios 1:14

Siojona jikimet ti 'es janak ti Sinia' iniajnatts'e ta'a k'iye siunie janwents'e'm, 'yaka ti sikimeta siunie ijwi'il. Jlampa ka wakajlana'a siunie jawoyi ti janjwajiete'n napo tijna'yi, napoka ti pajk'i ti it'iajets'i. Sek jane'yi ka inwunitieyisiena'a ni Sinia', ti lajk'ipa ka ijnojli ti jijweye po'.

Efesios 1:18

'Esiji ka Sinia' 'nakajanit jitiowiji ni asosik ja 'nakayi ti ja 'najanayi paka wonayi, jla'yi ka wujwa ka intant'iejayi siunie tanets'e naka ni sinijijwiye, siu'neje ki iyo niwa isis ti iwijna'm napo jilis, ti wuj ti ip'ilisi'n,

Efesios 1:5

'yina ti pajk'i ta'a ti kastajets'i ka ijiatak'iyi ka jilisats'e'm, pak kasts'isisi pi Sijwajieti Jesús siupi iyo pit ti inilayiti. Iyo jla'am ka woyi ni Sinia' 'naka'ne siu'nie.

Efesios 1:8

'Yina naka'ne ni siunie ti isiayi sitipe'e iwints'e'm ka kasts'ajajne'n, jla'yi ka kastant'ieje niwa wask'i'nelaja.

Efesios 1:9

Jla'yi ti 'yakajanitts'e'm siunie iyo ti 'yaka ape'e, jlamt'i ijiate ka iyo'ate, siunie ti pajk'i ta'a ti iyo ka iwoyi, 'naka siu'nie:

Efesios 3:11

Ka 'wena iwo wata'a siunie iyot'iyipi ka iwo ti 'nelanjie'e, ti je paj kant'eki naka ni siunie 'yakaja 'nakayi ti Sijwajieti Jesús iyoyi.

Colosenses 1:12

Sekjane'yi ja inkasajyi'n, asnikanitieyi jawenayi pi Sinia', siuti jla'am ti inlesanats'i, ti itiejiete'n k'iye ka neye askiojyi siojona ti 'yotat k'iye siunapo jilis ti yiji nak kates jla'al.

Colosenses 3:24

Jlam'ne 'najanayi pi jiwonayi ti Saka'niona janwe'nase'm siojona as'wajiete, ti jantojmat ape'e siojona askajaye ts'iji, siojona ti pajk'i ti itiejietap napo jika kia'lis, kajeyepa ti jiniuyeyeje pi Sijwajieti ti ijiate jla'am ti aska anechiyas.

Tito 2:14

Jlam ti ininekial ti ijioyi ni jiliaye, jakayi ti tiliana, lapakawo ti iyo ka kasjwajiete niwaka siuniwa je isis. Initiajnat wikie'eyi ki iyo niwa sakeyis, ja'nakayeyi ti ja sama siunapo jika kia'lis ti 'wena ijiut'e, ti awokink'iye ka iyoki siunie 'es.

Tito 3:7

Nak kasts'isisi ki iyo ni jikap'ijliuskiye, it'imina ti yikialts'e ka itiejek janak si'wasankiye ti t'on, jana anejejwiyejenk'iye.

Hebreos 6:17

Naka ti a'wena ti siunapo ja jikimita janak siojona Sinia' ijwijla'm, lapakawo ti iyo ka 'nakajanitiame ti ijiatk'i siunie iyoyi, 'yina je pajna'a ka iwats'ilati siunie iyo ka woyi ti ijwi'il. Tempi it'imina ti jlam jla'am ti yapi'li ti kiak iniwone ti isime ni jle' ti ji'lij iliyi.

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

1 Pedro 1:4

siu'neje ka askimeta' siuniwa isis Sinia' iwijna'm napo iyo kamp'elisi'n. Siuniwa ti pajk'i ti iwiakajlanit ta'a ask'ioye yi' poliyi, siunie je ti'wena ka ino'we, jla'yi ti laj jit'iojliye, jla'yi ti je 'yojma'm ti 'es ni k'iejliyi.

1 Pedro 3:9

Siuti po' ni je 'es ni iyo'nase napo as'lejwas, 'esiji ka je atayitieyi. 'Yina ja 'wenajliyi pet ti ja ekiajlayi ilia'm ni 'es, siunie akap'ijliuskiyeyi ti ja ena'yi, 'yina naka ti Sinia' tana'ase. Siuti kiak janiwonayi, je jwel ka kiak je iwo'nase pit ni Sinia' ka imp'elisinajyi'n.