Apocalipsis 3:18 - Sinia' Jlamtis 1994

¹⁸ Tempi it'imina ti kiak awo'naja ti ajwe'la'm, ti awo'ate, Mayi siu'nie yik'i wikinie maja ti 'najli ti tajla'm ni jwat ti tilisanaja, ja 'nakayeyi ti ja ijiatak'i ti jwajla'a ja'we'en. 'Yina mayi 'neje siu'niwa lotakijnies lemi ti yik'i, 'nakayi ti japoye pa jap'one atepe'e, kajeyepa wuj ti ts'ajwej'la ti i'najleje'n. Sek jane'yi ka akieyijna'a siu'nie inkakie' yik'i, ti jatojnata'm niwa atate, sekjane'yi ka 'esieyijinie'e ka 'yen kisie'e.

Apocalipsis 3:18 Iomraidhean Croise

Mateo 13:44

“Siunie Sinia' jika anechijiayas nak iyo 'neje 'ate siojona wikiniet'aj ti tijwekiet'ijyimpe ti yiji pa inwasok ajnat kiajwe. 'Yina po' ni i'nio' ti ijyiwit'e, siunie i'nio' wuj ti inkaj'ni ti i'wi'in, ti iyoyeyi ka nek yikiajla'aja siupi yi'i. Yama ti yapili puwa jikijmatis ti janwen'ni, sekyi'i ti yamayi siupa ajnat yi'i japaka.

Mateo 25:9

'Yina iyo'ne 'ate siupapo je isiwali, ti isiujlie papo ijia, “'Wanjliyi je awena'ase'm, 'lojwinie'e pet ka je inesajap, jla'yi pet ti asa'am kiak jawo ja ke ine'yi asap. Maj ka joyeyi siunie yi'i ni iwin'ni ni kates t'e', mayeyi siupi k'ie pi jisitiana'.”

Lucas 12:21

Jesús yiyik'i ti kiak t'ipa iyoyeyipi: —Kiak iyo siunie i'nio' ijios niwa jikijmatis siu'neje ni jlak. 'Yina Sinia' naka ti iyone'ate, “Wuj ti p'ijliusie.”

2 Corintios 5:3

Ja 'nakayeyijna'a ti janakaye ti jamp'o'n sitipe'e, jawo'ate ni si'wu', ja ke kas'najliyek'ijinna'a.

2 Corintios 8:9

Jlam'ne 'najanayi pi jiwonayi pa Saka'niona Jesús ti Sijwajieti siunie kiak iniwone, ti iniwojwa'n 'ate siunie p'ijliusie, jlam'ne ki iyoyetaja ti jwajla'a je isitia'n. Lapakawo ti ijiateje ti kasp'elisijne'n, 'nakayi ti ja'nesieyi siuti kiak iniwone astepe'e ti iniwojwa'n p'ijliusieja', jawoye pet 'ate siunapo ti ijiate ti jwajla'a je isitia'n.

1 Timoteo 6:18

Siuti jajloye, wone'ate, “Woyeyi ninta 'es. Siunie jiwoyeyi ti jwajla'a je sitiana, nak 'yenajiap siuniwa askijmayejes ti isis ti jawoyeyi. Ke enieja'm siuniwa askijmatis, pi jane'yi pet pa jawenajia'm.”

Santiago 2:5

I'lijwas, asam ti yimijna'ase'm, k'iuyek'imna'a siu'nie jayo: jlam pa Sinia' siu'nie iyo ti ijniejiet'e pet napoka p'ijliusis ajnat'e ka inkasaja pet. Siuniwa jikijmatis niwaka siunie jitienkiujnieye ti 'es. Janekiajlayinie'e pet ni siunie ti pajk'i ti ijwi'il, ti ijwijla'm siunapo ti yimi'n ni Sinia', naka ti ja jikimitayis siunie jikimet ti iyo anechiyasa'.

1 Pedro 1:7

Kajeyepa siunie astankiujnieye ti 'es iyo'ate janak wikinie maja ti 'najli ti tejlitaja, ka ti'wena ka 'esie, ni'ne ka jeye. It'imina ti ijlionayis napo jiwos. 'Yina kiak iyo'nase pet siuniwa inkajejlasaye ti ijio'wase, 'yina jla'm ijiatayi ti laja 'yaka'm ape'e janak wikinie maja ti 'najli. Siuti jatoma ilia'm, nak jant'emina ti asnikanitieyi japoye, siu'neje ti ijnonitieye ja tena'ase'm, ka inikajanittiejna'aja pi Saka'niona Jesús ti Sijwajieti.

Apocalipsis 16:15

(Saka'niona iyo'ate: —'Yejne'n, jayapimet jayo'ate iyo ni kajlajnata ti yisi'lietk'i napo i'nio' ti iyoyetaja ni jikajlajnaye. Jak je iyoyiji pet siunie je inikiwalinit, je jlase' pet siunie awone ti e'ne ni ikap'ijliuskiye ti 'es, siunie ti itime ti ilisank'i niwa ji'wuye ti ja'nots'iji'n, 'nakayi ti ja ke i'najleje'n, 'yina ja lajak'ina'a pa ka k'iejliyeyi ka t'ajwejli ineniji ka i'nistana'a.)

Apocalipsis 19:8

'yina Sinia' iyone 'ate, “'Ots'i siunie lotakinie ti lemi siunie je t'ojli, siunie ti intaj jlal je ijwi'yi, 'yina naka ti ti'yenajap siunie askijmaye ti 'es ti jiwoyeyi ti asa'am ti ika kia'lits'ase'm.”

Apocalipsis 2:9

ti iyo'ate, A'we'en siunie ti ijiat ti jinilayiti siu'neje ni ap'elisieye iyo, 'yina awo'ate ti ya'am 'nakayi je imp'elisie. Ts'ajane pi awone ni siunie tiwona'a ti injwela ka je i'nes siunapo ijwil ka Judíojosa, 'yina jla'm iyoyisi; sitiejiejwa imosik jilis nak jla'm ijiate jla'am.

Apocalipsis 3:17

Jlampet siuti jiwo'ate, “Ts'ajkaje, lajk'ipa ka isitiane”, 'yina nak je 'najane pet paka wone ti ijiat ti jwajla'a je 'we'n, laj ajaye, imp'elisie, ti je 'wejne'n siu'neje ti i'najleje'n.

Apocalipsis 4:4

'Yina a'we'n 'neje jawa veinticuatro siu'niwa ti kia'iyo anechiyasas ji'wetis ti iniujwape'n jlajak anechiyas ji'wet, yiyits'ik'iji'n siunapo i'nio' ti jwajla iyoyits'i'ni ti ji'wuye lemi 'najli, 'yina jlete'l 'yutiamk'i siuniwa tiwenajamk'i siunapo ti kia'iyo t'ank'i pijia'm ti ji'wajiet wikinie maja ti 'najli.

Apocalipsis 7:13

'Yina ijwienjli'ne siojo si'yase'n siojopo i'nio' ti jwajla'a iyots'i'ni, ti iyo'ate: —¿Ten 'napoka 'napo ji'wuye lemi? ¿Tepa tajli?