Apocalipsis 3:15 - Sinia' Jlamtis 1994

¹⁵ Wikie'eyi siuniwa jiwoyi ts'ajane pi awone, siuti a'am je intechaja', jla'yi ti je inkio'yojwi'. '¡Estieje ka ijiatayi ka intechaja', ni'neje ka inkio'yojwi'!

Apocalipsis 3:15 Iomraidhean Croise

Mateo 10:37

“I'nio' ni ja ke ijiatayi ka semi'n, ja 'wenajliyeyi jla'am ni jinia' siu'neje jana jlet, je akajli ka ijwi'il ka yama ka intalk'i. I'nio' ni je ijiate ka semi'n, 'yina 'wenajliyi jla'am ni jlas, siu'neje jana jlase', ti ijiat ti yimine, nak kia'iyo je akajli ka ijwi'il ka yama ka intalk'i.

Mateo 24:12

'Yina ti ja wujwa ni siunie je 'es ti japoye, ja 'lojwa siunapo talk'i pet, janleyisi siunie iyo ti ininemijne'n.

Mateo 6:24

“Je ti'wena pa ka intemisiet papo jika anechiyasas, kajeyepa janemi'n pa janjwanjli, ti siupa kiecha jane'waja, ni'ne ka je intajla pi jikiecha siupa jikiecha pak jantajla. Je 'najanayi paka wonayi ka ijiatayiji ka awoye Aska'niona pa Sinia', siuti inteliajayi niwa askijmatis ti ji'wena'.

Romanos 12:11

Jwajla'a paka woyeyi, ke ink'ijliayeje, nayi wita'm siupa ajosik iyo ti jiniuyeje pa Saka'niona.

1 Corintios 16:22

Siuti japoye siunie je 'namaja ni Saka'niona, 'esiji ka jiwet'ia ine'yi ape'e. ¡Saka'niona, jlam woni'na 'ate, kets'ijyi'n!

2 Corintios 12:20

Sikiwit'ase'm ka siuka nak ijiojwi, ka i'wina ka je iwo'ate siukia iyopi ti ajonitie. Jla'am pet ti ka si'wena ka je iwo'ate siukia awoyipi ti sonitie. Sikiwit'aseme ka ayets'i wita'm ti janawita', ni'ne ka nijnolsinayi paka k'iejliyeyi, siu'neje ni aswak ka ena'yasap, siu'neje ti jijwela napo a'lejwas ti je 'es siupi iyoyi, siu'neje ka nitonitiejyi'n siu'neje ka je inkaja siupa ka woyeyi.

Filipenses 1:9

Lapakawo ti awotajank'iye pet ka ijiatayiji ka asemijnaye poye, ka 'najanajyi'n, jla'yi ka 'najana asosiki. Nak it'imina ki iyo ni 'yejlaye awone.

2 Tesalonicenses 1:3

I'lijwas, ajwelta ka jlam je iniwonaja ti sinikanitieyi awenaja'ni pi Sinia' astepe'e, 'yina ti je niliak kiaka ki jiwoyeyi siunie astankiujnieye ti 'es, jla'yi ni asemijnaye ti jlena'yi napo ijia as'lejwas 'neje, jlam yamjlijyi'n pet.

Santiago 1:8

kajeyepa ti je 'yaka paka ijiatayi paka iwoyi.

1 Pedro 1:22

'Nakayi siuti jik'iuyeyi niwa Sinia' jlamtis ti ijiatk'i, sekyi'i ti je k'emijieta napo as'lejwas ti i'namajayi kajeyepa ti jilija niwa asosikis. Jak je iyoyiji'ni siuti janikimayi siunie asemijnaye, pejlati'n ni asjweye siu'neje ni asosik nayi wita'm ti jawoyeyi.

Apocalipsis 2:2

Iyo'ate wikie'eyi siunie jiwoyi, ts'ajane pi awone. A'we'en siunie akijmaye ti kiojieti, siu'neje ti akanowe jiniope siunie ti ajlak'ali ti yi'a, siu'neje ti ts'ajane pi awone ti je t'iujwam'ni pet k'iye siunapo i'nio' iyoyi ni jike', siunapo yi' aswa'm. Siu'neje na ti pajk'i ti jlejlit napoka i'nio' ijwil ka napokaye injlojwajnas jlam'ne 'wenayi, 'yina ji'we'en ti ijiate ti napokaye siunapo jlamtis je ijyiwitijits'i.

Apocalipsis 2:4

“'Yina ijwienjliyetaja siunie atajlat'a'm ti awoyi atesa', naka ti jiliyi siunie emijnaye ti yi'a ti jiwoyi ti 'nelanjie'e.

Apocalipsis 3:1

'Yina iyo'neje 'ate: —'Ete'e kiu'ujwe siu'nie ti jajloyi siunie jijliujwanik siunapo Sinia' jilis yits'e yi' jana Sardis: “Iyo'ate siunie ti yi' jikiojyi napoka ijwienjli sikio' itij'we times tom'niji Sinia' jikimet ti 'es, siu'neje niwa ijwienjli sikio' itij'we times tom'niji katese'l siuniwa yi' poliyi. Wikie'eyi siuniwa jiwoyi ti ts'ajane pi awone, 'yina 'wanjliyi ka e'e ijnok'i'ni ti injwela ka ayel 'wanjliyeje, 'yina jlampet ti ya'am ts'ajane pi awone ti i'na'al.

Apocalipsis 3:16

'Yina siuti inkipijyi', je intechaja', je inkio'yojwi', jak je iyoyiji ti ekial kisie'e ti akoyi, ajwel ti a'am.