Apocalipsis 21:7 - Sinia' Jlamtis 1994

⁷ Siunie ti jantate isia'm niwaka ti teje'yi ilia'm naka janeyena'a jikiojyi wikie'eyi siuniwa ti jla'am ti jikijmatis. 'Yina ya'am ti ja Jiniayek'i'm, jlampet ti jla'am ja yasa'.

Apocalipsis 21:7 Iomraidhean Croise

Mateo 19:29

Siunie na'm ijyik'i, ti sek iliyik'i'ni japa ji'wuk, siunapo ji'niayi ijwienjliyi, ni'ne ka jiniaye pa, ni'ne ka jleta japa, ni'ne ka jilisa', ni'ne ka jika ajnata pa, jajwi'lase'm ti je ijiat ka je inkama ape'e niwak siuniwa initiajnatayi, janamek'i siojona ji'wasankiye ti laj jlaja, ti jan'we'en ni i'nio'.

Mateo 25:21

“Iyo'ne 'ate pa anechiyas ti isiujlie, “Ijiate wat ti 'es ti kia'iyoyi, am ti 'yakawo'wa'm ti 'es, jla'yi ti ajosik po'. Siuti kia'iyo ti jilisaniji ni jwajla'a ti ekiaj'la, jayikiaj'la'm siunie ti ijiate ti 'etsaka ti ja'yena. Maj 'oyi ni siunie yi'i jana inlakijnieye, ti awo iliakijnieyeja'”.

Mateo 25:34

Jantanayinie'e ni anechiyas siunapo jantom jijweyeje, ti janwone'ate, “Joniemit, siunapo Inia' pajk'i ti iwijna'm ni 'es ti ip'ilisi'n. Kima'yi ilia'm ni siunie ti jla'am pajk'i ti iwiakajlanit ask'ioye, tajlap'e ti 'nelanjie'e ilisanayi ni ajnat, naka ni jika anechijiayas.

Marcos 10:17

K'iejlijimpa iyoyeyipi kanek ja Jesús, ti yiyejenipi paka pa i'nio' ti t'osi'yi ape'e, t'akosjlete'l itiyeyijin kiajwe ti i'yase'n ti iyone 'ate: —'Ni ika'niona ti i'nes, ¿tepat'e ka iniwontaja ka yija'm pet jana i'wiesankiye ti t'o'n?

Romanos 8:14

Wikie'eyi siunapo ti janaka Sinia' jikimet ti i'winkina siunie iyoyisi, napoka Sinia' jilis.

Romanos 8:19

'Yina wikie'eyi siuniwa Sinia' jilisajna' yitit ka neyi siojona jloma Sinia' yijni, pakayi ti jan'wenkina napoka siunapo ti jilis.

2 Corintios 6:16

¿Ma 'est'iyiji ka injwel ka ijnol wita'm pa ka woyisi niwaka Sinia' ji'wuk siu'neje niwa jitiej iyoma napo i'nio? Iyo niwa Sinia' jlamtis ti iyo'ate ti kasjwel ti sa'am ti ji'wukts'e'm siunie Sinia' ti je paj ka 'na'al: “Jayoyi i'witaje jlamis, sek jayi'i jayikiajli'ni. Ja yama ti ja Jiniayeyisk'i'm, sek jayi'i jayo ika kia'lisa'.”

2 Corintios 6:18

Ya'am ti ja Asnayek'i'm, sek jane'yi siuti asa'am ja ilisa'ase'm ti asejniaye'ase'm, siu'neje ti ayijniests'ase'm, iyo ni Saka'niona ti lajk'ipa ka ijnojliji ni jijweye.”

Hebreos 8:10

“Jlampa je k'iejeyeyik'i'ni kiwak jlomas, 'yina siuniwa jlomas atayeje siunie jayone napoka Israel jika kia'lis ti i'lij jaliyijap, 'naka siu'nie: Jayijnits'i niwa jitienkiujnieyejes siuniwa 'yaka'neyasajnayejes, sekjane'yi ka ip'isinajats'ina'a niwa jikiojwa'l. 'Yina jayama ti ja Jiniayeyisk'i'm jlampet ti jlamis janapokaye ti ja ika kia'lisa' pet.

1 Pedro 3:9

Siuti po' ni je 'es ni iyo'nase napo as'lejwas, 'esiji ka je atayitieyi. 'Yina ja 'wenajliyi pet ti ja ekiajlayi ilia'm ni 'es, siunie akap'ijliuskiyeyi ti ja ena'yi, 'yina naka ti Sinia' tana'ase. Siuti kiak janiwonayi, je jwel ka kiak je iwo'nase pit ni Sinia' ka imp'elisinajyi'n.

Apocalipsis 2:11

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napo Sinia' jilis! Jlampet siunie jantate isia'm ni siunie jitiejiejwa, nak ja ke inekiajle'eje ka 'na'al.”

Apocalipsis 2:17

“¡Siunie jik'iot tiojwa'l po', k'iuyi siunie Sinia' jikimet ti 'es iyone napo Sinia' jilis ti ijwijla'm! Siunie i'nio' ni jant'an pijia'm ti jantate isia'm ni jitiejiejwa, nak ja'yakojniene jana maná ti je takajanitie, sek jane'yi ka iwinajamna'a siojona sisaj lemi'ni ti yi'i siunie ine'e ink'ie' ti t'etaja'a, siunie ti je yits'e paka 'najane pa ka iwone 'yina 'wenajliyi jla'am siunie tena jikiojyi ti 'yijene pi iyone.”

Apocalipsis 2:7

“¡Siunie jik'iot tiojwa'l po', k'iuyi siunie iyo janak Sinia' jikimet ti 'es ti ijwijla'm napok Sinia' jilis! Jlampet siunie jant'an pijia'm nak jawinajamna'a pet siunie jantojw jla' janaka a'la' ti i'wasankiye tajle yiji ni Sinia' jiwasok ti 'es.”

Apocalipsis 21:3

Sekyi'i ti ape'yayeyi siupa jla'lap pa ti 'yakets'ijiap ti tom ts'e yi'i jlaja in'wet ti anechiyas ji'wet, ti iyo'ate: —'Yejne'n, Sinia' iyoye'ne pet ji'weta' jikiowe'e napo i'nio'. Sinia' janejiape'n, siupet ti jla'am jawoyi jika kia'lisa'. Siupet ti jlamis jawoyisi Jiniaye' ti jitiej jawomisie, kajeyepa ti ja ke intajla.