Apocalipsis 9:1 - Sinia' Jlamtis 1994

¹ Jlampa iliena'aja pet jla'a ji'woso' siojo jikiecha injlojwanik poli jlele sekyi'i ti ijwienjliye 'ni sikio' itij'we japo ti no'we ti ji'woso'l ilie'en, sekyi'i a'wena siujlieja kates ti yi' ajnat'e siujlieja ti iniujwe'n ti tal poliyi. 'Yina jlajak kates ti ajwel'ni tekiajlaja siujlieja jikie' ti t'ajlinitieja'm siojona kiawe ti je ti'wena isia'm pa jik'ioyi siunie 'najlati 'wet.

Apocalipsis 9:1 Iomraidhean Croise

Lucas 10:18

Jesús isiujlie papo ti iyo'ate: —Jlam je woyeyi, a'wenk'i ja sitiejiejwa imosik ti iniujwe'n ti tal poliyi, 'yiniye na tak'ajyi.

Lucas 8:31

Siupuwa imose'l inip'elisijnin'ni'ne, ti iyonisi 'ate pa Jesús: —¡Ke kastatena'a isia'm siunie kiawe, ti je ti'wenaja paka jlaja, siunie inlaye 'wet!

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.

Apocalipsis 1:20

Siunie iyo 'niwa ji'we'en siu'niwa ijwienjli sikio' itij'we times tom'niji katese'l siu'niwa yi' poliyi, ti e'n isiojyi ti atojmat ijwiyeje, siu'neje 'niwa ijwienjli sikio' itij'we times tom'niji katese'l ji'wetis ti wikinie maja ti 'najli. 'Yina siu'niwa ijwienjli sikio' itij'we times tom'niji katese'l siu'niwa yi' poliyi, niwaka ijwienjli sikio' itij'we times tom'niji jijliujwajnas napo Sinia' jilis, jlampet siu'niwa ijwienjli sikio' itij'we times tom'niji katese'l ji'wetis, niwaka pet siuniwa ijwienjli sikio' itij'we times tom'niji Sinia' jilis ji'wetis.

Apocalipsis 11:7

Jantemisiji ti jawoyis jika'niyejayi papo tijliuki, sekjane'yi ka inoyena'a kisie'e siunie pinitiok ti jantalk'i siunie kiawe ti je ti'wena k'ioyi, ti jant'ekiye napoka, sekjane'yi ka ilanajanna'a 'yina ti ja ke intayisi.

Apocalipsis 17:8

Siu'nie pinitiok ti ji'we'en, naka ni siunie ti kia'iyo ti ji'wenape ti 'wanjlijli'yi kiu', 'yina 'nakayi lajk'ipa, pajk'i ti netia'n. 'Yina ja ke iwojliyinie'e ti jano kisie'e ti jantalk'i siunie kiawe ni je ti'wena pa jlaj yi'i pa jik'ioyi, naka ni injlak'ali 'wet pet, siuti kiak jawo ja ke inejliyi kiu' siunie jane'yi jlaj ti janetia'n ka sek jlaja'ayina'a. Jak je iyoyi siunapo i'nio' ji'wet pet siunie ajnat yi'i, napoka ti jleyis laja naka imp'esinik siunie jleyis yiji napok ji'wasankiye ti t'o'n po', talk'i'ni pakayi ti Sinia' k'iejli ilisanayi siu'niwa wask'i'nelaja yi' ape'e 'ni ajnat, ka iwojliyinie'e pa ka i'wenista naka pinitiok. Kajeyepa ti i'winispe ti siuti 'wanjliyi kiu', 'yina 'nakayi lajk'ipa, netia'n, naka 'neje siunie ti janapi pijia'm.

Apocalipsis 20:1

Sekyi'i ti a'wena'aja ja injlojwanik poli jlele ti na'm isia'm ti tal poliyi ti itiu'un siujlieja kiawe ti je ti'wena k'ioyi jip'ot jikie'e ti t'ajlinitieja'm, ijwie'ne siojowa wikijnies ti wusk'iji'n tijweniejek'i.

Apocalipsis 20:10

Jlajmiliet siojo imosik, ti ik'emijietk'i napo i'nio', titietajayija'm ni jwat siunie ti isa ape'e iyo ni i'niat lajlik'i, siu'neje na azufre, siunie ti kia'iyo ti titietaja'm ja pinitiok siuti jiliaye iniuj wita'm ja injwejlanik jiwo, ti je tal Siniayi. Jlomas ajnajas ti janejyi ni jijliak'ali 'yina jajnok'i'ni ti kiak jawo.

Apocalipsis 6:13

'Yina siuniwa katese'l namak'i isia'm ti iniuk'iji'n ape'e 'ni ajnat, 'ate iyo niwa higok jla' ti yi' ajnat'e ti jlajwu siunie wujwi ti i'wiati'ni, ijios ajnat'e ti je wakalta'aja.

Apocalipsis 8:10

Yiyi 'neje siojo injlojwanik poli jlele siojo tomik'i japo times ti ti'wosojyi'n ji'woso' ilie'en pet, jakayi'ne ti iniuyeje'n jla'a kates ji'yusiki tal poliyi ti tak'ayi'ni, 'ate iyo 'ni jwat ti tiwoki katesa'. Jlajak ijniuj'li ape'e ijliena kajnewita'm jikiowe'e niwa tewukis siu'neje niwa i'niatis ti tajla'm niwa tikijnakiyis.

Apocalipsis 8:12

'Yina ti yiyeyi pet siojo injlojwanik poli jlele siojo tomik'i japo najape ti ti'wosojyi'n ji'woso' ilie'en pet, sekyi'i ijliena kajnewita'm jikiowe'e ja kilie' ja jiwet'ia, siujlieja we'la kia'iyojliyi, siojowa katese'l kia'iyojliyi. Jak je iyoyiji siunie jloma je itioyi'i, 'najata jla'am ajnatiok ti yi' ape'e 'ni ajnat.

Apocalipsis 8:2

A'wena japo ijwienjli sikio' itij'we times tom'niji injlojwajnas poli jlele ti takasitk'i jitieyi'i 'ni Sinia', sekyi'i tijwankitajamk'i jawa ji'woso'l, siojowa tipajwukk'iji'n.

Apocalipsis 9:2

Sekyi'i ti 'yajlinitieja'm jlajak ijnaki, 'yina iniuye kisie'e ja tosie ti yam pijia'm 'yiniye ni jitiusie jana inka'we ti wuj. Siojo tosie jaka'ne ti ajnaj iyunitiji ni kilie' siu'neje ti je iyo inyejla.