Apocalipsis 20:9 - Sinia' Jlamtis 1994

⁹ Itijwi'n ape'e 'ni ajnat ti yam'ni, sekyi'i ti jatant'ekijiam'ni siunie Sinia' jilis ji'wet ti iliakiyisi'i wek, lapakawo ti tijwayisiap jana isi' ti Sinia' jleminki. Jlampa iyoye pet 'ate ni jwat tal poliyi ti itij'we papoka ti 'yojwits'i.

Apocalipsis 20:9 Iomraidhean Croise

Lucas 17:29

'Yina ti yajmiwek pa Lot ti tajla'm japa Sodoma, 'nakayet'ipi 'ni jwat ti na'm isia'm, siu'nie azufre ti tisa'yi ape'e papo i'nio', pak itij'we'ne.

Lucas 19:43

Awoyi kajeyepa ti jana'am siuniwa jlomas ti ja a'tiesiek'iji'n ni jane'ya, siunapo atajiejwas janwasok'iajap ti ja awaye kiowe'e kant'ekitie'ase.

Lucas 21:20

“Siuti kiak jawo ja'wena' jana Jerusalén ti tokis siunapo 'loj janjwayisiap, ja'wena' ká atejnisiejap'e ti ja ke pajayi ti janetiajne'n.

Lucas 9:54

Siojopo t'eyasajnas, Santiago siu'neje ja Juan, i'winis ti kia'iyo, sekyi'i iyoyis'ne 'ate: —'Yaka'niona, ¿'est'iyiji ka 'yejlaja pa jwat ka intal poliyi, ka intej'we siu'napo i'nio'?

2 Tesalonicenses 1:8

ti janame ti jan'ye'en ti jansa'a napoka i'nio' ti ijiateje ti teje'yi ilia'm ni Sinia', siu'neje napo ti je iyo ka ink'iuyeje ni inka'niye ti 'es ti ijwi'il pet pa Saka'niona Jesús.

Hebreos 13:13

Siuti sa'am 'yiniye ka kiak iyoki, ti awaki japak isi', sekyi'i ka inaja'ni ti atajlaja'm japaka ti ajoki pa Jesús. 'Yina wuj ti anilayitieje siunie ti tiwet'ianats'e tiwonat'iyijipi pet.

Apocalipsis 11:5

Siuti po' napo janjwe'el ka k'iejliyeyi paka iwone, 'yina ti jwat siunie itiajlatk'i niwa jikiwitawa, sekyi'i nak isienayi napo jitiejiejwas ti jwat iliankine. 'Yina kiak jawone siunapo teje'yi ilia'm.

Apocalipsis 13:13

Je jlase' 'neje siunie iyo ti i'winki'n siuniwa iniank'iye siunie ja 'nakaj, jak je iyoyi ti yisi'liete napo i'nio' siunie jlots'ini. 'Yijene pi iyone ti isia'yi isia'm ni jwat ti tal poliyi, 'yina wikie'eyi napo i'nio' ti i'winis ti kia'iyo.