Apocalipsis 8:10 - Sinia' Jlamtis 1994

¹⁰ Yiyi 'neje siojo injlojwanik poli jlele siojo tomik'i japo times ti ti'wosojyi'n ji'woso' ilie'en pet, jakayi'ne ti iniuyeje'n jla'a kates ji'yusiki tal poliyi ti tak'ayi'ni, 'ate iyo 'ni jwat ti tiwoki katesa'. Jlajak ijniuj'li ape'e ijliena kajnewita'm jikiowe'e niwa tewukis siu'neje niwa i'niatis ti tajla'm niwa tikijnakiyis.

Apocalipsis 8:10 Iomraidhean Croise

Mateo 25:1

Jesús iyoye'eje 'ate: —Siunie Inia' jika anechijiayas kiak jawo'ate siu'nie: Po' siupapo jlosie times sikio' itij'we, ti yamisk'iye siupi i'nio' ti janjwa'yi, itiunis puwa jika katese'l.

Lucas 10:18

Jesús isiujlie papo ti iyo'ate: —Jlam je woyeyi, a'wenk'i ja sitiejiejwa imosik ti iniujwe'n ti tal poliyi, 'yiniye na tak'ajyi.

Judas 1:13

Niwak iyo'ate siuniwa ji'wukijlimpejes ti tiwakits'i pijia'm yi' ni i'niat lajlik'i, jlampet siuniwa ti je isis ti iyoyi, nak 'yiniye pet siunie ti iyo siepa' ti yi' ape'e ti ijiut'ni jikiusi. Iyo'ate siuniwa katese'l ti 'yakamk'iji'n, 'yina Sinia' 'yotat pet k'iye siunie ji'wet, jikiowe'e ni siunie ajnatiok, jajnok'i'ni pet ti sek jane'yi.

Apocalipsis 1:20

Siunie iyo 'niwa ji'we'en siu'niwa ijwienjli sikio' itij'we times tom'niji katese'l siu'niwa yi' poliyi, ti e'n isiojyi ti atojmat ijwiyeje, siu'neje 'niwa ijwienjli sikio' itij'we times tom'niji katese'l ji'wetis ti wikinie maja ti 'najli. 'Yina siu'niwa ijwienjli sikio' itij'we times tom'niji katese'l siu'niwa yi' poliyi, niwaka ijwienjli sikio' itij'we times tom'niji jijliujwajnas napo Sinia' jilis, jlampet siu'niwa ijwienjli sikio' itij'we times tom'niji katese'l ji'wetis, niwaka pet siuniwa ijwienjli sikio' itij'we times tom'niji Sinia' jilis ji'wetis.

Apocalipsis 12:4

Jikias itietajap ts'iji niwa katese'l ijliena kajnewita'm jikiowe'e kiwa itijwk'i, sekyi'i ti itietayi ajnat'e. Jitieyi'i jlajak asejnia ti jlas yokie, sek yajapa'aja'n ti i'ye'en ka ine wek kisie'e ja kia'le ti iyota ka intojw.

Apocalipsis 14:7

'Yina jla'lap ijiok'i'ni ti iyo'ate ti pesie ilia'm: —¡Joskiyeyi ni Sinia' siu'neje ti jawunitie, 'yina ti yiyi siojona jika jloma ti kiak jawo ti jan'yen'ne napo i'nio' ni siunie iyoyisi! ¡Jonitie ti jla'am ti 'yotate ni poli siu'neje ni ajnat siu'neje na i'niat lajlik'i, siu'neje niwa i'niat ti jlam sek taj'lik'i'ni isia'm!

Apocalipsis 16:4

Jlampet siuti yama pet ja injlojwanik poli jlele jikiecha jlampe najapeja japo yam'ni ti isia'ni siojo yiji jlaja inat jiwe, ti isiajia'm niwa tewukis siu'neje niwa i'niatis ti jlam sek tajlik'i'ni isia'm jiwek, sekyi'i ti kia'iyoyeyi pit ti iyo 'woyisa'.

Apocalipsis 6:13

'Yina siuniwa katese'l namak'i isia'm ti iniuk'iji'n ape'e 'ni ajnat, 'ate iyo niwa higok jla' ti yi' ajnat'e ti jlajwu siunie wujwi ti i'wiati'ni, ijios ajnat'e ti je wakalta'aja.

Apocalipsis 8:7

Siojo injlojwanik poli jlele iniane ti ipiejwuts'i jlaja ji'woso', sekyi'i ti titietajayi isia'm pet jawa alatiu' ti ijlinik'i ja jwat siu'neje ja 'woyis. Jak je iyoyiji siojo ijniuj'li ape'e ijliena kajnewita'm jikiowe'e 'ni ajnat no'we ti jwat itiujwk'i'ni, siu'neje niwa a'la', wikie'eyi 'neje niwa jop ti jiwats'o yi' ape'e 'ni ajnat.

Apocalipsis 9:1

Jlampa iliena'aja pet jla'a ji'woso' siojo jikiecha injlojwanik poli jlele sekyi'i ti ijwienjliye 'ni sikio' itij'we japo ti no'we ti ji'woso'l ilie'en, sekyi'i a'wena siujlieja kates ti yi' ajnat'e siujlieja ti iniujwe'n ti tal poliyi. 'Yina jlajak kates ti ajwel'ni tekiajlaja siujlieja jikie' ti t'ajlinitieja'm siojona kiawe ti je ti'wena isia'm pa jik'ioyi siunie 'najlati 'wet.

Apocalipsis 9:15

Siojo injlojwanik poli jlele sekyi'i ilienajats'i japoka ijia injlojwajnas poli jlele ti janlajne'n papo i'nio' yi' ape'e 'ni ajnat ti ijliena kajnewita'm jikiowe'e siupapo janlajne'n. 'Yina lapakawo ti naka ti pajk'i ta'a ti tiwakajlanitie k'iye ka kiak iwoyi ti yiyeyi jakiak inetinki jana kiliekie', siu'neje jakia jloma, siu'neje jakia we'la, siu'neje jakia najkap ka iwo wet'iaye.