Apocalipsis 7:9 - Sinia' Jlamtis 1994

⁹ Yam pet 'niji kiaka, ti a'yenayi, a'wena napo ¡ok! ti tajlits'i wikie'eyi niwa ajnatis, i'nio' siunapo jloniye 'wenayiji siunapo ji'lija 'wenayi. Takasitk'i ts'e yi' jlajak in'wet ti anechiyas ji'wet, jitieyi'i 'neje jaka 'wolepo 'woma, je titieyeje ka tetitina kajeyepa 'loj. Lemiyeyi ape'e 'yina ti jawaka jla'am ji'wuye, 'yina wisiuk jik'ase'l inijwankitisiamk'i.

Apocalipsis 7:9 Iomraidhean Croise

Lucas 12:1

Jlampa 'lojwat'ipi papo i'nio', ti initotisiji siupa yiyits'i, jla'm ini'nomajliyis. Jesús iniajnat papo t'eyasajnas ti iyone'ate: —Joskiyeyi napo Fariséojos ti je ijiat pa kanjwelis, ti iyo 'ate ni woyejes ijliasat pijia'm.

Lucas 21:36

Ká anikiwalinitie, 'wenajliyi ka awoye asts'ajlayeja' tejwa niwa jlomas, 'nakayeyijna'a ti asjweye japoye, jla'yi ti jajwayejyi wikie'eyi niwaka ajwel'ni ja'wena', jant'emina'a ka akajlayi ka aye jitieyi'i ni I'nio' Jlas.”

Romanos 11:25

I'lijwas, po' siunie Sinia' 'yakajanitk'i'm ti awotajank'iye pet ka ijwi'lase'm, 'nakayi ti ja lajak'i pet pa ka ijwel ka ijiatayiji ka 'naja'n ti asa'am. 'Naka 'ni siu'nie: ti Israel jika kia'lis jwajla'a ti int'onit kawoyi ni siunie iyo ni Sinia', 'nakayi ti siunapo je Judíojos ja pajlataja'm pet siunie injwajieti.

Efesios 6:13

Tempi it'imina ti kiak awo'nase ti ajlo'wase'm, ka kimayi niwaka askio' jlele ti janiwakajlanitie ta'a. Jak je iyoyiji siuti jane'yase janak jloma ti wuj ti je 'es jatoma'yi ilia'm siupi jawoyeyi. Jak je iyoyiji ti jitimayi ti jinilana', ijiate je t'ikiyejyi pit siunie jiwoyeyi ti insisie, kajeyepa ti ast'oni po'.

Hebreos 11:12

Abraham ti majleyet'iyijpe ka netia'n, jlampa itimayi siupapo jilis t'ipi ti je jlase', ti ti'yenajap siuniwa katese'l ts'iji poliyi, siu'neje na jolo' jikiusk'i ni i'niat lajlik'i, ti je titieyeje ka tetitinak'i.

Hebreos 12:22

'Yina jlampet ti asa'am 'wenayi pet ni siunie jiniojwayiji, janaka pet siojona Sión ti kia'iyo tikijnaki ti jiniojwayiji, siu'neje jana isi' Sinia' ti je paj ka netia'n ji'wet pet, siojona Jerusalén ti yi' poliyi. Siu'neje ti jiniojwayiji siojopo injlojwajnas poli jlele ti je pini' ti iyunitie pi Sinia'

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 22:3

'Yina ja lajak'i'ne siunie Sinia' ine'ne paka jiwet'iaye. Lapakawo ti siojona ji'wet ni Sinia', siu'neje ni 'wolepo 'woma ji'wet ti 'es, sek jane'yi ti janejyi jlajak isi', siunapo jikawos janwunitis pet ni Sinia'.

Apocalipsis 3:18

Tempi it'imina ti kiak awo'naja ti ajwe'la'm, ti awo'ate, Mayi siu'nie yik'i wikinie maja ti 'najli ti tajla'm ni jwat ti tilisanaja, ja 'nakayeyi ti ja ijiatak'i ti jwajla'a ja'we'en. 'Yina mayi 'neje siu'niwa lotakijnies lemi ti yik'i, 'nakayi ti japoye pa jap'one atepe'e, kajeyepa wuj ti ts'ajwej'la ti i'najleje'n. Sek jane'yi ka akieyijna'a siu'nie inkakie' yik'i, ti jatojnata'm niwa atate, sekjane'yi ka 'esieyijinie'e ka 'yen kisie'e.

Apocalipsis 4:4

'Yina a'we'n 'neje jawa veinticuatro siu'niwa ti kia'iyo anechiyasas ji'wetis ti iniujwape'n jlajak anechiyas ji'wet, yiyits'ik'iji'n siunapo i'nio' ti jwajla iyoyits'i'ni ti ji'wuye lemi 'najli, 'yina jlete'l 'yutiamk'i siuniwa tiwenajamk'i siunapo ti kia'iyo t'ank'i pijia'm ti ji'wajiet wikinie maja ti 'najli.

Apocalipsis 5:11

Jlampa yama'niji kiaka, sekyi'i ti a'yena'aja pijia'm. Ape'yayi ni jla'lap iyo japo injlojwajnas poli jlele ti 'loj ti je titieyeje ka tetinak'i, 'yina yikiajlasiapen'ni siujlieja anechiyas ji'wet, siu'neje jawa pini' Sinia' jilisajna' jitiete 'lo'weje'n, siu'neje japo i'nio' jwajla'a iyots'i'ni,

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.

Apocalipsis 6:11

Sekyi'i ti tijwankitajamk'i'ni jawa ji'wuye ti lemi ti t'ojienak'iji'n. Sekyi'i tiwonajayi 'ate: —'Esiji ka k'iuyejiap, ka ijnojlia'm ni janojwaja'm siunapo as'lejwas yiji ni jikijmaye ni Sijwajieti ti ja tiwonaja 'ate iyo ni siunie tiwona'ase ti inlanajajyin'nijpe.

Apocalipsis 7:8

Jlampet siunapo tajla'm pet napo Zabulón jika kia'lis doce mil. Siunapo tajla'm pet napo José jika kia'lis kia'iyojliyi ni nojwa'm doce mil, 'yina jlampet napo tajla'm napo Benjamín jika kia'lis kia'iyo doce mil.