Apocalipsis 8:5 - Sinia' Jlamtis 1994

⁵ Siojo injlojwanik poli jlele isimayi jawa si'yakia ti tajla'm siojo jwat yi' ape'e jlaja altar, sekyi'i ijiosayik'i'ni siujlieja tenaja'ni jla'am siojo incienso, sekyi'i ti isiayeyi ape'e 'ni ajnat. Sekyi'i poye siuniwa ti yek'isia'm, sekyi'i kijlamiyeyija'm niwa ina'lapis iyo, siu'neje niwa tak'ajyits'i, siu'neje ti ajnat ti'wesi.

Apocalipsis 8:5 Iomraidhean Croise

Mateo 24:7

Napo i'nio' siunapo yi' ape'e 'ni ajnat janilajne'n ti janapits'i wita'm. Siunapo anechiyasas kiak janwojliyi jantats'i wita'm. Nel'lias japoye ape'e 'ni ajnat. Siu'neje ti ajnat ti'wesi ja pansisak'i.

Lucas 12:49

Jesús yine 'neje ape'e ti iyo'ate: —Ti ana'am, aname ajnat'e ni jwat. ¡Ka iyojlit'iyipa ka ink'a pijia'm ta'a!

Hechos 16:26

Jlam nesi'lieyi, 'yaka jejat'ipi wata'a ti ajnat ti'wesiye, ti pansak'i i'wisinayi'ni siojo to'm ajnat'e k'iye jlaja insat jiwe. T'ekiyejamk'i kiwa 'wuk kiwitawa, jakayi siukiwa wikijnies t'aka japo t'otiek'i a'laja'm, ti t'ekijyits'i.

Hechos 4:31

'Yina ti itimayisi ti iyo t'ajlayeja', ti'wesiyet'ipi siojopa 'wuk ininenisi kiajwe. Sekyi'i Sinia' jikimet ti 'es tipoyijits'i, jak je iyoyiji'ni ka ijnots'iniji'n ti ijwilayis puwa Sinia' jlamtis.

Apocalipsis 11:13

Jakayi'ne ti ajnat ti'wesiye ti ijiat ti pansak'i, 'nak k'iek'i pa no'we siojopa isi' ti iwiests'isia'm, 'yina ijwienjli sikio' itij'we times tom'niji puwa mil papo i'nio mases no'we. Jlampet siojopo 'wanjle'e je jlase' ja iyo ti jnots'ijnits'i, sekyi'i 'yaka jla'm iwo ti iyunitieyis pi Sinia' ti yi' poliyi.

Apocalipsis 11:19

Jak je iyoyiji yajmi wek 'niji kiaka, sekyi'i ti 'ajlaja'm ja ji'wuk kiwet jlaja Sinia' ji'wuk yi' poliyi, sekyi'i ikajayi jlaja a'la' t'aj siujlieja ti 'yakajanitk'i siupa iyot'iyipi pa Sinia' ji'lij, ti yi' kiajwe jlajak Sinia' ji'wuk. Sekyi'i ti poye siojowa tak'ajyits'i siu'neje puwa ina'lapis ti pesieje, siu'neje ti yek'isia'm, siu'neje ti ajnat ti'wesi, siu'neje ti je jlase' jawa alatiu'.

Apocalipsis 4:5

Siojowa ti tak'ayetajats'i sek taj'le ni yi'i jlajak anechiyas ji'wet, siu'neje jawa jla'lapis papo ti 'loj i'nio', siu'neje jawa isiumtijnits'i; 'yina jitieyi'i jlajak in'wet anechiyas ji'wet sekyiye'e siu'niwa ijwienjli sikio' itij'we times tom'niji jwatis ti tiwoki katesila ti yatamk'i, jawaka siunapo ti kia'iyo ijwienjli sikio' itij'we times tom'niji Sinia' jikimet ti 'es.

Apocalipsis 6:12

Jlampet ti yiyeyi ti its'isate ape'e siojo ijwienjli sikio' itij'we times tom'niji t'etieje ape'e ja imp'esinik siojo 'wolepo 'woma, siuti a'yenayi, sekyi'i ti poye siojo ti ijiat ti pansak'i ti ajnat ti'wesi. Isiojwayeyiji ni kilie' ti 'yo'me, iyoye'ate siunie ji'wu' jla'a ask'ilieki ti isiojwa'. 'Yina siunie we'la kia'iyojliyi ti isiataje, 'ate iyo ni 'woyis.

Apocalipsis 8:3

Paj ti 'nesa'aja ja jikiecha injlojwanik poli jlele, itiu'un siojo incienso tenaja'ni ti wikinie maja ti 'najli, sekyi'i takasitiejape'n siujlieja altar. Sekyi'i je iyo ka tiliakiki'i siojo incienso ti tiwenaja'm, sekyi'i ti iyunie ti yine ape'e jlajak altar ti wikinie maja ti 'najli jitieyi'i siujlieja anechiyas ji'wet ti 'es, 'yina ji'niayi ijwienkitayi niwa t'ajlaye wikie'eyi napoka Sinia' jika kia'lis.