Apocalipsis 20:4 - Sinia' Jlamtis 1994

⁴ A'wen'neje siuniwa ji'wetis napo anechiyasas, 'yina siunapo yiyisijyi'n napoka ti Sinia' yikiajle ni jijweye kan'ye'en napo i'nio' siunie iyo. Sekyi'i a'wen'neje niwa jisiak'alis siunapo jlete'l tilienat'i'yijimpe ti titiajlataja naka ti je iliyi ti yame ki iyo niwa Jesús jlamtis, siu'neje niwa Sinia' jika'niye, siu'neje ti je iyunitis jaka pinitiok ka jitiej iwomisie, siu'neje ja jipe'el ti tewitanajak'i, siu'neje ka lajk'ipa ka inejyi siunie ti tiwok jijwukisa' ni jitiokiots'i, siu'neje ni jikio'. A'we'en ti 'wasanaja'neje mil niwa najkapis yiji ti iyoyis pet anechiyasisa', ti ijwienjli yiyisi'i ni Sijwajieti ti kia'iyo.

Apocalipsis 20:4 Iomraidhean Croise

Mateo 19:28

Jesús isiujlie japo ti iyo'ate: —Ijiatk'i siu'nie jayo'nase, ka inetiejenie'e siojona jloma ti Sinia' janekiajle'e ti jawo ink'iejyisa' wikie'eyi niwa wask'i'nelaja, siojona jloma ti ni I'nio' Jlas jane'yiji'n siojona ji'wet ti 'es ti jawo anechiyasa', asa'am kiak jawoyeyi'iji pet. Jawaye'yiji'n niwak in'wetis itijwa'm sikioye times tom'niji ti jawoye anechiyasisa' pet, asa'am ti je liyejyin'ni ijyik'i. Japakayeyi ti siunapo i'nio' ti je pini', siunapo tajla'm napo itijwa'm sikioye times tom'niji Israel jilis, ti jane' askiajwe ti jawoye pet anechiyasisa'.

Mateo 24:10

Janak siojona jloma ti ja 'lojwa napo i'nio' janlek'i, janetiajnat nak jitienkiujnieye ti 'es. Ja ke insesk'i wita'm kajeyepa ti ja ke ini'nama. Ja kiajatajak'i'ni jawopi pa janekial pa ji'niayi ijwienjliyi, siupapo ijia ti ne'waja'm.

Marcos 6:16

Herodes ti 'yijenayi pet pa iyone kiaka, 'yina iyo pet 'ate: —Ya'am awo'ate ti 'naka Juan, siukia akajluniepe ka jletik tiliena'a. 'Yina 'nakayi yapi pijia'm ti tajla'm ni a'no'.

Marcos 6:27

Sekyi'i ijliuye pa tokis ka intoni japa Juan jletik.

Marcos 9:11

Jak je iyoyiji ti i'yasayisi'n ti iyonisi 'ate: —¿Yot'iyi'ni siunapo taka'neyasane ni Moisés jika'neyasajnaye, ti ijwi'il pa Elías pak jana'an ti ja'nes?

Lucas 1:17

Jawo'ate iyot'iyipi pa injwejlanik jiwo Elías t'ipi, ti jijweye tiwenaja'm, ti janajne'n k'iye ni Saka'niona. Janekiajle wita'm napo i'nio' napo jilis; siunapo kakiujnietas janoyeyijna'a pet siunie iyo napo isis ti iyoyi ni 'es; kiak jawo ni jikijmayeja' ni Juan, ti janwakajlanit siunapo i'nio' janki'm ilia'm ni Saka'niona.

Lucas 14:14

'Nakayeyijna'a ka Sinia' inwe'nase'm siunie 'es jikap'ijliuskiye, kajeyepa ti ja ke inkajlisi ka kiak inwo'nase pet ka inejni siunie jiwone, sekjane'yi ti ja'we'en janak akaja siupa jloma ka inotiek'i kisie'e siunapo isis jla'am ti ja intajli ni a'no' ti janapits'i pijia'm.

Lucas 22:30

Kiak jawo'ojyi ja kijwanak'i ts'iji ti jayo anechiyasa', ka aye'yijinna'a siuniwa in'wetis ti jawoye anechiyasisa', jane'ya kiajwe siunapo tajla'm napo itijwa'm niwa sikioye times tom'niji Israel jilis.”

Juan 14:19

Je pi itioyeyi'i niwa jlomas, siunapo yi'i ni ajnat ja ke si'we'en, 'yina jlam pet ti asa'm ja si'wena'. Ja i'wasanajyi'n kajeyepa ti ja si'wasa'n.

Romanos 11:15

Siuti Sinia' jwamjla'a ti je i'yejne'n napoka Judíojos, naka ti it'imina ti 'yakama napo i'nio' yi' ape'e 'ni ajnat, je lajk'i ti jla'am ni Sinia'. ¿Tepa jawo jiat'eje ka Sinia' inkimtie ilia'm? ¡'Wena ja ke iwo 'ate iyo napo i'nio mases ti tekiajlak'i pijia'm!

Romanos 8:17

Ijiatjliyi, siuti sa'am ti jilists'e'm ja kasjwanaja'a pa Sijwajieti ti ja tiwenats'e'm siunie ti sikimet naka ni pajk'i ti ijwilts'e'm ni Sinia'. Siu'neje ti ja ijiatayi ti siliaye janoj wita'm pa Sijwajieti ni jijliak'ali iyo ka 'nakayeyi pet, siunie jiwunitieye ti 'es ka nesajap.

2 Timoteo 2:12

Siuti kia'iyo anokieje siunie iyo ti inilayiti, kiak jawo je ijiat ka je iwiekiap yi'i pi ji'wet ti iyo anechiyasa'. Jlampet ti jayok'iate, “Je sitiant'ieje”, kiak iwoyeyinie'e pet 'ate, “Je sitiant'ieje napoka”.

Apocalipsis 1:2

Sekyi'i Juan ijwil'ne pet wikie'eyi siupuwa i'wi'in. 'Yina 'naka'ne siu'nie ti 'yitt'iyipi, ti ijwilik'iji'n siuniwa jlamtis pa Sinia', siu'neje ni ijiatk'i ti Sijwajieti Jesús ti iyo pet jika'niyeja'.

Apocalipsis 1:9

Ya'am Juank'i'm siunie askiecha, lapakawo pet siuti ani'nopijieteje ni Jesús 'yina si'wet ijwienjlajam'ne siunie Sinia' jika anechijiayas, siu'neje ti siliaye iniuk'i wita'm ti siwet'ia poyeta, 'yina majejli naka 'neje siunie sijweye pet ti ani'netiejeta pet ilia'm niwaka. Sena 'ne yi'i jlaja ajnat siujlie'e i'niat tijwajiape'n jle' iyo'ate Patmos, 'yina je 'wena paka int'emink'i naka jla'am ti awoyi yamtikie' niwak Sinia' jlamtis, siu'neje na ijiatk'i ti Jesús iyo jika'niyeja'.

Apocalipsis 11:11

'Yina yam'niji siukiwa najape jlomas siu'neje jakia yisitaja'm, Sinia' jiyel yikiajlamk'i. Sekyi'i ti 'wasanaja'neje, iniyek'i pijia'm papoka. 'Yina wikie'eyi siupapo i'nio' ti i'winis wuj ti jnots'ijnits'i.

Apocalipsis 11:15

Sekyi'i siojo injlojwanik poli jlele ti tomayi jlaja, jlampa ijwienjliye 'ni sikio' itij'we times tom'niji japo yam'niji, ti ti'wosojyi'n, 'yina pesiejayi papo tom'niji poliyi, jla'lap ijiok'i'ni ti iyoyits'i 'ate: “¡Siunie ajnat wikie'eyi siuniwa isie pet ape'e 'nakayi yi kiajwe pet ni jijweye ni Saka'niona, siu'neje ni Injwajieti ti jijliujwanik. 'Yina napoka ti anechiyasas jajnok'i'ni ti kiak jawo!”

Apocalipsis 11:3

'Yina sek jantajlisiap'e siuniwa cuarenta y dos we'lajas ajwel'ni paj ka ineyik'ina'a, ti janwoyi jlamtikie' siuniwa yamtis siunapo ti jijweye jawijna'm. Napoka times i'nio' 'yakawosa', ti ji'wuye jiniliaja niwa 'yuts'iji'n ji'wuye iyo napo ti jika amejyi po'.

Apocalipsis 11:7

Jantemisiji ti jawoyis jika'niyejayi papo tijliuki, sekjane'yi ka inoyena'a kisie'e siunie pinitiok ti jantalk'i siunie kiawe ti je ti'wena k'ioyi, ti jant'ekiye napoka, sekjane'yi ka ilanajanna'a 'yina ti ja ke intayisi.

Apocalipsis 12:11

Sa'm ijia itiete isia'm, ka lajak'i ni ji'woyis naka 'wolepo 'woma ti tisa'ni, siu'neje ni inka'niye ti 'es ti tajle ni Sinia' ti ijwilisi pijia'm. 'Yina ka kia'iwo ka ijnots'ina jana 'najlati, 'wenajliyi jla'am ti inite'em ta'a k'iye naka.

Apocalipsis 14:11

Jlam'ne pet siunie tosie ti ijliak'alisi'ni je iliyi ka paja ti yam pijia'm jajnok'i'ni pet ti kia'iyo. Niwa jlomas ajnajas, 'yina je yi'its'ilia'm siunie iyo ni jijliak'ali napoka ti iyunit naka pinitiok, siu'neje ni jipe'el, siu'neje ni isi'm ilia'm ni jle' jana jijwukis iyo.

Apocalipsis 15:2

'Yina a'we'en ja siojo iyo'ate ni i'niat lajlik'i ti ijiat ti 'esi' ti intaj jlal tijwayiji'ni siojo ti jwat ijlijni'ni. Jlam'ne pet siojopo ti pajk'i ti itietisi isia'm jak pinitiok, jaka 'neje jla'am ni jipe'el titewitanajak'i, siu'neje jlaja jijwukis ni jle', takasitk'i ape'e jaka siojo i'niat lajlik'i ji'woso'l siojowa t'aka 'lojk'iji'n ijwienjlijamk'i ti pajk'it'ipe ti Sinia' yikiajle.

Apocalipsis 17:8

Siu'nie pinitiok ti ji'we'en, naka ni siunie ti kia'iyo ti ji'wenape ti 'wanjlijli'yi kiu', 'yina 'nakayi lajk'ipa, pajk'i ti netia'n. 'Yina ja ke iwojliyinie'e ti jano kisie'e ti jantalk'i siunie kiawe ni je ti'wena pa jlaj yi'i pa jik'ioyi, naka ni injlak'ali 'wet pet, siuti kiak jawo ja ke inejliyi kiu' siunie jane'yi jlaj ti janetia'n ka sek jlaja'ayina'a. Jak je iyoyi siunapo i'nio' ji'wet pet siunie ajnat yi'i, napoka ti jleyis laja naka imp'esinik siunie jleyis yiji napok ji'wasankiye ti t'o'n po', talk'i'ni pakayi ti Sinia' k'iejli ilisanayi siu'niwa wask'i'nelaja yi' ape'e 'ni ajnat, ka iwojliyinie'e pa ka i'wenista naka pinitiok. Kajeyepa ti i'winispe ti siuti 'wanjliyi kiu', 'yina 'nakayi lajk'ipa, netia'n, naka 'neje siunie ti janapi pijia'm.

Apocalipsis 2:26

Siunie i'nio' jwajla'a iyo'ni ti jant'a'n ape'e ni siunie jitiejiejwa, siu'neje ti jitiej je ilie'ne ti iyoyi siunie ajloyeje ka iwoyi, 'yina jajnok'i'ni paj ka ineyeyinie'e siunie jlaj jane'yi, nak jayojwa'n anechiyasa' ti jan'yena pet wikie'eyi siuniwa ajnatis.

Apocalipsis 20:6

¡Sinia' jikap'ijliuskiye ti 'es yi'ne siunapo ti inian'ni ti yikiajle'e ti 'wasajne'n, 'yina ti napoka ti Sinia' jika kia'lis! 'Yina siojona 'najlati ti jantome pijia'm ja ke injlan'ni pet. 'Wenajliyijna'a ti janapokaye Sinia' naka 'neje ni Sijwajieti Jesús ti jawoyi jika pa'yijisa', ijwienjli janeyisi'iji'n ni Sijwajieti ti jawoyis anechiyasisa' ti jajnolk'i niwa mil najkapis.

Apocalipsis 22:5

Ja laja ajnaja'a, jak je iyoyiji siunapo sek janejyi ja ke jwesiejayisijyi'n k'iye japa katesa' ka inata'm ape'e, siunie kilie' kiak jawo ja ke insetianis, kajeyepa ti japoye ti jla'am ni Sinia' ti Saka'niona ni ja jlala ti janata'n ape'e. 'Yina jawoyeyisna'a anechiyasisa'a pet ti jajnok'i'ni.

Apocalipsis 3:21

Siunie i'nio' ti jantate isia'm ni jitiejiejwa, jawijna'm pet siunie ti janejyi'n ijiap siunie i'wit ti awo anechiyasa', iyo'ate awo ti atate isia'm siunie ata ilia'm, 'yina ayejen 'niji ti ajiap ni Inia' ti yi'iji'n jana ji'wet ti anechiyas.

Apocalipsis 4:4

'Yina a'we'n 'neje jawa veinticuatro siu'niwa ti kia'iyo anechiyasas ji'wetis ti iniujwape'n jlajak anechiyas ji'wet, yiyits'ik'iji'n siunapo i'nio' ti jwajla iyoyits'i'ni ti ji'wuye lemi 'najli, 'yina jlete'l 'yutiamk'i siuniwa tiwenajamk'i siunapo ti kia'iyo t'ank'i pijia'm ti ji'wajiet wikinie maja ti 'najli.

Apocalipsis 6:9

'Yina jlampet ti yiyeyi siojo 'wolepo 'woma ti its'isate ape'e siojowa t'etiejek'i ape'e ja imp'esinik ti ijwienjli sikio' itijwa'a jawa no'we, sekyi'i a'wena siojopo japo tilianat'ijyimpe jisiak'alis jitieyi'i siujlie'e altar, ti nak tenaja ape'e Sinia' jlamtis ti iyoyi jlamtikie'.

Apocalipsis 7:3

—¡Ejlo'o kiu', ke k'iejliyeyi kiu' paka wonayi 'ni ajnat siu'neje ni i'niat lajlik'i siu'neje niwa a'la' siuti je atemajliyi'iji ka iyok jijwukisie'e napoka Sinia' jikawos ka yina'ak'i niwa jitiokiots'i'l!