Apocalipsis 21:9 - Sinia' Jlamtis 1994

⁹ 'Yina siojopo ijwienjli sikio' itij'we times tom'niji injlojwajnas poli jlele, siojopo ti itiu'un siojowa ijwienjli sikio' itij'we times tom'niji inwet'ia yijits'i jawa jijwa'al ti tipoyijk'i siojowa tomik'i pijia'm, jaka'ne siojo ijwienjli ti ijiok'i ti iyo'ate: —Jomet, ja'winki'na'm siojona initeminijin'ni, ti janeyi ni 'wolepo' ji'woma.

Apocalipsis 21:9 Iomraidhean Croise

Apocalipsis 1:1

'Nak siu'nie Sinia' iwijna'm pa Sijwajieti Jesús kanjwejla'm pet siupapo jikawos siuniwa wask'i'nelaja ti ja ke pajayi wat ka 'nakajana'a. Sijwajieti Jesús kiak iyone ti 'yakajanitie, pakayi ti ijliuyi pa Juan siupi jijliujwanik poli jlele kan'wenkijna'm.

Apocalipsis 17:1

Siojopo ijwienjli sikio' itij'we times tom'niji injlojwajnas poli jlele ti itiu'un siojowa inat jijwa'al, 'yina ijwienjli siojo ijiok'i ti iyo'ate: —Jomet, ja'winki'na'm siunie ja tiwonaja jlaja asejnia siujlieja ti ijiate ti ijiuski'la'n, ti ja tisiejek'i, ti yiji'n ape'e niwa i'niatis ti je jlase'.

Apocalipsis 19:7

¡Janikanitiek'i wita'm, sinikanitieyi janiponitieje, jla'yi ti jayunitie, lapakawo ti yiyi siojona jloma ti siunie 'wolepo 'woma ti ti'yenajap 'ni i'nio' ti tijwa'yi! Itime siojona janeyi ti ini'notat'ni,

Apocalipsis 21:17

Jlampet siuti ijniujlietk'i siojo inwasok tip'onajajap, sesenta y cinco (65) métrojos ni k'ieja'm iyo ni ti ijiate ti i'nio' ti ijniujlietk'i pa ti iyo kan'ye'en, 'yina kiak iyone ja injlojwanik ti i'ye'en.

Apocalipsis 21:2

A'wena siujlieja isi' Sinia' t'otatki, ti jlajaka p'an Jerusalén ink'ie', ti na'm isia'm ti tajle pi yi'i pi Sinia' poliyi. Itime ta'a ti inilesan'ni ti 'yuts'iji'n ji'wuye ti isis, 'ate iyo jana i'nioki ti janjwa'yi ti janeyi'ne siupa initeme.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:17

Siojona Sinia' jikimet ti 'es, siu'neje napo Sinia' jilis ti ti'yenajap japa i'nioki ti janeyi siunie 'wolepo 'woma, iyoyits'i 'ate: —¡Jomet! Siunie jampe'ya, ka kiak iwoyenie'e pet 'ate: —¡Jomet! Siunie ti janki'im, ka inamayinie'e siunie i'niat ti i'wasankiye, sekjane'yi ka i'yayejenie'e, 'yina ja ke tiwok lajaye.

Apocalipsis 22:6

'Yina siojo injlojwanik poli jlele iyo'ne 'ate ti ijwilk'i'm: —Jla'm ijiate wek jla'am siu'niwa ka je inkakiunisi napo i'nio', 'yina ti je tak'emisie'n 'niwak inamtis. Saka'niona, ni siunie ti iyo ji'lijaye napo jijwejlanawos, naka ti ijliu' na jijliujwanik poli jlele ka in'wenkina siunapo jikawos siunie ti ja ke pajayi wat ti ja poye.