Apocalipsis 3:10 - Sinia' Jlamtis 1994

¹⁰ 'Yina siuti jik'iuk'i'm siunie awo ka woyi, siu'neje ti je liyi, nak jant'emina pet ti ja'ye'na'm ka inetiejenie'e siojona jloma siunie ti ja wujwa ti ja a'tiejak'i ape'e 'ni ajnat ti jajnejlit napo i'nio'.

Apocalipsis 3:10 Iomraidhean Croise

Mateo 24:14

Jlampet siunie inka'niye ti 'es ti ijwil ki iyo nak Sinia' jika anechijiayas jantej'w ape'e 'ni ajnat ti ja tijwelaja ape'e, ja 'nakayeyi ti wikie'eyeyi napo i'nio' yi' ape'e 'ni ajnat jampe'ya pet. Jiwekie'ajana'a ka ajnat ino'we.

Mateo 26:41

Jwajla'a paka woyeyi, ká amayets'iji'n ja 'nakayeyijna'a ti ja ke injlana'ni ni inkajejlasaye. Ts'ajane pi awone ti jlajlasa ka awoyeyi niwa yamtis, ijiatjliyi je sikiwita siunie asosik jiwonayi ti 'es, 'yina 'nakayi jla'am niwa 'asjwes iyoyi, ti je jitiuma'yi ilia'm naka ti sikiwit'ase'm.

Mateo 6:13

Ke kassena'ate ka wiekia'm niwa inkajejlasayejes, 'wenajliyi ka kasjwajiete.

Marcos 14:9

Ijiatk'i siu'nie jayo, ti ajnat pi jane'yi ti ja tiwoki inka'niyeja' siuniwa Sinia' jlamtis ti isis, sekjane'yi ka tijwelajape pet siujlie'e iyo jla'a asejnia, ja titienkiuniejak'ipe.

Lucas 2:1

Puwak siupuwa jlomas ti Augusto, siupa anechiyas Roma jlele, takajlunie ka tetinak'i wikie'eyi papo i'nio'.

Juan 17:6

“Siunapo ti 'wena jlot'i, ti jitiajlaja'm siunapo ajnat jlele pet, pajk'i ti 'yijene pi iyo'naja, kajeyepa ti ajwejla'm. A'm ti tijna'ya'm napoka, 'yina jlekialk'i, siukia jiwone its'iuye.

Romanos 1:8

Janiajnat ti inikanitiejeye awene pa Inia' astepe'e, ka lajak'i ni iyo pa Sijwajieti Jesús, kajeyepa ti ijiok'i'ni ape'e 'ni ajnat ti ti'niejenaja pa tiwonaja siunie iyo ni astankiujnieye ti 'es ti jiwoyeyi.

1 Corintios 10:13

Siunie inkajejlasaye yi'ase, lajk'ipa ka ne'yi paka i'nioye ka je ineyiji. 'Yina 'esiji ka ataj awomayi pa Sinia' ti ja ke inenayi 'ate niwaka inkajejlasayejes, ti wuj ti a'tisk'iji'n, ti je tiuma'yi ilia'm. Siu'neje ti, yiyeta'ase nak inkajejlasaye, Sinia' jan'wenki'na'ase'm siunie janiwonayi ka toma'yi ilia'm.

Efesios 6:13

Tempi it'imina ti kiak awo'nase ti ajlo'wase'm, ka kimayi niwaka askio' jlele ti janiwakajlanitie ta'a. Jak je iyoyiji siuti jane'yase janak jloma ti wuj ti je 'es jatoma'yi ilia'm siupi jawoyeyi. Jak je iyoyiji ti jitimayi ti jinilana', ijiate je t'ikiyejyi pit siunie jiwoyeyi ti insisie, kajeyepa ti ast'oni po'.

2 Timoteo 2:12

Siuti kia'iyo anokieje siunie iyo ti inilayiti, kiak jawo je ijiat ka je iwiekiap yi'i pi ji'wet ti iyo anechiyasa'. Jlampet ti jayok'iate, “Je sitiant'ieje”, kiak iwoyeyinie'e pet 'ate, “Je sitiant'ieje napoka”.

Santiago 3:12

Siojona higok ti iyoyeta jlaye, ¿mi ja jlaye puwa olivok jla'? Ni'ne ka siojona ts'ejniek jit'io ¿jlaye jana higok jla'? I'lijwas kiak jawo siunie i'niat ti inkaje, je nak ka titiajlajaje jana i'niat ti tosijyi.

1 Pedro 4:12

I'lijwas ti yimijna', 'otale t'onitie k'iye siunie asjlak'ali ti janilayitieyi, 'yina ti janakaye ti inkajejlasaye ti jawo'ate ni jwat ti wuj ti a'tiejak'i ka netie'ase, 'yina jlam kiak jawoyi.

2 Pedro 2:9

Ijiatjliyi, 'yina a'wena ti Saka'niona ijwiejiete napo jilis siuniwa wask'i'nelaja ijioyi, siuniwa inkajejlasayejes. Jlampet napoka ti je isis, iwiakajlanit k'iye siunie jawone ka netieje janak jloma ti jan'ye'en ni jitis iyo ni i'nio'.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 11:10

Ja jlam'neja pet napo i'nio' yi' ape'e 'ni ajnat jampeniyeyisk'i'nina'a ti 'yajle'n kiapoka Sinia' jijwejlanawos ti times. Ja inkasajanna'a, sekjane'yi ka initesiek'ina'a ti jawo ji'wajieta', lapakawo ti siukiapo no'we kiapoka ti jijliak'ali iwijna'm napo i'nio'.

Apocalipsis 13:10

“Jlampet siunapo ti tiwoki inkipijnasa', napoka ti ja t'otiek'i a'laja'm, jlampet siunapo ti sijnat tiok ja tikienaja ti ja tilianaja'n, ja ke 'wenaye paka tikienaja janakaye na sijnat jitiok.” Naka ti it'imina ti siunapo Sinia' jilis 'esiji ka ini'neti'n siu'neje ti jikiowe jant'oniti ni Sijwajieti.

Apocalipsis 13:14

Jak je iyoyiji siuti iyoyi siunie i'winki'n, ti tiwenaja'm ka kiak iwoyi jitieyi'i siojo pinitiok ja inia'an, wuj ti ikajmank'iji'n napo i'nio' yi' ape'e 'ni ajnat. Sekyi'i ti ijliuyeyi napo i'nio ka ilesanisi pa jipela' siojo pinitiok ja inia'an ka jakaye ka jitiej iwoma 'yina ka iwunitis, siojo sijnat jitiok tikienat'iyipe ti tijwajakia'm 'yina ti 'napejli wek ki ji'wet.

Apocalipsis 13:8

'Yina siunapo i'nio' yi' ape'e 'ni ajnat siunapo jleyis je yi'i naka imp'esinik, jip'esinik ni i'nio' 'wolepo 'woma siunie ti tilianape, ja wikie'eyeyi ti janwunitis jaka pinitiok. Naka ni siunie imp'esinik ti jleyis yi'i napoka ti pajk'i ti yiyi janak ji'wasankiye ti t'o'n, pakayi ti 'nelanjie'e Sinia' ilisanayi ni wask'i'nelaja.

Apocalipsis 14:12

Naka ti it'imina napo ti Sinia' jika kia'lis ti 'esiji ka ini'neti'n siunapo iyoyi niwa jlamtis jla'yi ti je itionit ni Jesús.

Apocalipsis 14:6

Sekyi'i a'wena ja injlojwanik poli jlele ti ijwi'ya jikiowik'i ni poli, ti name ni siunie Sinia' jlamtik ti je paj ka inetia'n, ti janjwela ape'e wikie'eyi napo yi' ape'e 'ni ajnat, i'nio' ti jloniye je ijwienjli k'iejliyi, siunapo i'nio' ji'lij 'wenayi.

Apocalipsis 16:14

'Yina jawak imose'l i'nisatk'i puwa k'iejliyi ti iyo ka inesi'lietk'i napo i'nio'. Sekyi'i ti yamak'i'ni napo i'nio' anechiyasas ti ijiut wita'm ti yi' ape'e 'ni ajnat ti itiejiete wita'm ni Sinia' ti inilajne'n, ti lajk'ipa ka ijnojliji, siuti janeyi janaka jika jloma ti ijiate ti jwesieje.

Apocalipsis 17:2

Ti siunapo anechiyasas yi' ape'e 'ni ajnat no'we ti 'yuyisi'ni, siu'neje ti siunapo i'nio' yi' ape'e 'ni ajnat ijiumisi ni siunie jloski'la iyo.

Apocalipsis 17:8

Siu'nie pinitiok ti ji'we'en, naka ni siunie ti kia'iyo ti ji'wenape ti 'wanjlijli'yi kiu', 'yina 'nakayi lajk'ipa, pajk'i ti netia'n. 'Yina ja ke iwojliyinie'e ti jano kisie'e ti jantalk'i siunie kiawe ni je ti'wena pa jlaj yi'i pa jik'ioyi, naka ni injlak'ali 'wet pet, siuti kiak jawo ja ke inejliyi kiu' siunie jane'yi jlaj ti janetia'n ka sek jlaja'ayina'a. Jak je iyoyi siunapo i'nio' ji'wet pet siunie ajnat yi'i, napoka ti jleyis laja naka imp'esinik siunie jleyis yiji napok ji'wasankiye ti t'o'n po', talk'i'ni pakayi ti Sinia' k'iejli ilisanayi siu'niwa wask'i'nelaja yi' ape'e 'ni ajnat, ka iwojliyinie'e pa ka i'wenista naka pinitiok. Kajeyepa ti i'winispe ti siuti 'wanjliyi kiu', 'yina 'nakayi lajk'ipa, netia'n, naka 'neje siunie ti janapi pijia'm.

Apocalipsis 2:10

Ke ijnots'ina siunie jawo ni janilayiti ka netie'anie'e, 'ye'en siunie imosik jajnotie kiajwe jana insat jiwe pa ja inojwajia'm ti asa'm, sek jane'yi ti ja'nakaja siuti ja ijiatayi ti astankiujnieye japoye ti ja ke akakiuye ni Sinia'. Times niwa sikioye jantej'we niwa janojwaja'm ni jlomasa' ti kiak jawoyeyi ti ja ayejyi ni asjlak'ali. 'Yina ká aleyi, ataj ká ala'ne, 'wanjliyi ka ajyi siunie alayeja', 'yina ajwe'la'm ti jawi'na'm siojona a'wasankiye ti t'o'n jawoyena'a 'ate siunie i'nio' t'an pijia'm ti tiliaki'n siojona tena'a jana jletik ti 'yakajli.

Apocalipsis 3:8

Ts'ajane pi awone wikie'eyi siuniwa jiwoyi. 'Yejne'n, atayiji siunie 'wuk kiwet 'ajlinitia'm ta'a ak'ioye, 'yina ti ja lajak'ipa ka imp'ojna'm ak'ioye. 'Wanjliyi je kat'ajataja ka ajweye poye, 'yina je wojliyi wek ti jiwoyi niwa yamtis, siu'neje ti je jinikakiu ti intant'iejek'i.

Apocalipsis 6:10

Jla'lap ijiok'i'ni ti iyoyits'i 'ate: —Ika'niona ti lajk'ipa ka ijnojliji, a'm ti i'notataje, siu'neje ti je tiliakiki'a'm. ¿Tepat'iyi pet ka'ye'en napo i'nio' yi' ni ajnat siunie iyoyi, ka awo pet sajaye siunie tiwonats'e ti kaslajne'n?

Apocalipsis 8:13

Siuti itiej atatayi'iji 'nijiye, ape'yayeyi siojo ajwejnas jikie' wuj, ti ijwi'ya jikiowik'i ja poli, jla'lap ijiok'i'ni, ti iyo'ate: —¡P'ijliusisie'itie napo i'nio' napo yi' ape'e 'ni ajnat, kajeyepa ti jiwet'ia japoye ka pesiejatajanie'e siunapo ijia injlojwajnas poli jlele najape ka ilanta niwa ji'woso'l!