Apocalipsis 21:23 - Sinia' Jlamtis 1994

²³ Isi' ti je isitia'n paka kilieye, ni'ne ka we'laja pa ka jla'al ine'yi ape'e, lapakawo ti Sinia' jla'al jla'am siunie ti 'es yi' ape'e ti 'yakajanit'i ape'e, 'yina siojona isi' iyoyi pet jika katesa' ni 'wolepo 'woma.

Apocalipsis 21:23 Iomraidhean Croise

Apocalipsis 22:5

Ja laja ajnaja'a, jak je iyoyiji siunapo sek janejyi ja ke jwesiejayisijyi'n k'iye japa katesa' ka inata'm ape'e, siunie kilie' kiak jawo ja ke insetianis, kajeyepa ti japoye ti jla'am ni Sinia' ti Saka'niona ni ja jlala ti janata'n ape'e. 'Yina jawoyeyisna'a anechiyasisa'a pet ti jajnok'i'ni.

Apocalipsis 21:11

Intaj jla'al je ijwi'yi, kajeyepa ti Sinia' jla'am siupa jla'al ti itie'e, siu'neje ti intaj jla'al tijwayiji'ni, ni k'iejliyi siojona sisaj ti jle' iyo'ate jaspe ti 'es.

Juan 1:9

Siojona ijiate jla'am ti kates ti ja'nakajanit'i ape'e wikie'eyi napo i'nio' yi' ape'e 'ni ajnat, majleyet'ipi ilia'm.

Apocalipsis 18:1

Yam'niji kiaka, sekyi'i ti a'wenaja ja injlojwanik poli jlele kiecha na'm isia'm ti tal poliyi, jijweye jinia' ti na'am, siu'neje ja jla'al kia'iyojliyi, jak je iyoyiji siojo jla'al itijwi'n ape'e 'ni ajnat.

Lucas 2:32

kates ti janata'n ape'e siunapo i'nio' je Judíojos, janakaye jiwunitieyeja' napo aka kia'lis ti tajla'm ni Israel.”

Apocalipsis 21:25

Jawa jika 'wuk kiwitawa ja ke tip'onajamk'i ti jloma, kajeyepa ja laja ajnaja'.

Juan 5:23

ja 'nakayeyi ti ja tiwunitie ka iwoyena'a 'ate ni Jinia' ti intonitieye tena'a. I'nio' ni je iyunit ni Jlas, ja ke injwe'el ka pakataja ka inwunit pi Jinia' ti ijliu'.

Juan 1:18

Lajk'ipa ka in'we'en pi Sinia'. Ijwienjli jla'am ti i'wi'in siunie Jlas ijwienjli, ti jla'am ti Sinia', ti ijwienjli yiyi'i pi Sinia'. Jla'am ti i'winkints'e'm, it'imina ti kastant'ieje.

Juan 1:14

Siunie inamtik ti iniwojwa'n i'nioye, yisajap. Je jlase' ki iyo ni jlemijnaye ti po'o, jla'yi ki iyo ni ijiatk'i ti yiyi. A'wena ki iyo ni jla'al ti wuj ti 'es, jla'yi ni jle' ti wuj, ti jlamkata ti tekiajlaja, 'yina kajeyepa ti jlam ti Jlas ijwienjli pi Sinia'.

Juan 1:4

Naka'ne ni siunie in'wasankiye tajle; janaka'ne siojona 'esi' napo i'nio' iyoyisi jika katesa'.

Hechos 22:11

“Lapakawo ti siwojwa'n talokie siujlieja kates ti a'we'en ti 'esi', jak je iyoyiji'ni siojopo ya'yis sitionayis isija'm.

Marcos 8:38

I'nio' ni ja'najwelk'i ka sijwe'el, jla'yi ki iyo niwa yamtis jitieyi'i papoka i'nio' ti je isis yiji siu'niwa jlomas awak'i ti iyoyi ni jike', 'yina siunie I'nio' Jlas ti janapimet, ti siupi jit'iuni pi Jinia', siu'neje papo jijliujwajnas poli jlele ti isis ti janamik'i, kiak jawo ja'najwejle.

Mateo 16:27

Kajeyepa ti ja'nes ni I'nio' Jlas ti janejyi ni jijweye iyo ni Jinia', siu'neje napo jijliujwajnas poli jlele janamik'i, kantesiet'ik'ina'a wikie'eyi napo i'nio', siunapo jikijmaye 'es siu'neje napo jikijmaye je 'es.

Juan 17:24

“Inia', am a'am ti jiwenk'i'm, awojonk'iye pet ka neyis ijiap, ts'ijiye siunie jayi'i, ja'nakayeyi ti jan'wenis pet siunie ijwiye iyo ti jlekialk'i, kajeyepa ti semi'n ta'a jitiajlap'e ti je wakaljli'ijyi 'ni ajnat.

Apocalipsis 5:6

Sekyi'i ti a'wenayi ja 'wolepo 'woma takasiti'n jikiowe'e siojowa ji'wetis napo anechiyasas, siu'neje jawa ijniujlits'i pini' Sinia' jilisajna' jitiete 'loj, siu'neje japo i'nio' jwajla'a iyots'i'ni, 'wanjliyi ti iyo ti tiliana. Ijwienjli sikio' itij'we times tom'niji jawa jik'iulis, kia'iyojliyi jawa jitiete 'nak nojwaja'm 'neje, jawaka siojopo ijwienjli sikio' itij'we times tom'niji Sinia' jikimet ti 'es ti ijliu'we 'ni ajnat.

Apocalipsis 7:17

Lapakawo siunie 'wolepo 'woma ti yi' kiowe'e siojona 'es ji'wet ni anechiyas jan'yejnap jiwek siunie ti i'yena niwa sontas, janajnin'ni k'iye ti jajnoyiji niwaka i'niatis isisits'i ti tajla'm niwa tikijnakiyis, ti iyo 'wasankiyeja', 'yina Sinia' jitiet t'e' inlejak'ina'a.”

Apocalipsis 14:4

Japoka siunapo ti je inikajyine napo asejnia, kajeyepa asejnia t'ale' je yi'ik'i, 'wenajliyi jla'am ti yamisk'ijin'ni naka 'wolepo 'woma siupi iyo ka ijnojwi. Lapakawo ti jikiowe'e napo i'nio' yi'i 'ni ajnat, Sinia' itime ti ijwiejiete'n, 'yiniye ka napokaye, Sinia' siu'neje ni 'wolepo 'woma, ti tiwoki ji'wajieta' siunie inia'an.