Apocalipsis 6:2 - Sinia' Jlamtis 1994

² 'Yina ti a'yenayi, a'wenayi ja a'lenta lemits'i. Jlampet siojo yi' ape'e jiliusie ni losie a'la'. Sekyi'i tiwenajaja'm siujlie'e tiwenajam'ni siu'nie t'an pijia'm ti tena jletik'i, siuti yama 'yakajayi'i'ni ti jlam ti pajk'i ti t'an pijia'm ti jantatek'i isia'm papo jitiejiejwas.

Apocalipsis 6:2 Iomraidhean Croise

Mateo 28:18

Sekyi'i Jesús ijliasayi, iyo'ne 'ate: —Inia' yikialk'i ka iyo anechiyasa' ape'e wikie'eyi siuniwa yi' poliyi, siu'neje niwa yi' ajnat'e.

1 Corintios 15:25

Jana'an ti Sijwajieti jane'yiji'n jana ji'wet ti jawo anechiyasa', paj ka kia'iwoyenie'e siunie jawoyi ti Sinia' janen kiajwe siunapo jikojwas.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 11:18

Wikie'eyi napo i'nio' yijits'i niwa ajnatis jwesis, 'yina jlam'ne yiyi pet siojona jloma ti awak yiji, ja'ye'en siupi iyo siunapo ti pajk'i ti 'yajle'n. 'Yina siunapo ajwejlanawos, napoka ti ja en jikiojyi siojona ti i'yakanis, wikie'eyi 'neje siunapo ti aka kia'lis, siu'neje napo ti inwunit, 'wanjliyi ka napokaye siunapo i'nio' ti jle' po' ti anechiyasas, napoka 'neje siunapo ti i'nio' jiniliaja ti lajk'iyi paka woyi. Kia'iyo janetiajnat napoka i'nio' ti ikajyijne'n 'ni ajnat.”

Apocalipsis 14:14

Siuti itiej ekiajla'aja pijia'm, a'wena jlaja poli ti lemi, 'yina po' siojo yiji'n ape'e, ti 'yiniye pa i'nio'. Yi'ne jlaja jletik siojo tena jletik'i na i'nio' ti t'an pijia'm ti wikinie maja ti 'najli, 'yina po' 'neje siujlieja yin'ni jikiojyi ja sijnat soyojia'm ti 'yakajla'm.

Apocalipsis 15:2

'Yina a'we'en ja siojo iyo'ate ni i'niat lajlik'i ti ijiat ti 'esi' ti intaj jlal tijwayiji'ni siojo ti jwat ijlijni'ni. Jlam'ne pet siojopo ti pajk'i ti itietisi isia'm jak pinitiok, jaka 'neje jla'am ni jipe'el titewitanajak'i, siu'neje jlaja jijwukis ni jle', takasitk'i ape'e jaka siojo i'niat lajlik'i ji'woso'l siojowa t'aka 'lojk'iji'n ijwienjlijamk'i ti pajk'it'ipe ti Sinia' yikiajle.

Apocalipsis 17:14

'Yina papoka'ne ti janilanisi ni 'wolepo 'woma. Siunie 'wolepo' ji'woma, siu'neje napo je iliyi ni Sinia' jla'yi ti pajk'i ta'a ti isi'mik'i, siu'neje ti tanits'i, kantojmatayisijna'a isia'm papoka. Lapakawo ti siunie 'wolepo 'woma naka ti yi' ape'e papoka inka'nionas, siu'neje papo anechiyasas, kia'iyo jika anechiyasis pet.”

Apocalipsis 19:14

Sekyi'i t'asayijk'i siojopo tokis 'loj poli jlele, ji'wuye jawa lemi ti laj jit'iojliye, siojowa jiliajwas a'lentas ti yik'i ape'e kia'iyo lemits'iji'n.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.

Apocalipsis 9:7

Jawak kio'ol je jilis iyo'ate niwa a'lentas siuniwa inwak jiwos. Po' siuniwa yik'i ape'e niwa jlete'l iyo'ate iyo siujlie'e tena'a jana anechiyas jletik. Jlampet siunie jitiokio' 'yiniye pet ni i'nio' ni k'iejliyi.