Apocalipsis 21:11 - Sinia' Jlamtis 1994

¹¹ Intaj jla'al je ijwi'yi, kajeyepa ti Sinia' jla'am siupa jla'al ti itie'e, siu'neje ti intaj jla'al tijwayiji'ni, ni k'iejliyi siojona sisaj ti jle' iyo'ate jaspe ti 'es.

Apocalipsis 21:11 Iomraidhean Croise

Apocalipsis 15:8

'Yina siojo tosie ti tajle ni Sinia' jijweye siu'neje ni iyo ni Sinia' ti je jlase' ni iyo, itijwe'n kiajwe jlaja Sinia' ji'wuk, 'yina je 'esjliyiji kiu' ka poye paka 'no kiajwe siuti je nojli kiu' pijia'm siuniwa ijwienjli sikio' itij'we times tom'niji inwet'ia siojopo japo injlojwajnas poli jlele name.

Apocalipsis 22:1

Siojo injlojwanik poli jlele i'winkink'i'm ja tewuk ti tajle siunie i'niat ti i'wasankiye, 'esi 'yiniye na intaj jla'al tijwayiji'ni, tajla'm siojo Sinia' siu'neje ja 'wolepo 'woma ji'wet ti 'es ti yijijyi'n.

Apocalipsis 22:5

Ja laja ajnaja'a, jak je iyoyiji siunapo sek janejyi ja ke jwesiejayisijyi'n k'iye japa katesa' ka inata'm ape'e, siunie kilie' kiak jawo ja ke insetianis, kajeyepa ti japoye ti jla'am ni Sinia' ti Saka'niona ni ja jlala ti janata'n ape'e. 'Yina jawoyeyisna'a anechiyasisa'a pet ti jajnok'i'ni.

Apocalipsis 4:3

Siojo jloniye iyo ti 'es, iyo'ate jla'a 'wosta' jlokie siu'neje ni ji'wole ti jiwats'o, ti intaj jla'al je ijwi'yi. 'Yina siujlieja in'wet ti anechiyas ji'wet siujlie'e jwats'ilkat siunie jla'al nak iniujwape'n, kia'iyojliyi ti 'es iyo'ate siujlie'e sisaj jle' iyo'ate esmeralda.

Apocalipsis 4:6

'Yina jitieyi'i jlajak in'wet sekyi'i 'neje siu'nie, 'yiniye ni i'niat lajlik'i ti 'esi ti intaj jla'al tijwayiji'ni. Jikiowe'e siojo yi'i jlajak in'wet anechiyas ji'wet, jikiusilk'i 'neje, sekyiye'e jawa ijniujlits'i pini' Sinia' jilisajna' ti jitiete'l ijniulk'i tom 'niji jitieyiji jawa jitiete, tom 'niji ji'wechaja jawa ijia.