Apocalipsis 9:5 - Sinia' Jlamtis 1994

⁵ 'Yina je tiwenaja'm 'neje ka inlajne'n, najata jla'am kan'wejnank'i papo i'nio' pa ji'wok ti ijwienjli sikio' itij'we puwa we'lajas tenaja ka kiak iwo. Siupa ji'wok iyo siupa isiene papo kiak iyo 'ate iyo jla'a ajliu pastana ti i'nio' ijyikie.

Apocalipsis 9:5 Iomraidhean Croise

Juan 19:11

Sekyi'i ja Jesús isiujlie ti iyo'ate: —Siunie at'oni ti yi'a, ka je intal Siniayi je 'najane paka wone ka siniujwa'n kisie'e. Jak je iyoyiji'ni siunie ti sekial ka ama ka si'ye'en, jitis 'yaka'm ape'e siunie iyo ni ates.

Apocalipsis 11:7

Jantemisiji ti jawoyis jika'niyejayi papo tijliuki, sekjane'yi ka inoyena'a kisie'e siunie pinitiok ti jantalk'i siunie kiawe ti je ti'wena k'ioyi, ti jant'ekiye napoka, sekjane'yi ka ilanajanna'a 'yina ti ja ke intayisi.

Apocalipsis 13:5

Jaka pinitiok tenaja 'ate ka iwoyi siuniwa jlamtis jiniliaja, 'yina ti initoniti ni ji'lij. Yeje'ni ni Sinia', siu'neje ti we'lajas ti cuarenta y dos niwa tenaja ti tekiajlaja ka iwo anechiyasa'.

Apocalipsis 13:7

Tekiajlaja 'neje napo Sinia' jika kia'lis ka intayits'i ilia'm, 'yina ja ke intayitisi ti janjwelis ka inilanisi. 'Yina tekiajlaja 'neje ka wikie'eyeyi napo i'nio' siunapo 'wenayi ti inijle'en niwa jlonijies iyo ka ne kiajwe, siunapo ji'lij 'wenayi ti yijits'i wikie'eyi niwa ajnatis.

Apocalipsis 9:10

Jlampet siuniwa jikiase'l, jlanis po' iyo'ate jla'a ajliu pastana ni jlanis. 'Yina sektaj'le siunie jijweye, ti jankiene napo i'nio' ti jitiej janojwank'i ni siunie ji'wok janwo ti janjwanjli sikio' jantej'we niwa we'lajas ti kiak jawoyi.

Apocalipsis 9:3

Namik'i ja tosie siojowa kio'ol ti ijwi'ya'ni ti itij'w ape'e 'ni ajnat, siupa jijweye tiwenaja'm iyo'ate iyo siujlie'e ajliu pastana ni ji'wok iyo ti i'nio' ijyikie.