Apocalipsis 6:11 - Sinia' Jlamtis 1994

¹¹ Sekyi'i ti tijwankitajamk'i'ni jawa ji'wuye ti lemi ti t'ojienak'iji'n. Sekyi'i tiwonajayi 'ate: —'Esiji ka k'iuyejiap, ka ijnojlia'm ni janojwaja'm siunapo as'lejwas yiji ni jikijmaye ni Sijwajieti ti ja tiwonaja 'ate iyo ni siunie tiwona'ase ti inlanajajyin'nijpe.

Apocalipsis 6:11 Iomraidhean Croise

Mateo 10:21

“Jajwi'lase'm, siunapo ji'niayi ijwienjli janekiajlayinie'e napo ijia ni jiliayeja', kia'iyojliyi siunapo jiniewot inekiajlayinie'e ni jiliaye napo jilis. Siunapo jilis inapilie'ena'a napo jiniewot ti jawo ka ilajne'n.

Lucas 15:22

Siupa jinia' tanak'i'ni papo jikawos ti iyone 'ate, “Jlam wonayi'ni 'ate, woyejyin'ni siojo lotakinie 'es ka 'ojienats'i. Woyejyin'ni japa jijwukijniesa ka 'otiek'i jana jijwuki, jisieti kia'iyojliyi 'asa'najyits'i.

Juan 16:2

Awojlitieje ti japoye jana jloma ti ja ijnotiejak'i kisie'e ti ja intajlajayi kiajwe niwa 'najla'wetis. Ja'wena'ajyi ti japoye siojona jloma ti japoye napo ti asama ti ja tilianaja'm, siupapo janlanajyi'n janjwelis ka pakaye Sinia' ka inoyeje siupi iyo.

Hechos 20:24

Ejlojli wekie'e, 'yina je awoyi yitinikie' niwaka, kajeyepa ka ikajli wata'a ts'iji ka yitak'i siu'nie yaj jane'yi, siu'nie awo ti akk'i, jla'yi ti aki ni inka'niye ti tajle ni Sinia', siunie Saka'niona Jesús yikialk'i, naka ni Sinia' jikap'ijliuskiye. Wuj ti ts'ajkaj'ni ti kia'iyo.

2 Tesalonicenses 1:7

ti janeyi siunie jloma ti ja'naka'aja pi Saka'niona Jesús ti jantal poliyi. Sek jane'yi ti janinop'itayi ni iyo ni asjlak'ali, iyoye pet 'ate awoki. Siunapo jijliujwajnas poli jlele ti jlame ti jijweye po', napoka ti janamik'i, jla'yi ki jawo ti jane jikiowe'e pi jwat ti jank'ayi'ni,

2 Timoteo 4:7

Wuj ti 'es ti anila'an ijwiye po', lapakawo ti ats'i ni jlaj yi'i 'ni 'nayi ni anok'i. Kajeyepa wuj ti alesaniji siu'nie awoyi ti 'es.

Hebreos 11:40

Lapakawo ti jlam pajk'i ta'a ti itime ni siunie ti jla'm ijiate jla'am ti 'es ti 'yiniye ka k'iujwsajap. Jak je iyoyiji siuti kia'iyo ti yiye siwa'm, sekyi'i ti jiwekie'aja pet ti yin wita'm siunie ti ijiate ti lajk'ipa ka inetia'ne.

Hebreos 12:23

siu'neje napo Sinia' jilis ti iniajnat ti kia'iyo ti nojwisiji, ti t'etaja'ak'i niwa jleyis ts'iji poliyi; siu'neje ni yi'i jla'am pi Sinia' ti jla'am ti i'ye'en napo siupi iyo; siu'neje ti jiniojwayiji napoka i'nio' ti isis ti yin wita'm siunie 'es ti iyoyi.

Hebreos 4:10

Jak je iyoyiji siuti po' ni 'yuyi janak ajnat, nak ininop'itayi pet ni jikijmaye, iyot'iyipi pet pa Sinia' ti kia'iyo ti ininop'ite pa jikijmaye.

Apocalipsis 10:6

ti iyo'ate: —Siunie i'nio' ti je 'ya'al ka paja, jilisanik 'ni ajnat siu'neje 'ni poli siu'neje 'ni i'niat lajlik'i, wikie'eyi siuniwa wask'i'nelaja ni jlele pet 'niwaka, ji'lij iwink'i'm kayo'ate, “Yik'i kiwa jlomas.

Apocalipsis 13:15

Jaka siojo tomi pijia'm pinitiok jijweye tiwenaja'm ka jiyel ijnojwata'm jaka jipe'el ja pinitiok siojo inia'an, 'nakayi ti jantamti. Jankajliunieyi ka tilianaja'n wikie'eyi siunapo je iyo ka t'opiyi kiajwe ka ijnonitis.

Apocalipsis 14:13

Jakayi'ne ti ape'yayeyi pa ina'lap tom poliyi, ti iyonk'i 'ate, ti ijliuyijk'i'm: —'Ete'e siu'nie: 'Nakayi, jajnok'i'ni ti kiak jawoyi ti Sinia' jikap'ijliuskiye janeyi napoka ti 'yajlap ni Sinia'. 'Yina siojona Sinia' jikimet ti 'es iyo'ate: —Ijiate, lapakawo ti niwaka jla'am niwa iyoyisi ti je niliaja, 'yina niwaka'ne ti jant'emina ti janinop'itisi ni jikijmaye.

Apocalipsis 17:6

Sekyi'i ti jiwekie'aja ti atejnisie jlajak i'nioki ti jitiej je 'esi, ti ijiume pa ji'woyis siukiapo Sinia' jilis t'ipi, siu'neje kiapo ti tenaja ape'e ni Jesús ti iyoyi jlamtikie' ti tilianaja'n. Ka iyojliyi pa ti a'wenayi.

Apocalipsis 7:14

Akiujlie'ne pet ti awo'ate: —T'eyi, 'ni ika anechiyas, a'm ti 'najane. Ijwilk'im'ne ti iyo'ate: —'Napoka siu'napo ti tijwajyi siukia ti ijiat ti a'tiek'i jijliak'ali, siu'neje ti pajk'i ti ilij niwa ji'wuye ti iyoyisi jika kieye siunie ti ilimijietis naka 'wolepo 'woma ji'woyis.

Apocalipsis 7:9

Yam pet 'niji kiaka, ti a'yenayi, a'wena napo ¡ok! ti tajlits'i wikie'eyi niwa ajnatis, i'nio' siunapo jloniye 'wenayiji siunapo ji'lija 'wenayi. Takasitk'i ts'e yi' jlajak in'wet ti anechiyas ji'wet, jitieyi'i 'neje jaka 'wolepo 'woma, je titieyeje ka tetitina kajeyepa 'loj. Lemiyeyi ape'e 'yina ti jawaka jla'am ji'wuye, 'yina wisiuk jik'ase'l inijwankitisiamk'i.