Apocalipsis 8:12 - Sinia' Jlamtis 1994

¹² 'Yina ti yiyeyi pet siojo injlojwanik poli jlele siojo tomik'i japo najape ti ti'wosojyi'n ji'woso' ilie'en pet, sekyi'i ijliena kajnewita'm jikiowe'e ja kilie' ja jiwet'ia, siujlieja we'la kia'iyojliyi, siojowa katese'l kia'iyojliyi. Jak je iyoyiji siunie jloma je itioyi'i, 'najata jla'am ajnatiok ti yi' ape'e 'ni ajnat.

Apocalipsis 8:12 Iomraidhean Croise

Mateo 24:29

Paj ti Jesús iyoye'aja 'ate: —Janek 'niji niwak jlomas ti injlak'ali janejyi, siunie kilie' ja'no'me, siunie we'la ja laja jlala', siuniwa katese'l janok'iji'n, jlampet siunie jijweye iyo pit niwak yi' poliyi jan'wesiyejets'inie'e.

Mateo 27:45

Siukia ti 'najlikis paj ti najapeja jakia inetitinki yiyi jla'a kilie' kie', ti ajnatiok itij'wape 'ni ajnat.

Marcos 13:24

Jesús iyo'ate ti yinayi'iji ape'e: “Ti janek 'niji jiwek pak injlak'ali ti wuj, puwak jlomas 'yina siunie kilie' ja'no'me, jlam pet siunie we'la ja laja jlala',

Marcos 15:33

'Najlikise ti poye ki ajnatiok ti itij'w ape'e 'ni ajnat, paj ti kilie' tomat'ipi 'nijiye ti kia'iyo.

Lucas 21:25

Jesús iyoyet'ipi'iji 'ate: —Ja poye siuniwa ja'nakaj ti ja nejyi na kilie', poye'eje niwa ti ja nejyi na we'la, ts'iji yi'i niwa katese'l kia'iyojliyi. Ja wujwa ti jajnots'ijnits'i napo i'nio' ape'e 'ni ajnat, ti ja ke injweyisie siunie jla'lap ni i'niat lajlik'i kajeyepa ti ja jwesiejak'i, ti janwo 'wukijlimpejesie ti janwakiats'i pijia'm.

Hechos 2:20

Siunie kilie' ajnatiok jamp'one, siunie we'la janwo'ate ni 'woyis. Kiak jawo ka majletiejejna'a ka neyi janak Saka'niona jika jlomaye ti ja wujwa, ti ja ke jlasiye ni jawo ti ja ti'wena.

2 Corintios 4:4

'Yina 'yakakiuyis, siunie ajnat jinia' iyojwa'n talojoye siuniwa iyo niwa jlosikis, ti iyo ka je i'we'en ki iyo ni jla'al ti ijiate ti 'esi, naka inka'niye ti 'es, ti ijwi'il ni jijweye ni Sijwajieti ti jla'am ti Sinia' jipe'el.

Apocalipsis 12:4

Jikias itietajap ts'iji niwa katese'l ijliena kajnewita'm jikiowe'e kiwa itijwk'i, sekyi'i ti itietayi ajnat'e. Jitieyi'i jlajak asejnia ti jlas yokie, sek yajapa'aja'n ti i'ye'en ka ine wek kisie'e ja kia'le ti iyota ka intojw.

Apocalipsis 16:10

Siojo injlojwanik poli jlele ti ijwienjli sikio' itijwa'a japo isiak'iji'n siojowa yijits'i jawa inat jijwa'al, ti isiaye pet ape'e siujlieja ji'wet pet siojo pinitiok ti iniwojwa'n anechiyasa', jak je iyoyiji pet siunapo isie pet ape'e ajnatiok yiye ape'e. 'Yina siuti ijiate ti a'tiek'i ki iyo, jak je iyoyiji ka je inokiejejamk'i niwa jipajnatis.

Apocalipsis 6:12

Jlampet ti yiyeyi ti its'isate ape'e siojo ijwienjli sikio' itij'we times tom'niji t'etieje ape'e ja imp'esinik siojo 'wolepo 'woma, siuti a'yenayi, sekyi'i ti poye siojo ti ijiat ti pansak'i ti ajnat ti'wesi. Isiojwayeyiji ni kilie' ti 'yo'me, iyoye'ate siunie ji'wu' jla'a ask'ilieki ti isiojwa'. 'Yina siunie we'la kia'iyojliyi ti isiataje, 'ate iyo ni 'woyis.

Apocalipsis 9:15

Siojo injlojwanik poli jlele sekyi'i ilienajats'i japoka ijia injlojwajnas poli jlele ti janlajne'n papo i'nio' yi' ape'e 'ni ajnat ti ijliena kajnewita'm jikiowe'e siupapo janlajne'n. 'Yina lapakawo ti naka ti pajk'i ta'a ti tiwakajlanitie k'iye ka kiak iwoyi ti yiyeyi jakiak inetinki jana kiliekie', siu'neje jakia jloma, siu'neje jakia we'la, siu'neje jakia najkap ka iwo wet'iaye.