Apocalipsis 21:8 - Sinia' Jlamtis 1994

⁸ Jlampet siunapo ti t'otale je t'ojni'n, siu'neje napo kakiujnietas, siunapo ti ijiat ti 'yakama ape'e niwa jikeyis ti je isis; siunapo i'nio' kalankijietas siu'neje napo ijia jwa'yis jiwos, siu'neje napo ti iniwojwa'n aye'wulisie', siu'neje napo ti jitiej iyoma niwa k'iejliyi ti iyoyi jika diosisa'; siunapo ti sintijyis, 'yina wikie'eyi napoka ti jajnoyi siunie jwat ti isa ape'e ti iyo'ate ni tewuk iliyi ti yat'e azufre. Naka jana 'najlati ti tomik'i siojona inia'an.

Apocalipsis 21:8 Iomraidhean Croise

Mateo 10:28

Ke ijnots'inayi napoka siunapo ti 'yijene pi iyone ka inetiajnat ni 'assie'n, 'yina siunie asak'al nak je 'yijene paka wone ka inetiajnat. Jla'm ijiatayi jla'am siunie ti 'yijene pi iyone ti initiajnat ni 'asie'n, siu'neje ni asak'al, nak jla'm ijiate jla'am ka ajoskiye. Jla'yi ka intateje nak siunie inlaye 'wet ti laj jlaja.

Mateo 25:25

It'imina ti ajweki'n kajeyepa ti je sijwe'ya'm, 'otie ajnat kiajwe siujlieja aka wikiniet'aj jlekialtak'ipi pet. Siujlie'e aka wikiniet'aj ekiaj'la”.

Mateo 8:26

Iyo'ne pet 'ate ti isiujlie: —¿Yot'iyi'ni ti ijnots'inajyits'i? ¡Ijiateje napo yi 'ne 'nakayi jla'am ti laj astankiujnieyeja'! Sekyi'i ti iniyet'ipi pijia'm, tamtiyet'i'yijpe pa jlajwu siu'neje pa i'niat, sekyi'i ti 'yakamaja t'ipi, 'yakama ti 'yakama.

Juan 8:44

Imosik jilists'ase'm, siuti jitiajlayi, it'imina ti jiwoyeyi siunie iyo kanwo. Siunie imosik ti 'nelanjie'e ta'a ti tajlap'e ti iyo kalankijietaja, je paj ka ijiatak'i pa kanwo, lapakawo ti ijiateje ti yinjlajap siunie je ijiatk'i jitiowiji. Siuti ijwilata siuniwa sintijieyis, 'yakaja'a ti jla'am, jla'yi ti jla'am ti jinia' niwak sintijieyis.

2 Tesalonicenses 2:9

Siunie jawoyi pit naka i'nio' laj t'otaliye ka 'nesta, ja ke jlasiye ni jijweyeja' pet ni sitiejiejwa ni imosik ti janamik'i, siu'neje niwa jawo ti jankelitk'i napo i'nio' ti jan'wenki'n. 'Yina jlam'ne jlajma jawoyi siunie jawo.

1 Timoteo 4:2

Jank'iuyeyisijna'a siunapo ti jank'emijiet, siupi janwone, siu'neje napo sintijyis. Napoka siunapo ti ja jlosik ja netia'n, ja ke 'najane pa kanwone ti ent'a 'es ni'ne ka je 'esie siunie iyoyisi.

Tito 1:16

Ijwil ka intant'ieje pi Sinia', jlam'ne siunie jikijmaye iyo 'yakajanit ti jla'm iyo ti ijwil ka intant'ieje. Ikama ape'e ni jike' iyo, ti teje'yi ilia'm niwa Sinia' jlamtis. Je paj ka inkajli ka woyi paka 'esiek'i.

Hebreos 12:24

Siu'neje ti jiniojwayiji pa Jesús jla'am ti iniwojwa'n jiwoye siuniwa iyo pa Sinia', ti iwiets'ilati siunie pajk'i ti iyoyi 'yina ink'ie'ne siu'nie 'nakayi. 'Yina naka ti iliji niwa sit'iojli, jitieyi'i pa Sinia', siunie ji'woyis. 'Yina siunie ji'woyis jla'm ijiate ti 'es siunie iyo saka'niyejats'i, 'yaka'm ape'e siunie ji'woyis t'ipi pa Abel, siunie tajle.

Hebreos 13:4

Apejlanit'i astepe'e ti awo'ate ká awoye aslakikie siunie injwa'ajieyi; ká akajyine siojona ask'iemjla siunie aske' ti jit'iuye'ni. 'Yina Sinia' jan'ye'en siunapo kiak iniwone ni jitis, siu'neje napo iliyik'i napo jijwa'yis.

1 Jn 2:22

¿Ten ni i'nio' sinti'? Ajwel'ni nakajle siunie iyo'ate ti takakiuni pi Jesús, “Jesús je nak Injwajieti ka intajle pi Sinia'”. Nak Sijwajieti jitiejiejwa 'yaka 'yakakiu pi Sinia' jla'yi pi jlas.

1 Jn 3:15

Siunie i'nio' ne'waja'm ni jikiecha, nak i'nio' kalankijieta. Siojona in'wasankiye ti t'o'n je yiji.

1 Jn 5:10

I'nio' ni je 'yakakiu siupa Sinia' jlas, yijni ni jlosik niwa Sinia' jlamtis. Jlampet ni i'nio' ni 'yakakiu pi Sinia', ijwila ka jla'm iwo pi Sinia', ti 'yakakiu siupuwa Sinia' jlamtis ti ijwi'il pi jlas.

Apocalipsis 14:10

jan'yaje siunie at'es ti i'niat je tisiayeje ti naka Sinia' jiwak ti jla'am pajk'i ti iwiakajlanit ti isiajia'm siojona inat jiwe. 'Yina janejyi ni jijliak'ali yi'i ni jwat siu'neje ni azufre, jitieyi'i napo Sinia' jijliujwajnas poli jlele ti isis, jitieyi'i 'neje ni 'wolepo 'woma.

Apocalipsis 19:20

Sekyi'i ti tikimaja'a siojo pinitiok tijwanaja'a siojo jijwejlanik jiwo jla'am, ti je ijiat ka Sinia' jijwejlanik jiwoye', ti i'nisat'ni siuniwa ti 'yakelitk'i napo i'nio' ti yine'ni jitieyi'i ti jla'am. Ik'emijiete siuniwa i'nisatk'i siunapo i'nio' ti 'yaka ti isimits'i ilia'm jaka pinitiok, it'imina ti iyo jijwukisa' ti yi'n jitiokiots'i'i ni'ne ti yi'n jikio'yi, siu'neje ti iyunit ni jipe'el ti tewitanajak'i. Sekyi'i titietajayiji ni jwat ti ti'wasankitieje'n ja pinitiok siu'neje ja injwejlanik jiwo ti je tal Siniayi, jwat siunie ti isa ape'e ti iyo'ate ni tewuk iliyi ti yi'i ni azufre ti yat'e.

Apocalipsis 2:11

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napo Sinia' jilis! Jlampet siunie jantate isia'm ni siunie jitiejiejwa, nak ja ke inekiajle'eje ka 'na'al.”

Apocalipsis 2:2

Iyo'ate wikie'eyi siunie jiwoyi, ts'ajane pi awone. A'we'en siunie akijmaye ti kiojieti, siu'neje ti akanowe jiniope siunie ti ajlak'ali ti yi'a, siu'neje ti ts'ajane pi awone ti je t'iujwam'ni pet k'iye siunapo i'nio' iyoyi ni jike', siunapo yi' aswa'm. Siu'neje na ti pajk'i ti jlejlit napoka i'nio' ijwil ka napokaye injlojwajnas jlam'ne 'wenayi, 'yina ji'we'en ti ijiate ti napokaye siunapo jlamtis je ijyiwitijits'i.

Apocalipsis 21:27

Siunie ti t'ojli ja ke ijnojwa'm, ni'ne ka nakaye ti ti'niachiki, ni'ne ka nakaye siunie ik'emisijnaye. Ja napokataja jla'am siunapo ti jleyis yi'i siunie imp'esinik ti 'wolepo 'woma jip'esinik, jleyis yi'i napo ji'wasankiye ti t'o'n po'.

Apocalipsis 22:15

Jlampet siunapo ti ijiate ti je isisi ti iyoyi ni siunie je 'es, ja 'wanjliyek'i kisie'e, siu'neje napo ti iniwojwa'n aye'wulisie', siu'neje napo ijia jwa'yis jiwos, siunapo kalankijietas, siu'neje napo ti jitiej iyoma siuniwa iyo jika diosisa', wikie'eyi 'neje siunapo ti yimi'n ti ik'emijietk'i napo ijia.

Apocalipsis 9:17

'Yina t'ot jip'otis wikijnies jikie' jla'am ni inwak, ni siunie k'iejliyiji'n iyo'ate ni jwat, siunie jla'al lasaje ijlijni'ni ni majajyi 'ate iyo ni azufre. Jlampet siojowa a'lentas jlete'l jawa iyo'ate niwa k'iwajla niwa jlete'l, jwat tal jikiwitk'i, tosie siu'neje ja azufre. 'Yina ijliena kajnewita'm jikiowe'e napo i'nio' yi' ape'e 'ni ajnat ti no'we ti 'yajle'n itij'we niwak inwet'ia, siunie jwat siu'neje ni tosie siu'neje ni azufre tal jikiwitk'i jawa a'lentas. Kajeyepa ti siojowa a'lentas jijweye yijits'i jawa jikiwitawa, siu'neje jawa jikiase'l. 'Yina siojowa jikiase'l jlete'l po' iyo'ate iyo niwa injlajas ti siuniwa je ijwietanit ti yokie pa. 'Yina jawaka ti isiene napo i'nio' ti iliajne'n. Kiak iyo ki si'wenkinaja.

Apocalipsis 9:21

Yamjliyi ni siunie ti takalankijyi'n, siu'neje ti iniwojwa'n aye'wulisie', siu'neje ni jloski'la iyo ti ijiateje 'yaka'ma ape'eyi jana asejnia siu'neje ni ayinie, siu'neje ti je iliyi ti takajlajne'n.