Apocalipsis 22:3 - Sinia' Jlamtis 1994

³ 'Yina ja lajak'i'ne siunie Sinia' ine'ne paka jiwet'iaye. Lapakawo ti siojona ji'wet ni Sinia', siu'neje ni 'wolepo 'woma ji'wet ti 'es, sek jane'yi ti janejyi jlajak isi', siunapo jikawos janwunitis pet ni Sinia'.

Apocalipsis 22:3 Iomraidhean Croise

Mateo 25:21

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Mateo 25:41

“Ka kiak iwonayijinie'e ni anechiyas siunapo to'm ji'lieme, “¡Tonitiejyi'n, asa'm ti pajk'i ti jleyejyi ni inlaye! ¡Joyeyi nak jwat ti je paj ka 'no'me, tejeye ni imosik ti ja jikieye siu'neje napo jijliujwajnas pet, ti tiwakajlanitie k'iye!

Juan 12:26

Siuti japoye pa jankijme'n ijiap, kanamana'a ijyik'i. Siunie jayi'i, sekjane'yi pet. Siunie Inia' janteme pet siunie janoyijk'i'm.

Juan 13:32

Siuti I'nio' Jlas i'winki'ne ki iyo ti tonitie pa Sinia', kiak janwo pet ni Sinia' jan'wenki'ijne pet ki iyo ni jijweye iyo pet, ja ke pajayi wata'a.

Juan 14:3

Siuti jayik, jla'yi ti jawiakajlanit siunie jawaye'yi. Jatimeje, ka'nisana'aja ti jayapi'liase, ti jaya'asiye ji'wete ni Inia', ti jawaye ijiap siunie jayi'i.

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Apocalipsis 7:10

Kijlamiyeja'm ti iyo'ate: “¡Siunie Sinia' ti yijijyi'n siojona ji'wet ti jla'am ti anechiyas, siu'neje na 'wolepo 'woma, ti napoka ti tajle jana injwajieti!”

Apocalipsis 7:9

Yam pet 'niji kiaka, ti a'yenayi, a'wena napo ¡ok! ti tajlits'i wikie'eyi niwa ajnatis, i'nio' siunapo jloniye 'wenayiji siunapo ji'lija 'wenayi. Takasitk'i ts'e yi' jlajak in'wet ti anechiyas ji'wet, jitieyi'i 'neje jaka 'wolepo 'woma, je titieyeje ka tetitina kajeyepa 'loj. Lemiyeyi ape'e 'yina ti jawaka jla'am ji'wuye, 'yina wisiuk jik'ase'l inijwankitisiamk'i.