Apocalipsis 3:7 - Sinia' Jlamtis 1994

⁷ 'Yina iyo'ne 'ate: —'Ete'e kiu'ujwe siu'nie ti jajloyi siunie jijliujwanik napok Sinia' jilis yiji jana Filadelfia: “Iyo'ni siu'nie Sinia' 'yotat, siu'neje ti nak yiyi siojona anechiyas David jika 'wuk kiwet jikie'e. Ni siunie etie jla'm ka 'najlinitia'm ja lajak'ipa ka imp'ojna'm, siu'neje ti jlama ka imp'ojna'm kiak jawo ja lajak'ipa ka 'najlinitia'm.

Apocalipsis 3:7 Iomraidhean Croise

Mateo 16:19

Jayikiaj'la siuniwa 'wuk kiwet p'ot jikie'el ni jika anechijiayas ni Inia'. Ja k'iejliyeyi pa jawone ti jawone 'ate napo ika kia'lis, “Wuj ti je 'es ka woyi”, Inia' kiak jawo'ojyi jlajma ijiatayi ti ja ke iwo. Ja k'iejliyeyi pa jawone ti jawone 'ate napo ika kia'lis, “Nak ijiate jla'am ka woyeyi”, 'yina Inia' kiak jawo'ijyi pet jawoyi, ti jankiujlie.

Mateo 24:35

Siunie poli siu'neje 'ni ajnat janetia'n, 'yina jlampet niwa yamtis ja ke paja ka inetia'n jla'am.

Marcos 1:24

—¿Yot'iyi'ni ti jit'iuts'e, Jesús Nazaret jlele? ¿Jlamt'e jiniamats'e ti ja kasnetiajnat? Kastant'ie'a, ti a'm Sinia' jlasts'a'm ti i'nes.

Lucas 1:32

Janakaye ni siunie ti ja ke jlasiye ni jijweyeja', jle' ja tiwonaja 'ate Sinia' ti Wuj Jlas. Saka'niona ti Sinia' jawojwa'n anechiyas wujwa, jawo'ate siupa tajla'm jla'am David, anechiyas t'ipi,

Lucas 4:34

—¡Kasse'nate! ¿Yot'iyi'ni ti jit'iuts'e, Jesús Nazaret jlele? ¿Jot'imi ka kastej'we ti jlots'e? ¡Sitiant'ie'a ti a'am ti Ina' i'notat!

Juan 14:6

Jesús iyo'ate ti isiujlie: —Yam 'nayijk'i'm, siunie ijiatk'i, jla'yi ti ya'am ti in'wasankiyek'i'm. I'nio' je i'yakane pi Sinia' ka siliejk'i.

Hechos 3:14

Jlam'ne ka 'yasanayi ka tiniujwana kisie'e ti jlam ti 'es ti Sinia' 'yotat, 'wenajliyi pa i'nio' siupa kalankijieta, pak ji'yasanayi ka tiniujwana kisie'e.

1 Jn 5:20

Siunie ti 'nes t'ipi pi Sinia' jlas, ti kastant'iejeniti pi Sinia' ti ijiate jla'am ti Sinia' kiak iyojliyi. Kasjwanjliyik'i siunie ti ijiate, ajwe'el ni jlas Sijwajieti Jesús. Jla'am ijiate jla'am ti Sinia', siu'neje ti in'wasankiye ti t'o'n.

Apocalipsis 1:11

ti iyonk'i 'ate: —'Ete'e siuniwa ji'we'en, 'yina e'ne pa imp'esinikie. Sek jane'yi ka jloyeyinie'e siunapo Sinia' jilis yiyits'i siuniwa ji'wetis ijwienjli sikio' itij'we times tom'niji yiji janaka ajnat Asia: Sinia' jilis yiji jana Éfeso, siunapo yiji jana Esmirna, siu'neje jana Pérgamo, siojona Tiatira, siojona Sardis, siu'neje jana Filadelfia, janaka 'neje jla'am siojona Laodicea.

Apocalipsis 1:18

siu'neje ni 'wasa'n. Ijiate ti ts'alpe, 'yina 'nakayi si'wasa'n, jajiok'i'ni ti ja ke sinitia'n. Yam'neje ti yik'i siuniwa jikie'el ti t'ajlinitijaja'm janak 'najlati jika anechijiayas.

Apocalipsis 1:5

'Yina tajle 'neje ni Sijwajieti Jesús siunie jika'niyewo ti 'es, jla'am ti inia'an ti yapi pijia'm ti tajli pi a'no', siu'neje ti wikie'eyi siunapo anechiyasas yi'ne ajnat'e ti jika anechiyasis. 'Namats'e pa Sijwajieti, isia'ni pa ji'woyis, siu'neje ti 'ya'al, 'yina lapakawo ti iyo ka kasjwajiete siuniwa sakeyis.

Apocalipsis 15:3

Takelisiejne'n, 'yina yilisisk'i siukia Sinia' jikawo Moisés jika'le, jika'le 'neje ni 'wolepo 'woma, ti iyo'ate: “Saka'niona, Sinia' ti lajk'ipa ka ijnojliji, wikie'eyi siunie jiwoyi je jlase' ni iyo, siu'neje ti ijiate ti 'es. A'm ti siuniwa ajnatis jika anechiyasts'a'm, 'yina siuniwa a'najia tijnajyits'i siu'neje ti je tak'emiyeje wek.

Apocalipsis 16:7

Sekyi'i ti ape'yayeyi pa ina'lap ti tome jlaja altar ti iyo'ate: —Ijiate ni Ika'niona, Sinia' ti lajk'ipa ka ijnojliji, 'yina siunie sajkinaye iyoyi tijnajyi, siu'neje ti je kak'emisie'n.

Apocalipsis 19:11

Sekyi'i ti a'wena ni poli ti inilajna'm, 'yakaja 'ni a'lenta lemits'i, jle' iyo'ate siojo i'nio' yi' ape'e ‘Ijiatk'i jla'yi ti Je Tak'emisie'n’, kajeyepa ti tijnajyi siunie ti 'yakajanit'i ape'e ni i'nio', siu'neje ti inila'an.

Apocalipsis 19:2

Tijnajyi siunie ti i'ye'en ni i'nio' pi iyoyi, siu'neje ti je tak'emisie'n jiwek, 'yina isie'e siojona asejnia ti ijia jwa'yis jiwoki ti ijiuski'la'n, ti siunie ajnat init'ojliniti ni jloski'la iyo; iyoyi pet lajaye siukiapo Sinia' jilis mases ti iliajne'n.”

Apocalipsis 2:1

'Yina iyone'ne 'ate: —'Ete'e siu'nie, sek jane'yi ka jloyeyinie'e siunie jijliujwanik pet siunapo Sinia' jilis yiji jana isi' Éfeso: “Jlamtis siojo ijwienjli sikio' itij'we times tom'niji jawa katese'l siuniwa yi' poliyi itiujmat 'niji jijweye ti isi'me, siu'neje ti yikiajlin'ni jikiowek'i siojowa ijwienjli sikio' itij'we times tom'niji katese'l ji'wetis ti wikinie maja ti 'najli.

Apocalipsis 21:5

Sekyi'i siojo yijijyi'n jlajak in'wet ti 'es iyo'ne 'ate: —'Ye'en, awojwa'n ink'iejyisa' wikie'eyi niwa wask'i'nelaja. 'Yina iyonk'i 'neje 'ate: —'Ete'e 'niwaka, 'yina jla'm ijiate wek jla'am ka je inkakiuni napo i'nio', kajeyepa ti je tak'emisie'n.

Apocalipsis 3:14

Jla'm iyojli 'ate: —'Ete'e kiu'ujwe siunie ti jajloyi ni jijliujwanik napo Sinia' jilis yi'i jana isi' Laodicea: “Iyo naka ni siunie ti 'yakajanit ti jlam je iyo ni siunie iyo ni Sinia', siunie Sinia' jikawo ti inka'niyewo ti je tiwonaja, naka 'neje ni siunie ti ijiatk'i, jitis 'neje wikie'eyi siuniwa Sinia' jilisajna'.

Apocalipsis 4:8

Siojowa ijniujlits'i pini' Sinia' jilisajna', kiajatak'i ti kia'iyo ti ijwienjli sikio' itij'we ijwienjli tom'niji 'niwa jijwesis, 'yina siojowa jitiete'l itijwk'i, po' jawa ti yi' kisie'e, po'neje jawa ti yi' jitiowaja'm. Jlomas itijwe ajnaj kia'iyojliyi ti je mamiyisie ti takelisiejne'n, ti iyoyis'ni 'ate: “¡'Es, 'es, ijiate ti jlam 'es, 'ni Saka'niona, ti lajk'ipa ka ijnojli, siunie ti po' ta'a ti 'nelanjie'e, siu'neje na ti jla'am siunie 'naka, siu'neje na ti ja 'nejts'eje!”

Apocalipsis 5:9

'Yina yilisisk'i siu'nie inka'le ink'ie' ti iyo'ate: “Jla'am je jiwo ti jiki'me ni siunie imp'esinik ti takapajlatak'i, 'yina ti 'yu'wa'm a'm, siu'neje na ti jilie'nik'i siuniwa t'etiejek'i ape'e ti inamtis yi'i ti it'imina ti je 'esiji paka inlajna'm paka i'nio' jiniliakie. Lapakawo ti pajk'i ni siunie tiwona'aja ti inlana, siu'neje ni a'woyis ti tisa'ni, ti jikat'ini ape'e ti jleki napo i'nio' ti tajlits'i wikie'eyi niwa ajnatis, siuniwa wus siu'neje niwa je wus, i'nio' ti inijle'en niwa jloniye iyo, siu'neje niwa ji'lija iyo, 'nakayi ti jawo pet Sinia' jilisa'.

Apocalipsis 6:10

Jla'lap ijiok'i'ni ti iyoyits'i 'ate: —Ika'niona ti lajk'ipa ka ijnojliji, a'm ti i'notataje, siu'neje ti je tiliakiki'a'm. ¿Tepat'iyi pet ka'ye'en napo i'nio' yi' ni ajnat siunie iyoyi, ka awo pet sajaye siunie tiwonats'e ti kaslajne'n?