Apocalipsis 3:3 - Sinia' Jlamtis 1994

³ Ataj wunitie siunie inka'neyasajnaye tiwena'ampe pet, 'yina wo ajosik ink'ieye. Jlampet ti ja ká aleyi ti jama'ni, ti ja ke atejnisi'n its'ioye, jayo'ate ni kajlajnata ti jasiowa'la ti jayik'ia.

Apocalipsis 3:3 Iomraidhean Croise

Mateo 25:13

Jesús yine'ne ape'e ti tamti ti iyo'ate: —It'imina ti kiak jayo'nase, ká anikiwalinitie, 'yina ti je 'najanayi siojopa jika jlomaye, tiwet'ianaja ka japakataja wek japa inetitinki ka 'najanayi paka wonayi.

Marcos 13:33

“Tempi it'imina ti awo'ate, ¡Ká anikiwalinitie! Ká amayets'iji'n, ka je iwopa ti je 'najanayi paka wonayi japak jlomaye ka kia'iwotajanie'e.

Marcos 13:36

Ká anikiwalinitie, 'lojwinie'e kaneyi astepe'e ka mayets'iji'n ti janesi'lieta.

1 Tesalonicenses 5:2

Je iyo'ate ka je 'najanayi siunie jawo, ka inapitiemet jawoyena'a 'ate ni kajlajnata, ti ajnaj pet ni ininejni ti 'nese japa 'wuk ti iyo ka inkajla'n. I'ye'en ti je itijnisk'i wita'm papo jika'nionajas.

1 Timoteo 6:20

Timoteo, 'esiji ka lesaniji ni siunie Sinia' 'yaka ti je isiwita'a'm ti jawoyi. Ká ak'iuk'i'ni niwaka inamtis jiniliaja ti taj'l ape'e 'ni ajnat. 'Najane ti lajk'ipa ka 'esie ka intajleje, ni'ne ka niwakaye siuniwa wuj ti je isis iyone'ni 'ate napo i'nio' “'najankijnieye”.

2 Timoteo 1:13

Siuti jika'neyasanata, woyi siukia ti awoyi ti 'es, ti pajk'i ti 'eyasane. Ja ke inets'e japa kajlomaye ka leyi siunie 'es ti awoki, siu'neje ni iyo ni semijnaye ti yits'e ti ani'nopijietaja pa Sijwajieti Jesús.

Hebreos 2:1

Tempi it'imina ti je 'esiji ka jla'm iliakiki'i jiwek siunie ti ajwela ka 'yena, siunie ti pajk'i ti ape'yak, 'nakayi ti 'wena ja ke 'yasapa'a siunie si'niayi.

2 Pedro 1:13

'Yina ts'ajane pi awone ti ja ke pajayi wata'a ja sinitia'n, iyonk'i ja Saka'niona Jesús ti Sijwajieti ti ijwilk'i'm. 'Yina ti si'wasanjli kiu', naka isimet ti jayoyi ka 'yiyasanajyi'n ka je inkiwaliyeyi'i siu'niwa ajwe'el.

2 Pedro 3:1

I'lijwas ti yimijna', 'nak timesieyiji ti ip'isinik atajiet'ase'ni. Siu'nie ip'isinik, siu'neje ki anajnat ti ajlo'ase, je k'iejliyi pi jikiechaye ka iyo'nase naka ti awokta pet asosikie' ka ijiatayi ti jajnajyi ni astankiujnieye.

2 Pedro 3:10

Siunie jawo pi Saka'niona ti janapimet jawo'ate ni i'nio' kajlajnata ti yisi'liet napo i'nio'. Siuti janetiajne'n ni poli, ja ke jlasiye ni jla'lap janwo, janakayena'a pet ni jwat ti jantejwk'i'ni wikie'eyi siuniwa yiji ni poli, jwat jantojwits'i. Sekjane'yi 'ni ajnat, siu'neje niwa yiji, Sinia' ja ke injla'an ti jan'ye'en pet.

Apocalipsis 16:15

(Saka'niona iyo'ate: —'Yejne'n, jayapimet jayo'ate iyo ni kajlajnata ti yisi'lietk'i napo i'nio' ti iyoyetaja ni jikajlajnaye. Jak je iyoyiji pet siunie je inikiwalinit, je jlase' pet siunie awone ti e'ne ni ikap'ijliuskiye ti 'es, siunie ti itime ti ilisank'i niwa ji'wuye ti ja'nots'iji'n, 'nakayi ti ja ke i'najleje'n, 'yina ja lajak'ina'a pa ka k'iejliyeyi ka t'ajwejli ineniji ka i'nistana'a.)

Apocalipsis 2:5

It'imina ti awo'ate, ataj wunitk'i siupa jle'yi ti inoyeyiji'n,, 'yina wo ajosik ink'ieye, woyi siu'ujwe siukia jiniwone ti 'nelanjie'e. Siuti ja ke awoyiyi, jijwel ka je ijio'wa, ti ja'yikisa'na, sek jane'yi ka ijiala'ajna'a siojona aka katese'l ji'wet ti jatiajla'ne ni yi'i, siuti kiak jawoyi ja ke inkajlaja ka wats'ilati siunie jiwoyi.

Apocalipsis 22:7

Iyo'ate, “¡Ja ke paja its'ioye! ¡Ikap'ijliuskiye yiyi siunie ti its'iuye ni inka'niye ti yiji siu'nie imp'esinik!”

Apocalipsis 3:11

“Ja ke pajayi wat 'yina ka'nisana'a. Lesaniji siojona tena pet akiojyi, 'lojwinie'e ka poye paka intal 'niji ka ijnala akiojyi janak a'wajiete siojona tena'ni jletik'i siunie i'nio' je titieyeje'ni ti tiliaki'n.

Apocalipsis 3:19

“Awo jlosikisie' siu'neje ti isio' e'ne wikie'eyi siunapo ti ts'amaja. 'Yina siuti kia'iyo jwajla'aja pakawo, wo ajosik ink'ieye.

Apocalipsis 3:2

Siuniwa jiwoyi jitieyi'i ni Inia' je ijniul wita'm ka ijiatayi ka 'esie. Jak je iyoyiji ti awo'naja 'ate, ká ama'a, 'yina ekiajle kiu'ujwe ka wo jweyeja' siuniwa 'wanjle'e, ti je pa itioyetajak'iye ti jota ka inetia'n.