Apocalipsis 8:1 - Sinia' Jlamtis 1994

¹ 'Yina siojo 'wolepo 'woma ti itijwa'a siojowa ijwienjli sikio' itij'we times tom'niji t'etieje ape'e pa imp'esinik ti takapajlatak'i ti its'isate ape'e, ti yiyeyi siojo ijwienjli 'wanjle'e, sekyi'i ts'iji poliyi mamiyeja'm, ni'ne ka ijnewit'ijiampe japa inetinki ijwienjli yiyi japa kiliekie' yiji ti kia'iyo.

Apocalipsis 8:1 Iomraidhean Croise

Mateo 27:66

Sekyi'i yam'ni'ne, yiyisi ti ilisanayisi ti 'yitisiame siujlieja sisaj ti ip'ionisiaja'm, jla'yi ti jikajwukis yinayits'i. Sekyi'i ti sek iliyeyisi'i japo tokis ijia ti i'yenkinisie.

Apocalipsis 5:1

Sekyi'i a'wene jak siojo i'nio' yi'iji'n jlajak in'wet, ji'wet 'ni anechiyas, ti isi'me siu'nie imp'esinik ti takapajlatak'i itiujmat 'niji jijweyeje. Po' jawa inamtis yiji, 'yina po'neje jawa yi' siu'nie tomi kisie'e. 'Yina je lajk'i 'niwa ijwienjli sikio' itij'we times tom'niji 'yit'i ape'e jak imp'esinik jawak inamtis ti tip'ona ape'e siuniwa ti it'imina ti je 'esiji ka ilajna'm pa.

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.

Apocalipsis 6:1

Sekyi'i a'wenayi jak 'wolepo' jlas ja iyo ti its'isate ape'e jak imp'esinik siojo takapajlatak'i, siojo iniajnat t'etiejek'i ape'e. Sekyi'i'ne ti ape'yaye siojowa ijniujlits'i pini' Sinia' jilisajna' ti jitiete itijwk'i, siojo ijwienjli, 'yina siojo jla'lap iyo ti pesieje 'yiniye ni siunie isiumtijni, ti iyo'ate: —¡Jomet!

Apocalipsis 6:12

Jlampet ti yiyeyi ti its'isate ape'e siojo ijwienjli sikio' itij'we times tom'niji t'etieje ape'e ja imp'esinik siojo 'wolepo 'woma, siuti a'yenayi, sekyi'i ti poye siojo ti ijiat ti pansak'i ti ajnat ti'wesi. Isiojwayeyiji ni kilie' ti 'yo'me, iyoye'ate siunie ji'wu' jla'a ask'ilieki ti isiojwa'. 'Yina siunie we'la kia'iyojliyi ti isiataje, 'ate iyo ni 'woyis.

Apocalipsis 6:3

Siojo 'wolepo 'woma ti yiyeyi siojo tomik'i ti t'etieje ape'e ja imp'esinik jakayi ti timesie jawa no'we ti its'isate ape'e, sekyi'i ape'yayeyi siojowa pini' Sinia' jilisajna' jitiete 'loj siojo tomik'i pet, ti iyo'ate: —¡Jomet!

Apocalipsis 6:5

'Yina siojo 'wolepo 'woma ti yiyeyi siojo tomik'i pet ti timesieyiji, jakayi'ne ti najapeja jawa no'we ti its'isate ape'e siojowa t'etiejek'i ape'e ja imp'esinik. Sekyi'i ape'yayeyi pit siojo ijwienjli jawaka 'neje siojowa pini' Sinia' jilisajna' jitiete itijwk'i, jlam pa yiyeyi pet siojo ti najapeja jawa no'we ti pesieje, ti iyo'ate: —¡Jomet! 'Yina siuti a'yenayi, a'wenayi ja a'lenta isiojwats'i. Jlampet siojo yi' ape'e itiunin'ni pet jikiojyi jla'a ijliak'ajlimpe.

Apocalipsis 6:7

'Yina jlampet ti yiyeyi ti its'isatik'i ape'e ti ijniujliejets'i jawa no'we jawak t'etiejek'i ape'e ja imp'esinik, jak 'wolepo 'woma, sekyi'i ape'yayeyi pit jawak pini' Sinia' jilisajna' ti jitiete 'lo'weje'n siojo ijwienjli jlampa kia'iyoyeyi pit ijniujlits'i jawa no'we, ti iyo'ate: —¡Jomet!

Apocalipsis 6:9

'Yina jlampet ti yiyeyi siojo 'wolepo 'woma ti its'isate ape'e siojowa t'etiejek'i ape'e ja imp'esinik ti ijwienjli sikio' itijwa'a jawa no'we, sekyi'i a'wena siojopo japo tilianat'ijyimpe jisiak'alis jitieyi'i siujlie'e altar, ti nak tenaja ape'e Sinia' jlamtis ti iyoyi jlamtikie'.